ADS 468x60

25 December 2011

அனர்த்த முன்னாயத்த முனைப்பில் மட்டக்களப்பில் தேசிய பாதுகாப்பு தினம்

உலக நாடுகள் எல்லாவற்றுக்கும் இயற்க்கை அனர்த்தம்; ஒரு பொதுவான விடயமாக இருந்து வருகின்றது.  அபிவிருத்தி அடையாத  நாடுகளை மட்டுமல்ல , அபிவிருத்தி அடைந்த மேற்குலக நாடுகளையும் அடிக்கடி இயற்க்கை அனர்த்தங்கள் விட்டு வைக்கவில்லை, இருப்பினும் அவற்றின் 90 விகிதமான இயற்கை அனர்த்தங்கள், அதனால்; வரும் பாதிப்புகள், உயிர் இழப்புகள் என்பன மூன்றாம் உலக நாடுகளிலேயே ஏற்ப்பட்டு வருகிறது. இன்று இலங்கைத் தீவு இலகுவாக அனர்த்தங்களுக்கு பாதிக்கப்படும் நாடாக மாறியுள்ளது. இவை கடந்த இரண்டு தசாப்த காலத்தில் பாரிய வெள்ளம், சுனாமி, மண்சரிவு மற்றும் வறட்சி என்பனவற்றினால் மக்களை பொருளாதார சமுக அடிப்படையில் ஒரு படி பின்னோக்கி தள்ளியள்ளது.

18 December 2011

திகிலிவெட்டை மக்களும், மண் வாசனையும்..


கொடுத்துச் சிவந்த கைகள் போல வளங்கொழிக்கும் கிழக்குப் புற தழிழ் விழை நிலங்களையும், தழராத சுறுசுறுப்பான படுவான் மக்களையும் பார்த்து வியக்காதவர் யாரும் இல்லை. மட்டக்களப்பின் சிறப்பே வந்தோரை வாழவைக்கும் இன்முகமும், ஊரெங்கும் குளிர்பரப்பும் வாவிகளும் தான். இப்படி சிறப்புற்று விளங்கும் மீன்பாடும் மட்டு நகருக்கு வடக்கே 20 கிலோ மீற்றர் தொலைவில் கிரான் பிரதேச செயலக எல்லைக்குள் சந்திவெளிக்கு அப்பால் குறிஞ்சி, முல்லை மருதம் என்று மூன்று நிலங்களும் ஒருங்கே அமைந்து, பச்சை ஆடைபோற்றி படர்ந்து பூத்துச் சிரிக்கும் எமது தாய் மண்ணான 'திகிலி' என்று அம்மக்களால் செல்லமாக  அழைக்கப்படும் திகிலிவெட்டை எனும் கிரமத்தின் 'வாங்கோ' என்று வரவேற்க்கும் மக்கள், குழந்தைகள், மாடுகள், ஆடுகள், பச்சை பசேல் என்ற பயிர்ச் செடிகள் இன்னும் நிறையவே கண்டேன்.

11 December 2011

இரக்கமற்றவள்.


நீ இரக்கமற்றவள் என்பதை- என்
அன்புப் பரிசல்களை
திரும்பத் தந்து காட்டாதே!
உன்னிடம்
விட்டு வைத்துள்ள-
எனது
அப்பாவி இதயத்தை,
ஒரு மூடி நஞ்சு கொடுத்து
கொண்டு விடேன்!

அது இன்னும்
உன்னைப் போல்
அலையும்
முகமூடிக்காரர்களுக்கு
சத்திரமாய்
அமையும் பெண்ணே!

09 December 2011

விரும்புகிறேன்.....


விரும்புகிறேன்.....
போலியற்ற முகங்களை,
புன்னகைக்கும் உள்ளங்களை,
கேலி செய்யாத நட்பை,
கீழ்த்தரம் இல்லாத வாழ்க்கையை....

விரும்புகிறேன்.....
கடவுளைக் காண - உன்மை,
காதலி கிடைக்க,
பேர் சொல்ல சாக,
பேச்சில் உன்மையை.....

08 December 2011

நான் ஒரு பொறுக்கி

















வயலில் கதிர் பொறுக்கி
வாய்க்காலில் மீன் பொறுக்கி
அரிசியில் நெல்லுப் பொறுக்கி
அரிக்குமேலைக்குள் கல்லுப் பொறுக்கி

கல்லூரியில் அறிவு பொறுக்கி
காதலில் இதயம் பொறுக்கி
வலைத்தளத்தில் தகவல் பொறுக்கி
வாத்தியாரிடம் பாடம் பொறுக்கி

காசி பொறுக்கி- மாஸ்டர்
கோசு பொறுக்கி- ஆசான்
ஆசி பொறுக்கி
நேரம் பொறுக்கி- பரீட்சைக்காய்
வாரம் பொறுக்கி
ஏய் பொறுக்கி பீ பொறுக்கி
எடுத்ததெல்லாம் பொறுக்கி

அரசியலில் குப்பை பொறுக்கி
ஆண்மீகத்தில் அமைதி பொறுக்கி
வெட்டியாய் வேலை பொறுக்கி
வேதனையில் வேண்டாதது பொறுக்கி
வாழ்ந்ததெல்லாம் பொறுக்கி- இதனால்
வாங்கிய பேரும் பொறுக்கி.

05 December 2011

இலங்கையின் பேண்தகு வீட்டுத் திட்ட செயன்முறைகளும், வாழ்கை முறையும்.


ஒரு மனிதனின் அடிப்படைத் தேவைகளில் அவன் வாழ்வதற்க்கு தேவையான உறைவிடம் முக்கியமானதாகக் காணப்படுகின்றது. இதனால்தான் எந்த ஒரு நாட்டை எடுத்துக் கொண்டாலும் வீட்டுத்துறை முக்கியமானதாகக் அபிவிருத்தி திட்டங்களில் கருத்தில் எடுக்கப்படுகிறது. இது ஒரு நாட்டின் பொருளாதாரச் செழிப்பினைத் தூண்டி விடுகின்ற வகையில் எல்லாத் துறைகளையும் ஒன்றிணைத்து முன்னெடுக்கும் முகாமைத்துவத்தின் தேவையை வலியுறுத்துகிறது. அழகான வீடு ஒரு மனிதனின் அடிப்படை மனிதாபிமானத் தேவையாகும். இது முழுவதுமாக வீட்டுக்காரரின் விருப்பு மற்றும் வாழ்கைத் தரம் என்பன மூலம் செல்வாக்குச் செலுத்துகின்றது. வீட்டுத் திட்டங்களில் ஏற்ப்படுகின்ற முன்னேற்றம் பல வழிகளில் நன்மை பயக்கின்றது. உதாரணமாக பொருளாதார நன்மைகள், சேரிப்புற வாழ்க்கைக்கான முற்றுப்புள்ளி, சேமிப்பு ஊக்குவிப்பு, நேரடி மறைமுக கட்டுமானப் பணி வேலைவாய்ப்புகள் மற்றும் நுகர்வு என்பனவற்றினை குறிப்பிடலாம்.

26 November 2011

சீரற்ற காலநிலையும் சீரளியும் மக்களும்;தொடரும் போராட்டம்.

வாழ்க்கையில் போராட்டம் இருக்கத்தான் செய்யும் ஆனால் போராட்டமே வாழ்க்கையாகலாமாஎவ்வாறாயினும் அது தான் இன்று எம்மக்களின் நிலைப்பாடாகி விட்டதுதமிழர்கள் தங்கள் சொந்த நாட்டுக்குள்ளயே போராடிப் போராடி சலித்து விட்டனர்ஐந்து தசாப்த கால உரிமைப் போராட்டம்உடமையையும் உயிரையும் காக்கப் போராட்டம்உணவுக்காகப் போராட்டம்வறுமையோடு போராட்டம் இன்னும் இயற்கை அனர்த்தங்களில் இருந்து வருகின்ற இடர்களுக்கு(Risks) எதிராகப் போராடிக் கொண்டுதான் இருக்கின்றனர்இந்தப் போராட்டத்தினை மக்கள் சுயமாக நின்று வென்றுவிட முடியாதுஅதற்க்கு மக்கள் சத்தியில் உருவாக்கப்பட்ட அரச இயந்திரத்தின் தேவைப்பாடு முக்கியமானதாகும்அதற்கு அப்பால் மக்களது ஒத்துழைப்பு மற்றும் அவர்களுக்கு இவை பற்றிய விழிப்புணர்வுகள் மேலதிகமாக வலுச் சேர்ப்பவையாகத்தான் இருக்கும்ஆனாலும் இவை பொறுப்புள்ளவர்களின் அசண்டையீனங்களால் தான் மக்களையும் அவர்களது சொத்துக்களையும் பறித்துச் செல்லும் துர்ப்பாக்கியமான நிலைக்குள் தள்ளியள்ளது.

21 November 2011

இது உந்தன் நாடே


ஓன்று சேருவோம் இனி
இன்று மாற்றுவோம் விதி
இது உந்தன் நாடே
உந்தன் உரிமைகள் கிடைத்திட
தடைகளை உடை தமிழா

அன்று யுத்தத்தின் அடி
இன்று வறுமையின் பிடி
இதுதான் உந்தன் வாழ்வா
உந்தன் குருதியில் உறுதியை
ஊட்டிடடா தமிழா

வழி இன்று தெரிகின்ற போது
விழி மூடி தூங்குவதா நீ
எல்லோரும் மன்னர்கள் தானே
ஏன் இன்னும் சேவகம் உனக்கு

ஏரு பூட்டி மாற்றான் வாழ
சோறு கொடுத்த எம் தமிழா
தேர்தல் மட்டும் நமக்கோர் வழி
நினைவில் வையடா

02 November 2011

விடியலே விடியலே.....









விடியலே
நீயும் ஓர வஞ்சக்காரனா!
உனைக் கண்டு
மொட்டுக்கள் சிரிக்கினறது
சிட்டுகள் களிக்கின்றது
எனக்கு மட்டும் ஏன்- நீ
தூரத்தில்...

எரிமலைபோல் பொங்கி
உரிமை உரிமை என்று
ஊர் அதிர நடித்து
பொய் உரைத்து,
எம் தமிழர் முகத்தில்
கரி இறைக்கும்
அரசியல் இருளில் நானும்
விடியலே...
எனக்கு மட்டும் ஏன்- நீ
தூரத்தில்...

01 November 2011

காதல் ஒரு காட்டு மூங்கில்


ஆகாய மேகம்
நீலக் கடல்
மெல்லிசை
குழந்தையின் சிரிப்பு
மலை அருவி
இவைபோல் 
காதலும் அழகானது.

இன்னும்>
மனம் நெகிழும்
கண்ணீர் சிந்தும்
இரண்டு ஒன்றாகும்
உயிர் விடும்.....

காட்டு மூங்கில்
கையில் பட்டால் 
காற்றும் இசைக்கும்
வெய்யில் பட்டால் 
காடும் எரியும்...
ஃ காதல் ஒரு புல்லாங்குழல்
எரிவதும் இசைப்பதும்
எம் கையில்....

31 October 2011

நீயும் நானும்..



பிடித்திருக்கு பிடித்திருக்கு
புரியவில்லை ஏனென்று...
காற்றை அழைந்து
கதைத்த நிமிடங்கள்
வலைத் தளத்தில்
வளைத்த வார்த்தைகள்

பக்கத்தில் வந்து
வெட்கித்த சாயல்கள்
பள்ளிப் பிள்ளைபோல்
பார்த்த பார்வைகள்

கல்யாணத்துக்கு நாள்
குறித்த நினைவுகள்
காது வலித்தும்-செல்லில்
கரைந்த காலங்கள்

எரிமலையாய் எழுந்த கோபம்
இதமாக விழுந்த பார்வை
பிடித்திருக்கு பிடித்திருக்கு
நீயும் நானும்
நிஜத்தில் வாழ....

26 October 2011

தீப திருநாள் வாழ்துகள்



விட்டிலுக்கு விழக்கு ஒளி
வீட்டுக்கு தீபம் ஒளி
தொட்டிலுக்கு குழந்தை ஒளி
தொடர்இருளில் கதிர் ஒளி

வாழ்க்கைக்கு கல்வி ஒளி
கல்விக்கு கற்றோர்  ஒளி
வாடுவோர்க்கு அன்பு ஒளி
வானமெங்கும் நிலா ஒளி

கண்ணுக்கு கருணை ஒளி
கயவர்க்கு ஞானம் ஒளி
காற்றுக்கு ஜீவன் ஒளி
காதலுக்கு உன்மை ஒளி

துன்பத்தில் நட்பு ஒளி
துணையான மனைவி ஒளி
இன்பத்தில் செல்வம் ஒளி
இனித்திடும் தீபாவளி ஒளி ஒளியே!

24 October 2011

யார் கிழக்கின் அடுத்த முதல் அமைச்சர்?


நடைபெற இருக்கும் கிழக்கு மாகாண சபை தேர்தல் வரலாற்று முக்கியம்வாய்ந்த போட்டி நிறைந்த ஒன்றாக இருப்பதனால்தான் கிழக்கின் அடுத்த முதல்வர் யார் என்கின்ற பெரிய கேள்வி எல்லோர் மத்தியிலும் எழுந்துள்ளது.

இலங்கையில் 19ம் நூற்றாண்டின் தொடக்கத்தில் இருந்தே மாகாண சபை முறை அறிமுகப்படுத்தப்பட்டு, அதிகாரங்கள் பரவலாக்கப்படும் நடை முறை இருந்து வந்தது. இதன் மூலம் அதிகாரங்கள், பொருளாதாரம், மற்றும் வளங்கள் நாட்டின் எல்லா எல்லைகளிலும் சமமாகக் கிடைக்கப் பெற 1978 ஆம் ஆண்டு யாப்பின் 13ம் இலக்கச் திருத்தச் சட்டத்தின் அடிப்படையில் மாகாண சபை முறை சட்டபூர்வமாகக் கொண்டு வரப்பட்டது. இலங்கையில் உருவாக்கப்பட்டு நடைமுறைப் படுத்தப்படும் மாகாண சபைகளின் பின்னணி என்ன? அவற்றில் கொண்டுவரப்பட்ட மாற்றங்கள், அவை செயலற்று இருந்தமை, அதன்பின் நடத்தப்பட்ட தேர்தல்கள் மற்றும் இவற்றில் கிழக்கிலங்கையில் தமிழர்களின் நிலைத்து நிற்ப்பதற்க்கான தந்திரோபாய நகர்வுகள் என்பன பற்றி ஆய்வு செய்யப்படுகிறது.

குறிப்பாக இலங்கையில் காணப்பட்ட நீண்ட கொடூரமான சிவில் யுத்தத்தினை முடித்து வைக்க வேண்டிய தேவை அப்போதைய அரசாங்கத்திற்கு இருந்தது. இந்த நேரத்தில் இந்தியாவின் உதவியை நாடவேண்டிய நிர்ப்பந்தத்திற்குள் இருந்தமையினால் இலங்கை- இந்திய ஒப்பந்தம்   1987 யூலை 29 இல் கைச்சாத்திடப்பட்டது. இதில் குறிப்பாக உடன் பட்ட விடயங்களுள் மாகாண சபையின் அதிகாரங்களைப் பலப்படுத்துவது என உடன் பட்டிருந்தனர். இதே நேரத்தில் 14.11.1987 இல் 1978ம் ஆண்டின் 13ம் இலக்கச் சட்டத்தினை பாராள மன்றத்தினால் ஏற்றுக் கொண்டிருந்தது. அதன் பின்னர் 03.02.1988 ஆண்டு மாகாண சபையின் 1987ம் ஆண்டுக்கான 42ம் இலக்க சட்டத்துக்கு இணங்க ஒன்பது மாகாண சபை பிரகடணப் படுத்தப்பட்டது.

வடக்கு கிழக்கு இணைந்த மாகாண சபையின் அன்றய தேவைப்பாடு.
1988 இல் தான் வடமத்தி, வடமேல், சப்ரகமுவ மற்றும் ஊவா மாகாண சபைக்கான தேர்தலுடன் ஆரம்பமானது. இலங்கை- இந்திய உடன்படிக்கையில் ஏற்றுக் கொள்ளப்பட்ட முக்கியமான விடயங்களுள் ஒன்று, வடக்கு கிழக்கு மாகாணங்கள் இணைந்த வகையில் நிர்வகிப்பது என்பது. இதனையே தமிழர் விடுதலைக் கூட்டமைப்பு தனது தாரக மந்திரமாக கொணடடிருந்தது. இந்த ஓப்பந்தத்துக்கு இணைவாக 02.09.1988 இல் இரு மாகாணங்களும் ஒரே நிருவாக அலகின் கீழ் ஒன்றிணைக்கப் பட்டுள்ளதனை அப்போதைய ஜனாதிபதி ஜே;ஆர். ஜயவர்த்தன அவர்களால் அறிவிக்கப் பட்டிருந்தது.

இதன் பின்னர் புதிதாக இணைக்கப்பட்ட வடகிழக்கில் 19.11.1988 மாகாண சபைக்கான தேர்தல் நடத்தப்பட்டு வடகிழக்கில் பெரும்பாண்மையாக வாழ்ந்து வருகின்ற தமிழர்களின் பிரதிநிதி ஒருவர் முதல்வராக தெரிவு செய்யப்பட்டார். அதன் நோக்கம் அப்போது இணைந்த மாகாணங்களுக்குள் தமிழர்களின் ஆதிக்கத்தினை நிலை நிறுத்துதல், சிதைவடைந்த மக்களின் வாழ்க்கையைக் கட்டி எழுப்புதல் என்பனவாக இருந்தது. அப்போது இருந்த நு.P.சு.டு.கு இயக்கத்தின் உறுப்பினர் வரதராஜப்பெருமாள் முதல்வராக அறிவிக்கப்பட்டார். அதன் பின்னர் த.ஈ.வி, புலிகளின் யுத்தம், இந்திய இராணுவ வெளியேற்றம் என்பனவற்றுடன் இச்சபை 1990 இல் கலைக்கப்பட்டு தற்க்காலிகமாக கொழும்பில் இருந்து நிருவகிக்கப் பட்டு வந்தது.

கிழக்கு மாகாணம் பிரிக்கப்பட்டமையும் மாகாண சபைக்கான தேர்தலும்.
இவ்வாறு செயலிழந்து கிடந்த இந்த வடக்கு கிழக்கு மாகாண சபைகளின் செயற்ப்பாடுகள் குறித்து ஒக்டோபர் 16, 2006 சுப்றீங்கோட்  மூலம் வடக்கு மாகாணம் வேறாகவும் கிழக்கு மாகாணம் வேறாகவும் பிரிக்கப்பட்டது. டகிழக்கு இணைக்கப் பட்டது போதிய திருப்தியை தராத காரணத்தினால் இரு நிருவாக அலகுகளாகப் பிரிக்கப்பட்டது. இதனை சட்டப்படி செலலிழந்த செல்லுபடியாகாத ஒன்று என வர்ணித்து இருந்தனர்.

இலங்கையின் கிழக்கு மாகாணத்துக்கான 2008ம் ஆண்டின் தேர்தல் மே 10, 2008 இல் 18 வருடங்களின் பின்னர் இரண்டாவது தடவையாக முதலாவது கிழக்கு மாகாணத்துக்கான மாகாண சபை உறுப்பினர்களை தெரிவு செய்வதற்க்கான மாகாண சபைத் தேர்தல் நடத்தப்பட்டது. அதில் 980000 வாக்காளர்கள் வாக்களிக்க தகுதி பெற்றிருந்தனர். இதில் 18 அரசியல் கட்சிகள் மற்றும் 58 சுயேட்சைக் குழுக்களில் இருந்து 1342 போட்டியாளர்கள் முன்னிறுத்தப்பட்டு மாபெரும் போட்டி இடம் பெற்றது. இதில் 20 ஆசனங்களை ஆழும் கட்சி கைப்பற்றி ஆட்சியை தனதாக்கி அதிலும் ஒரு தமிழன் அமோக வாக்குப் பலத்தினால் முதலமைச்சர் ஆனமை வரலாறு சொல்லும் கதை. இதில் ஒன்றை விளங்கிக் கொள்ளும்போது கிழக்கில் கிழக்கு தமிழ் அரசியல்வாதி வருவதற்க்கான சாத்தியம் அறைகூவப்பட்டது பெருமைபடக்கூடிய ஒன்றாக இருந்தது. 
அட்டவணையில்  உள்ள புள்ளி விபரங்களின் அடிப்படையில் பார்ப்போமானால் சில தமிழர்ளின் இடங்களில் புள்ளி விபரக் கணக்கெடுப்பு நடாத்த படாத விடத்தும் 1881 ஆம் ஆண்டில் இருந்து 2007 ம் ஆண்டு வரையான கணக் கெடுப்பின் படி தமிழர்கள் தான் கிழக்கிலங்கையில் அனேகம் காணப்பட்டிருக்கின்றனர் எனவே, எமக்குள் இருக்கும் பொது விளக்கம் இந்த கிழக்கு மாகாணத்தில் தமிழர்கள் அனேகம் வாழும் பிரதேசத்தினில் ஒரு தமிழன் ஆட்சி செய்வது ஒன்றும் பெரிய வேலை இல்லையே! என்பதுதான்.

இன்றய அரசியலில் ஒன்றுமே இல்லாது இழந்து போன தமிழர்களை காப்பாற்ற அரசியலை பயன்படுத்தும் தந்திரோபாயங்கள் தேவை. வெறுமனே தமிழர்களை காப்பாற்றுகிறோம் அவர்களது உரிமைகளைக் காப்பாற்றுகிறோம் என்று சொல்லி 'இருந்ததையும் இழந்தாய் போற்றி' என்ற கணக்கில் இன்னும் இன்னும் ஏமாறாமல் அரசியல் சூட்சுமத்தின் ஊடாக தமிழர்களுக்கு விமோசனம் கொடுக்கும் வகை செய்தல் இன்றய தேவை.
 கிழக்கு மாகாணத்தில் மொத்தமாக வோணஸ் ஆசனங்கள் அடங்கலாக 37 ஆசனங்கள் காணப்படுகின்றது. ஆதனை மேலுள்ள அட்டவணையில் காணலாம். 

இன்று தமிழ் வாக்காளர்களிடையே காணப்படும் அடையாளம் காணப்பட்ட பிரச்சனைகள்.
அனேகமான கட்சிகளின் இறக்குமதி
அரசியலில் எதுவித நேரடி இலாபத்தினையும் சம்பாதிக்காமை
அரசியலில் இருக்கும் குறைந்தபட்ச விருப்பம் மற்றும் அச்சம்.
வாக்களிப்பு பற்றிய சரியான தெழிவின்மை
இதனால் நிராகரிக்கப்படும் வாக்குகள் குறிப்பாக தமிழ் பிரதேசங்களில் அதிகளம் காணப்படுகிறது.
பொருளாதார வீழ்ச்சி

சாதாரண மக்கள் உன்மையில் குழப்பத்தில் இருப்பதனைக் காணக்கூடியதாய் இருக்கிறது ஏனெனில் சென்ற மாகாண சபைத்தேர்தலில் 18 அரசியல் கட்சிகள் மற்றும் 58 சுயேட்சைக் குழுக்களில் இருந்து 1342 போட்டியாளர்கள் பாமர மக்களிடம் வாக்கு கேட்டுச் சென்றனர். இதில் குறிப்பாக தமிழ் மக்களுக்கு மாடும் தெரியவில்லை மானும் தெரியவில்லை அதனால் பெறுமதியான வாக்குகள் நிராகரிக்கப்பட்டிருந்தன.

யுத்தம், இயற்க்கை அனர்த்தம் என்பன தவிர இந்த மக்களை தங்களது பிளைப்புக்காக ஏமாற்றிய கூட்டம் என்பனவற்றினால் இருக்க பிரச்சினைகளும் கூடியதே தவிர எதுவித சுதந்திரத்தினையோ, தங்களது பிள்ளைகளின் மற்றும் பிரதேசங்களின் அபிவிருத்தியினையோ இல்லாவிட்டால் பூரணமான உரிமையினையோ இந்த மக்கள் கண்டிருக்கவில்லை. வெறுமனே பிச்சைக்காரர்களாக மாறி இலங்கையிலே 20விகிதம் வறுமையில் வாடும் மக்கள் கூட்டத்தை கொண்ட கெதியற்ற சமுகமாக மாறி இருந்தனர் இந்த மட்டு மாநில மக்கள். இந்த காரணங்களால் தழிழ் மக்கள் பெரும்பாலும் வாக்களிப்பதனை புறக்கணித்திருந்தனர்.

எமது முஸ்லிம் சகோதர சமுகத்துடன் ஒப்பிட்டுப்பார்க்கும்போது, தமிழ் மக்களுக்கு இந்த அரசியலில் அவளவு விருப்பம் இருந்திருக்கவில்லை.   இந்தக் காரணங்களால் வாக்களிப்பு பற்றிய தெழிவு எமது மக்களுக்கு மிக மிக குறைவாகவே இந்த மூன்று தசாப்தகாலத்தில் இருந்து வந்திருக்கிறது. இது மிகமோசமான தாக்கத்தினை எமது தமிழ் சமுகத்துக்கு ஏற்ப்படுத்தி இருக்கிறது. தவிரவும் தாக்குதல்கள், அடாவடி, காரியாலய சிதைப்புகள் மற்றும் வாக்குமோசடிகள் என்பனபோன்ற இன்னோரன்ன காரணங்கள் மக்களிடையே அச்சத்தினை ஏற்ப்படுத்தி இருந்தது.
மேலுள்ள அட்டவணையில் தபால் மூல வாக்குகள் கூட 2055 ஆக அதிக அளவில் தமிழர்கள் செறிந்துவாழும்  மட்டக்களப்பில் நிராகரிக்கும் அளவுக்கு எமது வாக்குப்பலம் அமைந்திருக்கிறது. ஆனால் முஸ்லிம்கள் செறிவாக இருக்கும் அம்பாரையில் அது வெறும் 438 ஆக மட்டும் இருப்பதனைக் காணலாம்.
அதுபோல மேலுள்ள அட்டவணை மூலம் இன்னொரு விடயத்தினை புரிந்துகொள்ளலாம் அதாவது, 10.42 விகிதமான அதிக வாக்குகள் மட்டு மாவட்டத்திலும் வெறும் 7.16 விகிதமான வாக்குகள் அம்பாரை மாவட்டத்திலும் சென்ற தேர்தலில் நிராகரிக்கும் அளவுக்கும், 128507 பேர் வாக்களிக்க செல்லாமல் நிராகரித்தமையையும் வைத்து நோக்கினால் 39விகிதமான வாக்குகள் மட்டக்களப்பில் அளிக்கப்படாமலும் ஒரு தமிழ் பிரதிநிதியை தெரிவுசெய்து முதலமைச்சராக்கியுள்ளமை குறிப்பிடத்தக்கது.

கிழக்கு மாகண சபையின் ஆதிக்கத்தின் தேவைப்பாடும் பொருளாதார வளர்ச்சியும்
ஓரு நாட்டின் அரசியலையும் செழிப்பினையும் நிர்ணயிப்பது அந்த நாட்டின் பொருளாதாரமாகும். இங்கு 2008 இன் மாகாண சபை தேர்தலுக்கு முன்னும்    பின்னும் நாட்டின் பொருளாதார நிலைமையில் என்ன மாற்றம் இருந்தது என்பதனை சற்று நோக்க வேண்டும். 1980களில் மாகாணத்தின் மொ.உ.உற்ப்பத்தியில் அதன் பங்களிப்பாக 14 விகிதமாக இருந்து இடைப்பட்ட யுத்தகாலத்தில் அது 8 விகிதமாக குறைவடைந்திருந்து மீண்டும் 2008 காலப்பகுதியில் மொ.உ.உற்ப்பத்தியில் 16 வீதமாக அதிகரித்திருந்தமை குறிப்பிடத்தக்கது..

கிழக்கு மாகாண சபை அதிகாரம் கிடைத்தவுடன் கிழக்கின் உதயம் திட்டம் ஜனாதிபதியின் ஆலோசனைக்கிணங்க ஆரம்பித்து வைக்கப்பட்டது. இதன் கீழ் புதிய நவீன வீதிகள், விமான நிலையங்கள், துறைமுகங்கள், குடிநீர் விநியோகத்திட்டங்கள், நீர்ப்பாசனத்திட்டங்கள், புதிய நகர அபிவிருத்தித் திட்டங்கள் அத்துடன் தொழில் நுட்ப்ப அபிவிரத்தித் திட்டங்கள் போன்ற பாரிய பொருளாதார மலர்ச்சி ஏற்ப்படுத்தப்பட்டது. இத்துடன் முதலீட்டு ஊக்குவிப்பு வலயங்கள், புதிய சுற்றுலா வலயங்கள், நகர அபிவிருத்தித் திட்டங்கள் என்பன உருவாக்கப்பட்டமையை மறந்துவிடவோ மறுத்துவிடவோ முடியாது. இவை காரணமாக இம்மாகாணத்தில் 70 விகிதமாக செறிந்து வாழுகின்ற விவசாயிகளில் 2006 களில் 56 விகிதமாக இருந்த விவசாய உற்ப்பத்தி இப்போது 80 விகிதமாக அதிகரித்துள்ளமை குறிப்பிடத்தக்கது.

இந்த பொருளாதார மாற்றங்கள் எல்லாம் இதற்க்கு முன் ஒரு போதும் காணாத அளவுக்கு எமது மாகாணத்தில் இடம்பெற்றுள்ளதெனின் அதற்க்கு காரணம் பலம் வாய்ந்த அரசியல் பின்னணி என்றால் யாராலும் மறுக்க முடியாது. அதுவும் இந்த மாகாணத்தினை நன்கு உணர்ந்திருக்கின்றவர்கள் அவர்களது சொந்த சிந்தனையில் அவர்களது மக்களை ஆழும்போது அது பிரயோசனமானதாகவே இருக்கும்.

தழிழர்களின் வாக்குப் பலமும் நம்பிக்கையீனமும்.
ஒப்பீட்டளவில் 40 விகிதமாக கிழக்கு மாகாணத்தில் செறிந்து வாழ்கின்ற தமிழர்கள் வாக்குப் பலம் கொண்டவர்கள். இருப்பினும் சென்ற தேர்தலில் அவர்களில் 39 விகிதமானவர்கள் வாக்களிக்காது இருந்துள்ளமை குறிப்பிடத்தக்கது. அதுபோன்று அளிக்கப்பட்ட வாக்குகளில் 21088 வாக்கு நிராகரிக்கப்பட்டமை இன்னும் வாக்களிப்பதில் எம்மக்களுக்கு இருக்கும் தெழிவின்மை புரிகிறது. 

தமிழர்கள் ஏமாற்றுப்படும் இனம் என கூறும் அளவுக்கு அவர்களது கடந்த கால அரசியல் இருந்து வந்தது. குறிப்பாக தமிழ் மக்கள் ஓரிருவரது சுயலாபத்துக்காய் விலைபோனதை அவர்கள் இன்று நன்கு உணர்ந்துள்ளனர்.  கடந்த மாகாண சபைத் தேர்தலின் போது கால் பங்கிற்கு மேலான தழிழர்கள் வாக்களிக்க வராது ஏனோதானோ என்று புறக்கணித்திருந்தனர். இருந்தும் தழிழர்கள் மூலம் ஒரு முதல் அமைச்சரை வரவைக்கலாம் என்பது எமக்கு கிடைத்த ஒரு பாடமாக இருக்கலாம். 

உன்மையில் தழிழன் ஒருவன் மீண்டும் மீண்டும் முதல் அமைச்சராக வரவேணும் எனின் தழிழை நேசிப்பதோடு அல்லாமல், உன்மையாக மக்களிடையே சென்று பணிபுரியக் கூடிய,  கொடுத்த வாக்குகளை நிறைவேற்றக்கூடிய, விலைபோகாத, இனத்துவ அடயாளங்களை பேணிகப்பாதுகாக்கும்;, தனது சமுகத்தின் கல்வி, கலாசாரம், பண்பாடுகள் மற்றும் நாகரிக வரம்புகளை சரிவடையாமல் பேணக்கூடிய ஒருவர் தேவை.

இவை தவிர மக்களிடையே வாக்களிக்கக் கூடிய ஆர்வத்தினை தூண்டும் விழிப்புணர்வினை ஏற்ப்படுத்த வேண்டும். அத்துடன் மக்களிடையே தேர்தல் மூலம் கிடைக்கும் பலாபலன்களை எடுத்துச் சொல்ல வேண்டும். உன்மையை நன்கு ஆராய்ந்து அறியக்கூடிய அரசியல் பக்குவத்தினையும் அதன் முக்கியத்தினையும், பொது அமைப்புகள், நலன்விரும்பிகள் பக்கச்சார்பு இல்லாத வகையில் எமது மக்களிடையே எடுத்தியம்ப வேண்டும். அதன் பின்னர் இம்மாகாணத்தில் இருக்கின்ற செறிவான தமிழ் வாக்குகள் நம்பிக்கையான ஒருவருக்கு அளிக்கப்பட வேணும். ஆதன் மூலம் மட்டுமே நாம் நமக்கான ஒரு பிரதிநிதியை உருவாக்கிகொள்ளலாம், இந்த உன்மையை படித்த மக்கள் முதல் பாமர மக்கள் வரை விளங்கிக் கொள்வார்களாயின் அடுத்தடுத்து கிழக்கில் ஒரு தமிழ் பிரதிநிதியை முதலமைச்சராக கொண்டுவந்து அத்தனை நன்மைகளையும் பெற்று இம்மக்களின் சுபீட்ச்சத்துக்கு வழிகோலலாம் என்பதில் எதுவித ஐயமும் இல்லை. 

எம்மக்களிடையே பாரிய சவாலாகவும் கேள்விக்குறியாகவும் இருக்கும் அடுத்த கிழக்குமாகாண முதலமைச்சர் யார் என்கின்ற கேள்விக்கான பதில் வரலாற்று மாற்றத்தினை ஏற்ப்படுத்த இருக்கின்றது. இந்த வரலாற்று வெற்றியை ஆய்ந்து உணர்ந்து செயலாற்றவதன் ஊடாகவே தமிழர்கள் வாழ்வு வளம்பெறும் என்றால் மிகையாகாது. இதனை இங்கு வாழ்கின்ற மக்கள் மாத்திரமல்ல வெளிநாடுகளில் வாழுகின்ற எம்மகளும் உணர்ந்து செயற்ப்பட தலைப்பட வேண்டிய தார்மீக பொறுப்பு உண்டு அதுதான் தமிழரின் அடுத்த தசாப்தத்துக்காக காப்பீடாக அமையும் என்பதில் எதுவித சந்தேகமும் இல்லை. ஆகவே சிந்திப்போம் செயற்ப்படுவோம்.


15 October 2011

நல்லொரு கூத்து

உலகத்தின் செம்மொழி அந்தஸ்த்து பெற ஒரு மொழிக்கு எத்தனையோ தகுதிகள் வேண்டும் அத்தனையும் தன்னகத்தே கொண்டு நாம் வாழும் போதே தழிழனாய் பிறந்தேன், என்ற பெருமை கொள்ள வைக்கும் எங்கள் அழகு தமிழுக்கு அழகு சேர்க்கும் தழிழ் இலக்கிய விழா கிழக்கு மண்ணின் முக வெத்திலையாக இருக்கும் மீன்பாடும் தேன்நாட்டில், கிழக்கு மாகாண கல்வி, பண்பாட்டலுவல்கள், காணி, காணி அபிவிருத்தி போக்குவரத்து அமைச்சின் ஏற்ப்பாட்டில் நடாத்தப்படுவது பாராட்டபட வேண்டியது' என கிழக்குப்பல்கலைக்கழக உப வேந்தர் கலாநிதி பிறேம்குமார் நிகழ்வுகளின் இடையே நிறுவிக்காட்டினார்.

ஒரு இனம் நீண்டிலங்க அதன் கலை, கலாசாரம், பண்பாடு, மொழி இந்த நான்கு சக்கரங்களும் தேவை. மூன்று தசாப்த கால யுத்தத்தின் கோரப்பிடியில் கை நழுவிய எமது இனத்துவ அடையாளங்கள், இன்று மின்னல் போல் ஆங்காங்கு பளிச்சிட்டு மறைந்தாலும,; அவை மின்னத் தொடங்கி இருக்கிறதை நினைத்து பெருமை தான்.

02 October 2011

வயோதிபத்துக்கு எறும்புகள் கொடுக்கும் கௌரவம்.


'உழைத்து வாழவேண்டும் பிறர் உழைப்பில் வாழ்ந்திடாதே' என்பது என்னவோ மனிதனுக்கு மட்டுமல்ல, எமக்கெல்லாம் உதாரணமாகத் திகழும் கடினமாக முயற்சியுடன் ஓயாது உழைக்கும் எறும்புகள், தேனீக்கள் போன்ற ஜீவன்களுக்கும் சேர்த்துத்தான் என எண்ணத் தோணுகிறது.

முதியோர்கள் இனிக்கும் அடிக்கரும்பு, கடைந்தெடுத்த வெண்ணை, கனிந்து வந்த பழுத்த பழங்கள், காற்றும் மழையும் கடந்த வந்த அனுபவக்கப்பல்கள் அவர்கள் ஞானிகள், வழிகாட்டல்கள் இன்னும் எல்லாம் அவர்களே. ஆதனால்தான் அவர்கள் கனம் பண்ண வேண்டியவர்களாக உலகலாவிய ரீதியில் ஞாபகப் படுத்தப்படுவது பெருமைக்குரியது.

மனிதர்கள் ஒன்றும் புத்திஜீவிகளாக, கலைஞர்களாக, உழைப்பாளியாக பிறப்பவர்கள் அல்லர், மாறாக அவர்கள் அவ்வாறு உருவாகிக் கொள்கிறார்கள். நிறைய விடயஙந்கள் மனிதன் ஏனைய ஜீவாராசிகளிடம் இருந்துதான் கற்றுக் கொள்கிறான். இதனைத்தான் கவிஞ்ஞர் கண்ணதாசன் சொன்னார் 'பறவையைக் கண்டான் விமானம் படைத்தான், பாயும் மீன்களில் படகினைக் கண்டான்' என்று. 

நாம் எறும்புகளிடம் இருந்து கற்றுக் கொள்ளவேண்டிய ஒரு புதிய விடயம் என்ன தெரியுமா!

26 September 2011

யாழ் இசை வாணி.

பெரிய சமுத்திரத்தினை கிழித்து வரும் வெள்ளலைபோல் மனதில் பிரபாகித்த மகிழ்சிகள் ஒன்றா! இரண்டா! நெடு நாள் ஆசையின் நிறைவேற்றமாய் கூழாங் கற்களுக்கிடையே மாணிக்கம் போல் பாடும் சின்னக் குயில், நாதங்களின் பள்ளிக் கூடம், வேதங்களின் இசை கோலம், கீதங்களின் சொந்தக்காறி, வடக்கின் இசை வசந்தம், யாழ் வாணி 'ஆதித்தியா' பழிச்சென என்னை பார்த்து சிரிக்கிறாள். 

கண்டேன் கலை முகத்தினை ஆச்சரியத்தோடே, முழுசாய் இருந்த நான் தலை கால் புரியாமால் முக்காலாய் போனேன். 'நீங்கள் ஆதித்யாவா மா' என்றேன.

பட்டதாரிகள் படும் பாடு...



உலகத்தில் பொருளாதாரத்தில் வழர்ந்த காடுகள் எல்லாம் வாழ்வாதாரத்தில் தன் நிறைவுகண்டமையால் தான் என்பது வரலாறு. வாழ்வாதாரம் வளர வளங்கள் தேவை, வளம் இருந்தும் வளர முடியாத பல நாடுகள் இன்றும் பல பிரச்சினைகளுக்கு முகம் கொடுத்து முடியாமல் போகின்றது. இலங்கை இதற்கு ஒன்றும் சளைத்தது அல்ல. பொருளியல் கூறும் குறை; வறுமை, குடிநீர்ப்பற்றாக்குறை, வேலையின்மை, குறை வருமானம், உணவுத் தட்டுப்பாடு, அரசியல் ஸ்த்திரமின்மை, கடன் சுமை போன்ற இன்னோரன்ன.

கொழும்பின் சந்து பொந்துகள் எல்லாம் வந்து நிரம்பிய பட்டதாரிகள் பட்ட பாடுகள் பார்த்தேன், குழந்தையுடன் பல பெண்கள், குடுப்பத்துடன் சில பேர்கள், வலம் இடம் தெரியாமல் வந்திறங்கியோர் ஒரு தொகை, பஸ்சில் பயணம் செய்து இறங்குமிடம் துலைத்தோர் எத்தனைபேர், கண்விழித்து வந்து புண்பட்டோர் ஒரு புறம், பயணப்பை துலைத்து பரதவித்தோர், மொழி தெரியா முழிச்சவர்கள் என்று வேலை தேடி வேர்த்துப் போனவர்களை  எம் திருநாட்டில் பார்த்தேன்.

ஒருவர் கூறினார்

22 September 2011

முரண்......


நியாயம் அநியாயம் எல்லாம் இப்போ கதைக்கப்படுவது குறைந்துவிட்டது. கலியுகத்தில் நடப்பதெல்லாம் அநியாயம்தான், அல்லாது நன்மை செய்பவன் நாதியற்றுதான் கிடக்கிறான். இருப்பினும் எச்சசொச்சமாக நன்மை செய்பவர்களும் உளர். 

உள்ளம் என்பது ஆமை அதில் 
உன்மை என்பது ஊமை 
சொல்லில் வருவது பாதி 
நெஞ்சில் தூங்கிக்கிடப்பது மீதி.

ஆதலால் உள்ளம் ஆமைபோல் எல்லாவற்றயும் உள்ளே இளுத்து அடக்கி வைத்திருக்கிறது கண்டு கொள்வது சிரமம். நெஞ்சில் என்ன இருக்கிறது என்பதனை வாய் வார்த்தைகளை கொண்டு அறிய முடியவில்லை, நாடகமேடையில் நடிக்க வந்தவர்கள்போல் யதார்த்தத்துக்கு மாறாக நடிக்கிறவர்கள் அநேகம் அநேகம்.

03 September 2011

அதிர வைக்கும் ஆதித்யா குட்டி.

உலகத்தில் மிக விரும்பப்படுவது சிறுவர்கள் அவர்களுடைய ஆக்கங்கள், செயற்ப்பாடுகள் அதுபோல் எல்லாமே. என் வாழ் நாளில் ஏன் எல்லோரது வாழ்விலும் இந்த அளவுக்கு கவர்ந்த திறமையான அழகான செல்லக் குழந்தை ஆதித்யா என்று சொன்னால் அது ஒன்றும் மிகையல்ல. ஆதித்யா குட்டி உங்களுக்கு எனது தெய்வத்தின் ஆசீர்வாதம் என்றும் இருக்க வேண்டுகிறேன். 

சக்தி தயாரிக்கும் நிகழ்சிகள் அனைத்தும் ஏனோ எனக்குப் பிடிப்பதில்லை;   இருந்தும் சக்தியின் யூனியுர் சுப்புர்ஸ்ரார் நிகழ்ச்சியில் என்னை கவர்ந்த தெய்வக் குழந்தை ஆகித்யா தான்.

என்ன அசத்தலான குரல், என்ன அடக்கம், என்ன மரியாதை, ஞானம் இந்த சிறிய வயதில் எத்தனை பெரிய வளத்தை இறைவன் அவளுக்கு கொடுத்து இருக்கிறான் வார்த்தைகளில் சொல்ல முடியாத திறமைசாலி. எனக்கு இருக்கும் சின்னச் சின்ன ஆசைகளில் மிகப் பெரிய ஆசை ஆதித்யாவை சந்தித்து நேரில் ஒரு பாடலை பாடச் சொல்லி கேட்டு ரசிப்பதுதான்

25 August 2011

'மேலைத்தேச நாடுகளில் அனர்த்தம்' மனிதனை ஆழும் இயற்கையின் எடுத்துக்காட்டு-


யப்பானில் ஏற்ப்பட்ட ஆழிப்பேரலை உலக வரலாற்றின் தொழில் நுட்ப்பம், விஞ்ஞானம் இவற்றுக்கெல்லாம் கட்டுப்படாத சக்தி ஒன்று உண்டு என்பதை கண் மண் தெரியாமல் நாங்கள் தான் தொழில் நுட்ப்பத்தில் பெரியவர்கள், நாங்கள்தான் விஞ்ஞானத்தில் பெரியவர்கள் அதனால் தான் எங்கள் நாடுகளை அனர்த்தங்கள் தாக்குவதில்லை, ஏழை நாடுகளைத்தான் இவை துவம்சம் பண்ணுகின்றது என்ற தலைகள் எல்லாம் மலை சாய்ந்து போன இழப்பில் இருக்கின்ற பெரியவர்கள் உணரத் தொடங்கி விட்டனர் இப்போது.

நுண் நிதி நிறுவனத்தின் குறிக்கோள்கள் எவ்வவாறு நலிவுற்றோரை பலப்படுத்துகிறது.


இலக்குச் சந்தையை தெரிவு செய்வது, நுண் நிதிச் சேவையை வழங்குனர் மற்றும் நிதிச் சேவைகளுக்கான அறியப்பட்ட கேள்வி ஆகியவற்றில் தங்கியுள்ளது. எந்தவொரு நாட்டிலும், சேவை வழங்கப்படாத அல்லது குறைவாக சேவை வழங்கப்படுகின்ற தொழில்களும் குடும்பங்களும் உள்ளன. இவர்கள் பொருளாதார ரீதியில் செயலூக்கமற்ற மிக வறியவர்களிலிருந்து தமது சமூகத்தினருக்கு வேலை வாய்ப்பை வழங்குகின்ற வளர்ந்திருக்கின்ற சிறிய தொழில் முயற்சிகள் வரை பரந்து காணப்படுகின்றன. 

24 August 2011

கிறிஸ் மனிதன் ஒரு கேள்விக்குறியா?????

இன்று கிறிஸ் மனிதன் தொல்லை கடந்து வந்த பயங்கரவாத சூழலைவிடவும் மிகமோசமானதாக இருப்பதனை நடந்தேறுகின்ற நிகழ்வுகளை வைத்து சொல்லக்கூடியதாய் இருக்கின்றது. நெடுநாளாய் எழுதுவதற்கு உந்தியபோதும் கிடைப்பற்கரிய நேரம் போதாமையால் எழுதமுடியாமல் போய் விட்டது. இருப்பினும் இந்த திட்டமிடப்பட்ட நடவடிக்கை எவ்வாறான பாதிப்புகளை, அடக்குமுறைகளை கொண்டுவந்துள்ளது என்பதனை பார்க்கவேண்டியுள்ளது.

10 August 2011

காதலே வெறும் மாயடா!!!!












காதலே வெறும் மாயடா
ஆதலால் ஆசை மாயடா
வெற்றியை முன்னோக்கிப் பாரடா- உனை
வந்திடும் பின்னோக்கி ஊரடா............

கேவலம் பெண்ணுக்கு அடிமயா!
அவலமே உனக்கென்ன முடுமயா!
சொந்தங்கள் உன்க்கொரு தோழடா- நீ
பேர் சொல்லப்பிறந்த ஆளடா.!.

செல்லம் செல்லம்எண்டு சாகிறாய்!
சீர்கெட்ட பெண்ணுக்கு மோகிறாய்!
உள்ளம் வைத்தவளை தேடடா- நீ
ஒன்றுமறியாத மாடடா! இல்லை

காதலே வெறும் மாயடா
ஆதலால் ஆசை மாயடா
வெற்றியை முன்னோக்கிப் பாரடா- உனை
வந்திடும் பின்னோக்கி ஊரடா.............

26 July 2011

நானும் மனிதனாய்...

Myspace Roses Graphics Flowers Clipart 
என் காமத்தின்
இடைவெளிகளை
காதலின் 
படுதோல்விகளை
நீ நெருங்கிப் பழகிய.....
அர்த்தநாரீசம்,
இவையெல்லாம்
இன்னும் 
நானும் நீயுமாய்
இருப்பது போன்று
தோத்தரவாக்குகின்றது.


காலத்தின்
காவல் அறைக்குள்-நான்
வாழவும் சாகவும் -முடியாமல்
வானத்தின் கோலங்களாய்-என் 
வசந்தங்கள் தொலைந்தும்
நீயும் நானும் இருந்த
நினைவுகளின் ..
மாத்திரைகளுடன்
இன்றோ நாளையோ
என்றோ என்று
நானும் மனிதனாய்....

19 July 2011

றோல் மடல்....

Myspace Puppies Graphics Dogs Clipart
றோல் மடல் என்பது ஒரு விதமான மனவியல் அணுகுமுறை என்று கூறலாம். வாழ்க்கையில் சில பாத்திரங்கள் எங்களை வெகுவாகக் கவர்ந்து கொள்ளும், சில வெறுப்பை ஊட்டும். இன்று சினிமா, விளையாட்டு, மொடலிங், தொடர் நாடகங்கள் இவை எல்லாம் இளம் தலைமுறையினரை பலப்படுத்தியுள்ளதா, பலவீனப்படுத்தி உள்ளதா? ஏன்றால் பலவீனப் படுத்தியுள்ளது என்றே விடை வரும்.

குறிப்பாக இளம் பெண்களிடையே தங்களுடைய வாழ்கை துணைவர் எப்படி இருக்க வேணும் என்ற கேள்விக்கு வந்த பதில்களில் அயன் சூரியா, சியான் விக்ரம், கில்லி விஜய் போன்று கொஞ்சம் பசன், கொஞ்சம் வில்லத்தனம், முழு அக்டிவான ஆளா இருக்கும் ஆண்களைத்தான் பிடிக்குமாம்..

12 July 2011

அனர்த்தங்கள் மனிதனை ஆழும் இயற்கையின் எடுத்துக்காட்டு-

யப்பானில் ஏற்ப்பட்ட ஆழிப்பேரலை உலக வரலாற்றின் தொழில் நுட்ப்பம், விஞ்ஞானம் இவற்றுக்கெல்லாம் கட்டுப்படாத சக்தி ஒன்று உண்டு என்பதை கண் மண் தெரியாமல் நாங்கள் தான் தொழில் நுட்ப்பத்தில் பெரியவர்கள், நாங்கள்தான் விஞ்ஞானத்தில் பெரியவர்கள் அதனால் தான் எங்கள் நாடுகளை அனர்த்தங்கள் தாக்குவதில்லை, ஏழை நாடுகளைத்தான் இவை துவம்சம் பண்ணுகின்றது என்ற தலைகள் எல்லாம் மலை சாய்ந்து போன இழப்பில் இருக்கின்ற பெரியவர்கள் உணரத் தொடங்கி விட்டனர் இப்போது.

22 June 2011

இதுதான் உலகம் இதுதான் வாழ்க்கை.

நான் பார்த்த வரையில் உலகத்தில் உள்ள அத்தனை பேரும,; மொழி மாறினாலும் அர்த்தம் மாறாமல் துயரத்துடன் எழுப்புகின்ற கேள்வி, 'ஆண்டவன் எனக்கு மட்டும் ஏன் இத்தனை கஸ்ட்டங்களைக் கொடுக்கணும்?' இந்த கேள்வி கேட்க்கப்படும் போதெல்லாம் நான் படித்த கதை ஒன்று ஞாபகம் வருகிறது.

அது ஒரு கிராமம், சிறுவன் ஒருவன் ஏரிக்கரையில் விளையாடப் போகிறான், அப்போது 'என்னைக் காப்பாற்று காப்பாற்று' என்று ஒரு அலரல். ஆற்றோரத் தண்ணீரில் வலைக்குள் சிக்கியிருக்கும் முதலை ஒன்று சிறுவனைப் பார்த்து பரிதாபமாகக் கத்துகிறது. 'உன்னை வலையில் இருந்து விடுவித்தால் நீ என்னை விழுங்கி வீடுவாய்' நான் மாட்டேன் எனறு முதலையை காப்பாற்ற மறுக்கிறான் சிறுவன்.

20 June 2011

கன்னியின் மடியில் சாய்வதும் இன்பம்..


இரவின் கண்ணீர்
பனித்துளியாகும்
முகிலின் கண்ணீர்
மழைத்துளியாகும்
இயற்கை அழுதால்
உலகம் செழிக்கும்
மனிதன் அழுதால்
இயற்கை சிரிக்கும்.

அன்னையின் கையில்
ஆடுவதின்பம்
கன்னியின் கையில்
சாய்வதும் இன்பம்
தன்னை அறிந்தால்
உன்மையில் இன்பம்
தன்னலம் மறந்தால்
பெரும் பேரின்பம்..

19 June 2011

கண்ணகி இலக்கிய விழா.

"மழைக்கு வர்ணன், காற்றுக்க வாயு துன்பத்தில்
திளைக்கும் உலகை காப்பது விஸ்னு

கற்புக்கு அரசி கண்ணகி தானே.....
உலகமே உணரும் வண்ணம் உன்மையை உரைத்த தாயி
ஊரெல்லாம் குடியிருந்து உலகாழ்வது அழகு.
ஊருக்கு உண்மை அழகு
உன்மைக்கு பெண்மை அழகு- அந்தப்
பெண்மைக்கு கண்ணகிதான் அழகு"

கண்ணகி தனிப்பெரும் இலக்கிய, ஒழுக்க, தமிழ் பண்பாடுகளின் ஒட்டுமொத்த வடிவமாகத் திகழும் ஒரு படைப்பாகும். இதனால்தான் இன்றும் குறிப்பாக தமிழர்கள் வாழ் இலங்கையின் எல்லாப்பாகங்களிலும் அவளுக்கு விழா எடுத்து வருவது குறிப்பிடத்தக்கது. இருந்தும் பொதுவாக விழாக்கள், நிகழ்வுகள் அவற்றைப்பாதுகாப்பதற்க்கான முனைப்புகள் இதுவரை எடுக்கப்படவில்லை காரணம் மூன்று தசாப்தகால யுத்தம், அனர்த்தங்கள், அரசியல் பலவீனம் என்பன போன்ற இன்னோரன்ன காரணங்களை சொல்லலாம். இவற்றை உணர்ந்த மட்டக்களப்பு வாழ் அறிஞ்ஞர்கள், கலைஞர்கள் சமுகம் பெருவளவிலான முனைப்பில் இதனை இப்பொழுது அழகாக திட்டமிட்டு நடத்துகின்றனர்.

13 June 2011

அன்னையைப் போல் ஒரு தெய்வமில்லை...

'அன்னையைப் போல் ஒரு தெய்வமில்லை, அவள் அடி தொழ மறுப்பவர் மனிதர் இல்லை'  அன்னை வர்ப்பினில்தான் ஒரு பிள்ளையின் இலட்சியம், ஆழுமை, மனப்பாங்கு விருத்தி, தலைமைத்துவம் என்று எல்லாம் அடங்கி இருக்கின்றது என்பதை பறை சாற்றும் வகையில் ஒரு உன்னத பணியை கிழக்குப்பல்கலைக்கழக சிரேஸ்ட்ட விரிவுரையாளரும் மற்றும் சமுகத்தொண்டனுமான திரு ஞா.தில்லைநாதன் அவர்களின் தலைமையில், 11 யூன் 2011 அன்று கிழக்குப்பல்கலைக்கழக பிரதான மண்டபத்தினில் அன்னையர் கௌரவிப்பு நிகழ்வு, கலைப்பீட சிறப்பு கற்கை மாணவர்களின் உறுதுணையுடன் நடத்தப்பட்டது. அதிதிகளாக கலைப்பீடாதிபதி பேராசிரியர் மா.செல்வராசா, சிரேஸ்ட்ட விரிவுரையாளர் ஜெய்சங்கர் மற்றும் பிரதிப்பதிவாளர் மும்தாஜ் ஆகியோருடன் மாணவர்களின் தாய்மார், மாணவர்கள் என அனைவரும் அழைக்கப்பட்டிருந்தனர்...... 

இதில் மானவர்களின் அன்னையர்கள் அவர்களின் முன்னே, இப்பிள்ளைகளை பெற்றெடுத்த பெருமைக்காக நினைவுச்சின்னம் வழங்கி கௌரவிக்கப்பட்டது எல்லோரயும் மனம் நெகிழ வைக்கும் ஒரு பெறுமதி மிக்க நிகழ்வாக இருந்தமை குறிப்பிடத்தக்கது. வாழும்போதே போற்றுதல் இருக்க வேண்டும் என்பதற்கு இது ஒரு எடுத்துக்காட்டு. அங்கு அவர்களின் பிள்ளைகளின் செயற்பாடுகள், கல்வி நிலை, அவர்கள் மீது அன்னையர்கள் எடுக்கவேண்டிய கருசனைகள் என்பனவும் சிலாகிக்கப்பட்டதுடன்.  மாணவர்கள் விரிவுரையாளர்களின் கவிதை, பேச்சு, இன்னோரன்ன நிகழ்வுகளும் சேர்த்து அவையை களைகட்ட வைத்தமை சிறப்பு. இதில் பாராட்டுகளும் வாழ்துகளும் அதன் ஒருங்கிணைப்பாளர் தில்லைநாதனுக்கே சேரவேண்டும்.

புத்தக வெளியீடு
அன்னயர் தின சிறப்பு மலர் வெளியீடு ஒன்று இடம்பெற்றது. இதில் விரிவுரையாளர்கள் மற்றும் மாணவர்களின் சிறப்பான ஆக்கங்களை உள்ளடக்கமாக் கொண்டிருந்தமை குறிப்பிடத்தக்கது.. இதன் ஆசிரியராக செல்வி நிஸாந்தினி, 3ம் வருட சமுகவியல் சிறப்பு கற்கை மாணவி இருந்து நெறிப்படுத்தி வெளியிட்டமை குறிப்பிடத்தக்கது. இதன்போது இம்மலரின் முதல் பிரதியினை சிறப்பு அதிதியாகக் கலந்து கொண்ட பேராசிரியரும், கலைப் பீடாதிபதியுமான மா.செல்வராசா அவர்கள் பெற்றுக்கொள்ள அடுத்த பதிவு பிரதிப்பதிவாளர் மும்தாஜ் அவர்கள் பெற்றுக்கொண்டார்.

ஓளிந்து கிடக்கும் திறமைகளை தோண்டி எடுத்து, மாணவர்களின் இயலுமைகளை அவர்களது தாய்மாரின் முன்னே அறியப்படுத்தி. வாழ்க்கையின் ஒளி பொருந்திய பாதைக்கான வழிகளாக விரியச் செய்யும் ஒரு ஜனரஞ்சக சமுகமயமாக்கல் செயற்பாட்டியின் முதற்க்கட்டமாக இதனை செய்துள்ளதாக விரிவுரையாளர் ஞா.தில்லைநாதன் குறிப்பிட்டிருந்தார்.
நினைவகளின் நிழல்கள்...



10 June 2011

கண்ணகிக்கோர் கவியாரம்....

















மின்னல் ஒளிபரப்ப சென்நெல் கதிர் இசைக்க
சோவெனத் தருக்கள் பூத்து சொரிந்து மணம் வீசிநிற்க்க
ஆவெல்லாம் பால் சொரிந்து அழும் பிள்ளை பசிதீர்க்க
தென்னகத்தே கண்ணகித்தாய் வண்ணமதாய் பிறக்கின்றாள்.

மதுரை மானகரம் மங்களமாய் அருள் பரப்ப
எதிரே நின்றபகை எல்லாம் ஒளிந்துவிட
உதிரும் புன்னகை உதட்டினில் ஜொலிக்க
உதித்தாள் பூம்புகார் மண்ணில் உத்தமி

தெய்வக் குழந்தையாய் உதித்த தேவி மானாக்கன்
கையில் மகளாய் மலர்ந்து நின்றாள்
வையகத்தே ஆயிரங்கண்ணாள் அம்பிகை வடிவில்
உய்யவைக்க வந்துதித்தாள் ஊரெல்லாம் நமக்காக

பத்தியால் கொண்ட சித்தியால் பெற்ற வெற்றியால்
உள்ளத்தால் உயர்ந்த எண்ணத்தால் அழகு வண்ணத்தாள்
மெல்லத்தான் மலர்ந்தாள் அழகால் வளர்ந்தாள்
புன்னகைத்தாள் தெய்வத்தைப் பின்னவைத்தாள்
கண்ணகித்தாய் என்று எண்ணவைத்தாள் நம்மையெல்லாம்.

மெல்லத்தான் அழகை சொல்லத்தான் இடையிலில் மாசாத்தான்
மகனாய் வளர்தான் பக்தியில் உயர்ந்தான் சித்திகள் பெற்றான்
இதை சொல்லத்தான் மனதில் எண்ணித்தான் விரைந்தான் மதுரையை அடைந்தான் கோவலன் தந்தை மாசாத்தான்.

இட்டபடி இறைவன் கட்டளைக்கு ஏற்ப்ப கட்டளகி கண்ணகியாள் கட்டளகன் கோவலனை திட்டமிட்டபடி மதரையில் திருமணம் முடித்தனர்.
சட்டங்கள் தவறாமல் தவமயில் கண்ணகியும்
துதித்தாள் கணவனை மதித்தாள் கொண்ட சிறப்பால்
கோவலனும் எதைத்தான் கொடுக்க மறுத்தான் வாழ்வில் சிறந்தான்.....இந்நாளில்....

நெஞ்சில் பட்டதோ ஊழ்வினை தொட்டதோ வாழ்வினை சுட்டதோ
கோவலனை விட்டதோ இல்லை
மஞ்சம் கொண்டதோ மார்க்கம் மாறியதோ மாதேவி ஆசை தேறியதோ மயிலாள் கண்ணகி மதித்த கணவனுக்கு.

இசையில் இழகியதால் இன்பத்தில் பழகியதால்
பிசகாமல் அழகியவள் பின்தொடர்ந்து சென்றதால்
ஆசையில் ஆபரணங்கள் அத்தனையும் விற்றதால்
வசைமொழி கேட்டதால் வாடி நின்றான் கோவலன்.

ஆங்கே மன்னவன் பாண்டியனின் மனைவியின் சிலம்பமும் தொலைந்து போனதுதான் என்னே என்ன ஆச்சரியம்.....
மன்னவன் பாண்டியன் பிடித்தான் கோவலனை அடித்தான் மன்னவனின் வசைகேட்டுத் துடித்தான் தன்நெஞ்சில் தானே கையால் இடித்தான் எண்ணமெல்லாம் துண்டு துண்டாய் ஒடித்தான் கோவலனும்.

பாண்டிமா மன்னவனின் பாவத்தில் கொன்ற செய்தி கேட்ட காலத்தின் காவல் நாயகி, ஞாலத்தின் கற்ப்புக்கரசி, உன்மையை மட்டும் உரைக்கும் உத்தமி, நன்மையை நலமாய் நல்கிடம் மாது என் செய்தாள் தெரியுமா?

மதுரை மன்னனின் மாளிகை நோக்கி
மற்றோர் சிலம்பை கையில் தூக்கி
சென்றாள் சினத்தை உடலெங்கும் பரவி
போய்முன் நின்றாள் கணவனை
கொன்றவர் யார் என்று வினவி
வழக்கைத் தொடர்ந்தாள்
வாழ்கைக் கேட்டு தன்
பிழைப்பைக் கெடத்த பெருமன்னன் முன்னே.

மன்னவன் பாண்டியன் மறுத்துரைக்க,
கையில் இருந்த சிலம்பமும் மன்னவனால்
களவாடியதென்ற சிலம்பமும்
ஒன்றென மன்னன் பொய்யில் -என்னை
பழித்துரைத்ததை தையல் கண்ணகியாள,;
அங்கம் சிவசிவக்க பொங்கிவரும் கோபம்
தகதகென்று நெருப்பாய் எரிய
எங்கும் இருக்கும் இறைவன் இருப்பதென்றால்
மன்னன் வாயின் வார்தை பொய் என்றால்
நின்றால் இறைவன் முன்றால்
உன்மை கொன்றால் மதுரை மா நகரே
பத்தி எரிக என்றாள் சிலம்பை வீசி.

மழைக்கு வர்ணன், காற்றுக்க வாயு துன்பத்தில்
திளைக்கும் உலகை காப்பது விஸ்னு
கற்புக்கு அரசி கண்ணகி தானே.....
உலகமே உணரும் வண்ணம் உன்மையை உரைத்த தாயி
ஊரெல்லாம் குடியிருந்து உலகாழ்வது அழகு.
ஊருக்கு உண்மை அழகு
உன்மைக்கு பெண்மை அழகு- அந்தப்
பெண்மைக்கு கண்ணகிதான் அழகு.

வங்கக் கடல் மாலையிட சங்கத்தமிழ்
எதிரொலிக்கும் மங்களத் திருநாடாம் இலங்காபுரியில்,
நீர்த்தாய் குளிர்பரப்ப நிலத்தாய் வளங்கொலிக்கும்
பார்த்தால் பசிதீர்க்கும் பசிஞ்சோலைப் பட்டினமாம் -
மீனினம் பாட்டிசைக்க மானினம் துள்ளியோடும்
வானகம் கறுக்கக் கண்டு மயில்கள் கோலாகலிக்கும,;
பசித்தோரின் முகம் பார்த்து பசிதீர்க்கும் பொன்னாடாம்
மட்டக்களப்பதனில்,

தாமரை மலர்கள் எல்லாம் வாவெனக் கையசைக்கும்,
மாமதுரை பூத்து நின்று வாசம் பரப்பிநிற்கும்
செட்டியார் குலமக்கள் செறிந்திலங்கும் செடடியூரில்
வந்தமர்ந்த மாதுக்கு கையில் தீச்சுடரும், மடியில் மடிப்பிச்சையும்,
தோழில் காவடியும், சொண்டில் அலகும் குத்தி, வசந்தன் வைத்து
கும்மி கரகம் ஆடி, பசிந்தாள் இலையில் பசிஆற்றி குளிர்தில் வைத்து கொண்டாடும் வைகாசி இது வரும் போது ஊரெல்லாம் கைராசி...

06 June 2011

கவலைக்கிடமாகி வரும் மனித வாழ்க்கை.....

மனிதர்கள் என்ன புல்பூண்டு, பூச்சுகள் கூட அழிந்து விடக்கூடாது என்று சட்டம் இயற்றி அவற்றை எல்லாம் பாதுகாத்து வருகின்றனர். ஆனால் இன்று மனித அவலத்தில் மிகமோசமாக இருப்பது வீதி விபத்துக்கள்தான். யுத்தம் போன்று மனித சமுகத்தினையே அச்சுறுத்தும் ஒரு இடர் எனவும், அதனால் வீதி சமிக்ஞைகளை கையாழ்வதில் ஒருமித்த அர்ப்பணிப்பு சாரதிகளுக்கு தேவை எனவும் அண்மையில் நடைபெற்ற வீதி பாதுகாப்பு மாநாட்டில் குறிப்பிட்டிருந்தமை கவனிக்கத்தக்கது.

இலங்கையில் அனைத்துப் பாகத்திலும் சுமார் 150 வீதி விபத்துக்கள் நாள்தோறும் இடம்பெற்று வருவதுடன், இங்கு கணக்கெடுப்பின்படி 2000 ஆண்டு தொடக்கம் 2009 வரையான காலப்பகுதியில் மட்டும் 21,000 உயிர்கள் காவு கொடுக்கப்பட்டுள்ளதோடு, 180,000 பேர் காயமுற்றதுள்ளதுடன், 46,000 பேர் மிகமோசமான பாதிப்புக்குள்ளாகி உள்ளமை கணக்கெடுக்கப்பட்டுள்ளது.

இதில் குறிப்பாக உயிர் இழந்த 65 விகிதமானவர்கள் 16 தொடக்கம் 55 வயதுக்குட்பட்ட உழைக்கும் வர்க்கத்தினர், குடும்பத்தினை வழிநடத்துபவர்கள், அதுபோல் இவர்கள் இலங்கையின் உற்பத்திக்கு பங்குசெலுத்தும் துடிப்புள்ள மனிதவளங்கள் அல்லவா. அதுபோல் இந்த உயிர் இழப்புகள், காயமடைதல் சம்மந்தமாக அரசு வருடாவரும் அநேகமான பணத்தினை மருத்துவச் செலவாக மேற்கொண்டு வருவதும் குறிப்பிடத்தக்கது.

குறிப்பாக இலங்கையில் 23 விகிதமான வீதி விபத்துகள் சாரதி அனுமதிபத்திரம் இல்லாமல் வாகனங்களைச் செலுத்துபவர்களினால் ஏற்ப்படுகின்றது எனவும், அதிலும் மோட்டார் சைக்கிள் மூலமான விபத்துக்கள் அதிகமாக இடம்பெறுவதுடன் அதற்க்கு அடுத்து லொறி, தனியார் பஸ் வண்டிகள் என்பன் முன்னிலையில் இருக்கின்றது எனவும் கண்டயப்பட்டுள்ளது. இவை வேகமாக வாகனத்தினை செலுத்துதல், வாகனத்தினை பிழையான முறையில் முந்திச் செல்லுதல் மற்றும் திருப்பி எடுத்தல் போன்ற சந்தர்ப்பங்களில்தான் இவை அநேகமாக இடம்பெறுகின்றன. 

இவை எல்லாம் எமக்கு உணர்த்துவது என்னவெனில், நடைமுறையில் இருக்கும் நிலையான பொருளாதார வளர்சியை நோக்கிய பாதையில், முட்டுக்கட்டையாக இருப்பதனைத்தான் காட்டுகின்றது. இவற்றுக்கு சரியான நடவடிக்கை எடப்பதற்க்கான செயல்முறை தேவை, அவை மூலம் அந்தச் சமுகத்துக்கான பாதுகாப்பு கொடுக்கலாம் என்று கருத்து தெரிவிக்கின்றனர் புத்திஜீவிகள்.

இந்தியாவின் முதல் மரியாதை..
எது எவ்வாறு இருப்பினும் அண்மையில் எல்லோராலும் ஏற்றுக் கொள்ளப்பட்ட உயிர்களுக்கு முதல் மரியாதை கொடுக்கும் சட்டமூலம் இந்தியாவில் சுப்ரீம் கோட்டினால் அறிவிக்கப்பட்டுள்ளது, அது என்னவெனில் யார் வீதியில் ஒரு விபத்தை கண்டாலும் அந்த நிமிடமே பொலிசின் விசாரனை இல்லாமல் உடனடியாக பக்கத்தில் இருக்கும் வைத்திய சாலையில் எதுவித பொலிஸ் அறிக்கையும் சமர்ப்பிக்காமல், விசாரணையும் கொடுக்காமல் அந்த உயிரை பாதுகாக்க உதவி செய்யலாம், என்றும் அதுபோன்று வைத்தியர்களும் எதுவித அறிக்கையும் எடுக்காமல் உயிரைக்காக்கும் பணியை முதலில் செய்ய வேண்டும் என்றும் அந்தச் சட்டம் 2011இல் இயற்றப்பட்டு அண்மைக்காலமாக நடைமுறைப்படுத்தப்பட்டு இதன் பிரதிபலனை நல்லமுறையில் அந்நாடு அடைந்து வருவதாகவும் செய்தி கூறுகின்றது.

இலங்கையும் சட்டமும்.
ஆனால் 3ம் திகதி என் கண்முன் நடந்த ஒரு வீதி விபத்து கண்கலங்க வைத்தது. காலை தூக்கம்விட்டு எழுமுன் திடீர் என்று ஒரு பேரிடி சத்தம் கேட்டது, சிறிது நேரத்தில் ஓலம் கேட்டது...நான் அங்கு செல்லும் முன்...தலையால் குடம் குடமாய் இரத்தம் வழிந்த வண்ணம் இருப்பதாக கூறினார்கள், சுற்றி நின்றவர்கள் வாகனங்களை ஒன்றன் பின் ஒன்றாக கைபோட்டும் யாரும் நிற்க்கவில்லை, எல்லோருக்கும் பயம்.... செக்கன்கள் நிமிடங்களாகி, நிமிசம் மணித்தியாலங்களாக கூட போயிற்று.

அந்த இடத்தில் பிரதேச செயலாளர் வருவதைக்கண்டு எல்லோரும் சந்தோசத்தில் இருந்தனர்.... ஆனால் அவர் வண்டியை விட்டு இறங்காமல் பார்த்துவிட்டு அவரும் சென்றுவிட்டார். நான் பொலிஸில் அறிவிக்கிறேன் என்று சொல்லி அவருக்கு கடமை செய்வதற்க்காக கொடுத்த வாகனத்தில் இருந்து கீழ் இறங்காமல் எட்டிப் பார்த்து விட்டு ஏனோ தானோ என்று சென்றார்....

போலிஸ், ஆஸ்பத்திரி என்று எல்லோரும் தொலைபேசியில் அழைத்தும் ஒரு மணித்தியாலங்களின் பின் வந்து ஏதோ எல்லாம் கோடு கீறி அவரை அனுப்பும் போது ஒரு அருமையான உயிரை அந்தக்குடும்பம், இந்தப் பிரதேசம் இழந்து விட்டது.

பிரதேச செயலாளர் அவர்களுக்கு இல்லாத செல்வாக்கு சாதாரண பொது மக்களுக்கு இருக்கிறதா? இவரை தூக்கி காப்பாற்றினாலோ, இல்லாது இறந்தாலோ மாசக்கணக்கில் கோடு, கொத்தலம் என்று பதில் சொல்ல வேண்டும்... சில நேரங்களில் சிறையும் செல்லவேண்டும்.. ஆகவே தான் இந்த உயிரை நாய்க்கும் மோசமாக அநாதையாக அந்த மனிதன் மனிதம் செத்த சட்டத்தின் முன் உயிர்பிழைக்க முடியாமல் இறந்து போனது ஐயோ பரிதாபம்........

இந்தியா உனக்கு இந்த இடத்தில் நான் தலை வணங்குகிறேன்... எப்போது எமது சட்டங்கள் இந்தியாவின் சட்டம்போல் உயிர்கு முன்னுரிமை கொடுக்குமோ !அன்றைக்கு பெறுமதிமிக்க உயிர்களைக் காப்பாற்ற முடியும்... உங்கள் கருத்துக்கள், சட்ட விளக்கங்கள் மேலதிக விளக்கத்துக்காக வரவேற்க்கப்படுகின்றது.

01 June 2011

மட்டக்களப்பு கிராமங்களில் துளிர் விடும் தழிழ் உணர்வுகள்.


'தேன் கதலி சூழ்ந்ததனால் 
தேத்தாத்தீவு என்ற 
நான் பிறந்த மண்ணுக்கு
நல்ல தமிழ் வணக்கம்'

மட்டு வாவி குளிர் பரப்பும் தேத்தாத்தீவினில், தேன் சொட்ட கவிபாடிய கவியரங்க நிகழ்வின் நீள அகலம் பற்றியதான ஒரு குறுக்கு வெட்டு பார்வை இங்கு சிறிய கட்டுரையாகத் தரப்படுகின்றது.

யுத்தமும் கைநழுவிய கலாசாரச் சமிக்ஞைகளும்.
இலங்கையில் இரண்டு தசாப்தகால யுத்தம் உயிர்களை மட்டும் காவு கொள்ளவில்லை, அந்த இனத்துவ அடையாளங்கள், வழிபாட்டு வழக்காறுகள், பாரம்பரியம், நடைமுறைகள், உறவுமுறைகள் என்று எல்லாவற்றையும் இழந்த, ஏதோ எச்ச சொச்சமாக மிஞ்சிய தழிழ் இனம பார்க்க ஏதோ மீண்டு வருவது போல் ஒரு உணர்வு இப்போது இருந்தாலும், முன்னைய காலங்களுடன் ஒப்பிடும் போது, இப்போது அதில் இருந்தான சிறிய விடுதலை எமக்கு பெரிதாகத் தெரிகின்றது அவளவுதான். யுத்த வடு இன்னும் ஒரு பரம்பரை அலகை கடத்தும் வரை, அது எம்மில் ஒட்டிக்கொண்டு இருக்கும் என்பதில் ஐயமில்லை. 

வாவி மகள் வளைந்தோடும், வந்தோரை, வாழ வைக்கும் மட்டு மா நாகரின் தெற்கே, 12 மைல் தொலைவில், தேன் கதலி சூழ்ந்து அழகு தரும் தேத்தாத்தீவினிலே, 'மன்முனை தென் எருவில் பற்று பிரதெச சபை கலைஞ்ஞர் ஒன்றியத்தின்' ஏற்ப்பாட்டில் ஒழுங்கு செய்யப்பட்டிருந்த கவியரங்கு அந்தி மாலைப் பொழுதில், 28 மே மாசம் 2011 அன்று தேத்தாத்தீவு சிவகலை வித்தியாலய கலாசார மண்டபத்தில் மிகப்பிரமாதமாக இனிதே நடந்தேறியது. பாரதிதாசன் ' தமிழுக்கும் அமுதென்று' ஏன் சொன்னான் என்பது அன்றுதான் எனக்கு புரிந்தது.
(கலாபூசணம் அரசரெத்தினம்( கலைஞர் ஒன்றியத்தலைவர்) மற்றும் செயலாளர் கோபாலபிள்ளை.)
கலாபூசணம் அரசரெட்ணம் தலைமை தாங்க, ஏரூரான் கவிநயவுரை வடிக்க கலாபூசணம் தேனூரான் தலைமையில், கவிமாரி பொழிந்தது உட்பட அத்தனை அறிஞர்கள், கலைஞர்கள், விருது வென்றவர்கள் என ஒன்று திரண்ட பட்டாளத்தினை தேனூர் மண்ணில் பார்க்க இனிமையாகவும், பெருமையாகவும்  இருந்தது. 
(அக விளக்கேற்றும் மூத்த கலைஞரும், ஓய்வு பெற்ற அதிபருமான சுப்ரமண்யம் அவர்கள்.)
எத்தனை இடர்கள் இருப்பினும், தமிழை தளரவிடாது முண்டு கொடுத்து படர விட்டு தொடர வைத்த பெருமை, சில கலைஞர்களையே சாரும். மங்கிப்போய் மடியா வண்ணம் நாடகம், கூத்துகள், கரகம், காவியம், கவியரங்குகள், அவை எல்லாம் வெளிறிப்போகாமல், தண்ணீருக்குள்ளால் நெருப்பு கொண்டு வருவதனைப்போல், றிலேயில் தடியை மாற்றுவதுபோல் எமது தலை முறைக்கு அவற்றை தந்துதவிய கலைஞர்கள் கௌரவிப்பு இந்த நிகழ்வின் மகுடமாக இருந்தது. யுத்தில் கை நழுவிய கலாசார வழக்குகளை ஒருக்கால் பூசி மொழுகிய புகழ் தேத்தாத்தீவு மண்ணுக்கு மட்டுமல்ல, ஒட்டு மொத்த தழிழ் இனத்துக்கும் பெருமை சேர்ப்பதாகவே இருந்தது.

உலகமயமாதலும் உளமாயையும்.
உலகமயமாதல் காரணமாக இலங்கை இந்தியா போன்ற பாரம்பரியத்தை இறுக்கமாக கடைப்பிடிப்பதாக கூறிக்கொள்ளும் நாடுகளிலும் கலாசார மாற்றங்கள் தவிர்க்கமுடியாத ஒன்றாகித்தானே விடுகின்றது.

காலத்தின் கட்டாயம் காரணமாக மக்களிடையே ஏற்படும் மாற்றங்களை ஏற்றுக்கொள்ள முடியாதவர்கள் காலம் காலமாக காவிக்கொண்டுவந்த சில எண்ணக் கருக்களை இன்றும் மாற்றிக்கொள்ள முயற்சிக்காமல் இருப்பது வேதனைதான். முக்கியமாக பெண்கள் விடயத்தில் மாற்றங்களை ஏற்றுக்கொள்ள மறுக்கிறார்கள். எந்த ஓர் கொள்கையும், நடை உடை பாவனையும் அந்தக் காலகட்டத்தில் சரியானதாக இருக்கிறதா அல்லது பொருத்தமானதாக இருக்கிறதா என்பதை சீர்தூக்கிப் பார்க்க வேண்டுமே தவிர நிலமானிய சமூக அமைப்பில் பழக்கமாக, வழக்கமாக, எழுதாத சட்டமாக வந்தவற்றை எல்லாம் தொடர்ந்தும் நடைமுறைப்படுத்த வற்புறுத்துவது எந்தவிதத்திலும் சரியாகாது. 
(கடல் போல் திரண்ட கலைஞர் குலாமில் ஒரு பகுதியினர்.)
இருப்பினும் தழிழர்கள் கலாசாரத்தினை கட்டிப்பிடித்து விட்டு விடாமல், புதுமை சேராமல் கொண்டு நடத்த சொல்லவில்லை, அவற்றை ஒரு மாற்றான் பிள்ளை மனோபாவத்தினில் எள்ளி நகைப்பது இன்றய இளய சமுகத்தினிடை காணப்படுவது வேதனைக்குரியதே.

சினிமாவின் கற்பனைக் கீரோக்கள், ஊடகத்தின் மேலைத்தேய சாயம், தொலைக்காட்சிகளின் காலாசாரம் அறுந்த தொடர்கள், புதிய பாவனைப் பொருட்களின் இறக்குமதி என்பன போன்ற இன்னோரன்ன காரணங்கள்  எல்லாம் உலகமயமாக்கலின் வேர்களாகி, விழுதுவிட்டு ஓங்கத் தொடங்கியதனால், உன்மையான,, மேலையோர்களும் விரும்பும் நல்ல கலாசாரம் இன்றய இளம் சமுகத்தினிடையே உலகமயமாக்கலில் சிக்கிக்கொள்ளும் உளமாயையை ஏற்ப்படுத்தி இருக்கின்றது.
(கவியரங்கில் கன்னிக் கவிவடிக்கும் பிரகாஸ்)
இவற்றை எல்லாம் கட்டுடைத்து மட்டக்களப்பின் மான்மீயத்தை பறைசாற்ற முதியோர்களின் கையைப்பிடித்து இளையோர்கள் செல்லும் ஒரு நிலைப்பாடு மட்டக்களப்பின் கிராமங்களில் குறிப்பாக தேத்தாத்தீவு கிராமத்தில் இருந்து ஊற்றெடுக்கத் தொடங்கி இருக்கிறது பெருமையே பெருமை.

நரைகள் தோழ்கொடுக்கும் நாகரிக அறுதி.
எப்போதுமே எந்த ஒரு முன்னெடுப்புக்கும் இளையோர்கள் தோழ் கொடுக்க மூத்தவர்களின் வழி நடத்தலில் கொண்டு செல்வதுதான் வழக்கு.. அதற்கு ஒரு சக்தி இருக்கிறது, வைராக்கியம், வியூகம் என்றெல்லாம் இருக்கிறது. ஆனால் எமது நாகரிக தோரணைகள் அநாகரிகமாக நோக்கப்படும் ஒரு மனோபாவம் எம்மவரிடையே வளரத்தொடங்கியுள்ளது இப்போது.
(கௌரவிக்கப்பட்ட கலைஞருடன் ஒட்டிக்கொண்ட நான்..)
இது கிழடுகளுக்கு உரிய நிகழ்வு, அங்கு தழிழ், பாரம்பரியம், விழுப்பம் இதுகள் தானே பேசப்போகின்றனர். அங்கு போட்டி பொறாமை இராதே போய் என்ன செய்வது என்ற மனோ நிலையில் வாழும் கீழ்த்தனமான சமுகத்துக்கு தேத்தாத்தீவின் இளைஞர்கள் ஒரு எடுத்துக்காட்டாக இருக்கின்றமை பிரமிக்கத்தக்கதே. அவர்கள் அனைவரையும் அரவணைத்துச் செல்லும் முறை ஒரு தனி அழகுதான். 

அரசியல் சாயம் தீட்டும் அசல் வழக்காறுகள்.
குறிப்பாக இன்றய அரசியல் ஒரு விதமான பிழைப்பிதம் நோக்கியதான போக்கினைக் கொண்டு இருக்கின்றது. நமது அடுத்த இருப்புக்கு என்ன வழி என்பதனை பார்கின்றனரே தவிர மக்களின், அவர்களின் இனத்துவ, மரபுவழி, கலாசார உரித்துகளை எல்லாம் புறந்தள்ளிய ஒரு அரசியலாகவே இருக்கின்றது. மாவட்ட கலாசார உத்தியோகஸ்த்தர் மலர்ச்செல்வன் கூறுகையில், பாராளு மன்ற உறுப்பினர்களுக்கு என ஒதுக்கப்படும் மாவட்ட அபிவிருத்தி நிதியில் 10 விகிதமான நிதி கலாசார அபிவிருத்தி அலுவல்களுக்கு என பிரத்தியேகப்படுத்தப்பட்டு இருப்பதனையும், அது கலாசார முன்னேற்றத்துக்கு பயன்படுத்தப்படுவதில்லை எனவும் சுட்டிக்காட்டினார். அவை ஆலயங்களில் பாவிப்பதற்க்கான ஒலி பெருக்கிகள் வாங்குவதற்கும், ஆலய கட்டுமானப் பணிகளுக்கும் எனவே ஒதக்கப்படுவதாகவும், அதனூடு அரசியல் இலாபம் தேட முயலுகின்றனரே தவிர, கலாசார முன்னேற்றம் பற்றி தெரியாத இவர்களால் என்ன எம்மக்களுக்கு இலாபம் என்று அவர் விசனம் தெரிவித்தார்.
(தேத்தாத்தீவின் அழகு சொட்டும் பாடலை பாடும் பல்கலைக்கழக வாருசுகள்)

தூசி தட்டும் இளையதலை முறை.
எது எவ்வாறு இருப்பினும் எல்லோரையும் வியக்க வைக்கும் வகையில் ஒழுங்கு செய்யப்பட்ட இக்கவியரங்கு, தழிழையும், கலாசாரத்தினையும் வளர்த்துச் செல்வதனில் ஒரு அற்புதமான திருப்பு முனையாகவே அமைந்தது எனலாம்.  குறிப்பாக இன்பராஜன் நெறிப்ப்த்தலில் பிரதேச செயலாளர் உட்ப்பட மூத்த கலைஞர்களின் அகவிளக்கேற்றல் நிகழ்வுடன் ஆரம்பமாகி, இறைவணக்கம் என்று தொடங்கி அறிமுகப்பாடலை களுதாவளை கிராமியக் கலைக்கழகம் இசைத்து முடிக்க, வரவேற்ப்புரையுடன் நேராகவே கவியரங்குக்குள் நுழைந்து களை கட்டியது நிகழ்வு. 
(கைமாறும் இளைய தலை முறை)
கவிஞர், கலாபூசணம் தேனூரான் தலைமை தாங்க, ஏரூரான் கண்மணிதாஸன் எனும் புனைபெயரோன், சுவைச் சாரூறும் இன் சொல்லோன் காந்தன் ஐயா நயவுரை பகர கவியரங்கு ஓகோ என்று இருந்தது.

வெடிப்பறக்கும் கவிதையில் சக்தி புகள் சித்தி பெற்ற இந்து (யோகேந்திரன்) ஆசிரியர் அவர்கள் ஆரம்பத்திலேயே...
'மன்முனைத் தென் எருவில் பற்று
பிரதேச செயலகத்தின் - கலைப்பணி
கண்முன்னே தெரிகிறது - இக்
கவியரங்கத்தின் மூலம்'

'கலைஞர் ஒன்றியத்தின்
கைங்கரியத்தில் ஒன்று
கவியரங்கமாய் இன்று
கடு நடை போடுது வென்று'
என்று தொடங்கி,  முந்தானை பிடிச்ச பருவம் பற்றி முத்தாய்ப்பாய் பாடினார் அவர்..இது போன்று இன்னும் ஐந்து பருவங்கள் அழகாக கவியாய் கலக்கின.
அதில் எனக்கு பிடிச்ச ஒரு கவிதை...

மல்லிகைப் பூக்கொடுத்து
மாது என் மனங்கெடுத்து
வெள்ளிக் கிழமை விடிய முதல்
விறாந்தையில இருப்பன் என்றாய்' 

என்று தொடங்கும் அடிகள் நகைச்சுவையாய் எழிமையாய் நாட்டு வழக்குகள், நலிவடைந்த பேச்சு மொழி கலந்த கவிதை எல்லோரையும் கொள்ளை கொண்டிருந்தது.

இறுவட்டு வெளியீடும் இரட்டிப்பு மகிழ்சியும்.
(இறுவட்டினைப் பெறும் பிரதேச செயலாளர்)
மட்டக்களப்பு மண்ணுக்குள் இவளவு திறமை, புத்தாக்கம், விநோதம், எழுச்சி, மண்வாசைன என்பன இருக்கிறதா என்று மூக்கில் விரல்வைக்கும் அளவுக்கு தேத்தாத்தீவு இளைய கலைஞர்களின் சாதனையாக ஒரு இறுவட்டு வெளியிட்டு வைத்ததுதான் இந்நிகழ்வுக்கே மகுடமாய் இருந்தது. 

உலகிலே முதல் முதலாக அழிந்து போகும் நிலையில் இருந்த 'கழுகு மலைப்பத்து': இது கதிர்காம முருக அடியார்களினால் கண்ணீர் மல்க பாதயாத்திரையில், வழிகாட்டியாக தொன்று தொட்டு பாடப்பட்டு வரும் ஒரு தெய்வீக சக்தி வாய்ந்த பாடல், காவடி எடுக்கும்போது, தனிவழி செல்லும் போது, அலக குத்தும் போது இதை பாடுவது ஒரு மரபு. அதுபோல் ஸ்ரீ பால முருகன் புகழ்பாடும் 'பால் மணல் பத்து', மட்டக்களப்பின் புகழை மீன்பாடியது போல் நான் பாடிய 'மீன் பாடும் ஓசை' மாவட்ட சிறப்பு பாடல், தேனூர் சிறப்புப்பாடலான 'தேத்தாத்தீவு அழகான களரியம்மா' எனும் பாடல் "மரம் மனிதனுக்கு வரம்" உட்ப்பட ஆறு பாடல்கல் இங்கு உத்தியோக பூர்வமாக கவிஞ்ஞர் ஏரூரான் (காந்தன் ஐயா) மற்றும் சிறப்பு அதிதியாகக் கலந்து கொண்ட பிரதேச செயலாளர் அருள்ராஜா ஆகியோருக்கு வளங்கி வெளியிட்டு வைக்கப்பட்டுள்ளது. இந்த கீழ்கோடிட்ட பாடல் தலைப்புகளை அழுத்தும் போது அவற்றை நீங்கள் பார்க்க முடியும்.
( இறுவட்டின் அடுத்த பிரதியினைப் பெறும் ஏரூரான் அவர்கள்.)
அனைவரும் எமது மண் இவ்வளவுக்கு திறமைசாலிகளை கொண்டுள்ளதா என  என் காது குளிர குளிர வினவியது இப்போதும் நினைவிலிருக்கிறது. இது போன்று நிறையவே ஏலவே நாங்கள் வெளியிட்டு வருவதும் அனைவருக்கும் தெரியாமல் இருக்கலாம்.

கலைஞர் கௌரவிப்பு..
இதனைத்தொடந்து தேற்றாத்தீவின் ஊர் புகழ்பாடும் 'தேத்தாத்தீவு அழகான களரியம்மா' எனும் பாடல் பல்கலைக்கழக மாணவர்களால் உணர்சி பூர்வமாக இசைக்கப்பட்டதனைத் தொடர்ந்து, கலைஞர்கள் கௌரவிக்கப்பட்டனர். இது அங்கு நிகழ்சி ஒருங்கிணைப்பாளர்களின் முதிர்சி மதிக்கும் திறன் என்பன வற்றினை பறைசாற்றிற்று.
(கௌரவிக்கப்பட்ட மூத்த கலைஞர்களுடன் பிரதேச செயலாளர் அவர்கள், மாவட்ட மற்றும் பிரதேச செயலக கலாசார உத்தியோகஸ்த்தர்களுடன் ஏரூரான்)
மூத்த கலைஞர்களாக திரு.கா.சுப்பிரமணியம்(ஓய்வு பெற்ற அதிபர்), திரு.க.நவரத்தினம்(பாதுகாப்பு உத்தியோகஸ்த்தர் துறைமுக அதிகார சபை), திரு.க.இராசரெட்ணம்(அண்ணாவியார்), திரு.மு.வல்லிபுரம் (அண்ணாவியார்) ஆகியோர் வாழும்போதே முதன்மை அதிதி மற்றும் சிறப்பு அதிதிகளால் பொன்னாடை போற்றிக் கௌரவிக்கப்பட்டனர்.
(மாவட்ட கலாசார உத்தியோகத்தர் மலர்ச் செல்வன் மனமுவந்து பேசுகிறார்.)
தொடர்ந்து, தொடர்ந்தும் அகில இலங்கை ரீதியில் பல தடவை சென்று வெற்றி வாகை சூடி மாவட்டத்துக்கும், மற்றும் ஊருக்கும் பெருமை தேடித்தரும் தேத்தாத்தீவு தேனுகா கலைக்கழகம் நடத்திய ஸ்ரீ ஆண்டாள் எனும் வில்லிசை அனைவரையும் ஆனந்தப்படுத்தியது.

இத்துடன் நன்றியுரையினை மன்மனை தென் எருவில் பற்று கலைஞர் ஒன்றிய செயலர் திரு.இ.கோபாலபிள்ளை நிகழ்த்த இனிதே நிறைவற்றது. இது எமக்கெல்லாம் தமிழராக வாழ்வது எவ்வளவுக்கு எவ்வளவு பெருமை என்பதை நினைவுபடுத்தியது. ஏரூரான் கூறயதற்க்கிணங்க 'பெற்ற தாயும் பிறந்த பொன்நாடும் நற்றவ வானிலும் நனி சிறந்ததுவே'......