மாமாங்கப் பத்து!

நான் மாமாங்கம் சென்று மனமகிழ்ச்சி கொண்டபோது அவரை நினைந்து பாடிய பத்து பாட்டு என் அப்பனுக்கு சமர்ப்பிக்கிறேன்.

ம, மா, மி, மீ என ஒரே எழுதது வரிசையில் 10 பாடல்கள்!

ம மன்னனே நான் தொழும் கன்னலே- லோக மாமறையே மகிழ்ந்து ஒளிதரும் மின்னலே இன்னல்கள் எம்மினம் இழந்திட –வளத்தை ஈன்றவா மட்டில் வாழ் ஆண்டவா சுயம்பாக வந்தவா போற்றி- எமக்கு சுகமள்ளி வழங்கிடும் கணநாதா போற்றி! போற்றி!

மா மாமாங்கம் என்றொரு ஊரு- அங்கு மகிழ்ந்திட இயற்கைதான் பலவகை பாரு மன்னரும் தொழவந்த நாடு- தானே மனங்கொண்டு உறைந்திடும் இறைவனின் வீடு ஏமாறும் என்மனம் இருள்- அதில் எழுந்துநீ இறைவனே கருணையை அருள்!

மி மின்னலும் படராத காடு – அனுமன் மீட்டிட சீதையை தேடிய வீடு யன்னலாய் ஒளிதரும் கிழக்கு- அங்கு யாவர்கும் பிணிநீக்க அருள்வது வழக்கு என்னவா ஈசனின் முன்னவா- உடைந்து உழல்கிறேன் காத்திட ஓடிவா அப்பா

மீ மீன்மகள் பாடிட ஆடும்- தென்னை மேவிய வயலோரம் ஆறுகள் ஓடும் தேன்வதை பொங்கியே வழியும்-இந்த தேசத்தில் சிவம் வந்து பாவங்கள் அழியும் நான்பாட நல்வார்தை தந்தாய்-ஈசா நாள்தோறும் உனைப்போற்ற நாடுவேன் வந்து!

மு முன்கோபம் மயக்கம் மறதி- இன்னும் மூப்பையும் சாவையும் அறியாத பிறவி கண்கெட்டு மனம் செத்து உடைந்தேன்- உன்னை கண்டபின் பிறப்பினில் இல்லாத அடைந்தேன் என்அப்பன் என்தெய்வம் நீயே!- உன்னை எண்ணினால் இரந்தூட்டும் அன்பான தாயே!

மூ மூலாதாரமே எங்கள் ஈசா- வேலன் மூத்தவா அழைப்போர்கு அருள்பொங்கும் நேசா அமிர்தகளி தீர்த்தம் கொண்டாய் -அதில் அமிழ்வோர்கு நோய்தீர்கும் மருந்தாக நின்றாய் மலிவாகிப் போனேனே நானும்- உலகில் மலியாத உனதருள் எமக்கென்றும் வேணும்

மை மையல் கொண்டேன் உனைக்கண்டு- பார்து மார்மேலே கைதூக்கி வணங்கினேன் நிண்டு மின்னொளி கண்ணைப் பறிக்குது- உயர்ந்து மேவிய கோபுரம் அருளள்ளி தெறிக்குது மாமாங்கம் மாமாங்கம் என்றால்- அருள் மனமெல்லாம் புகுந்து மகிழ்விக்கும் நின்று

மெ மெல்ல அசைந்திடும் உன்னுருவம்- கண்டு மேனியில் நுடங்குகு என் கருவம் பொல்லாத வறுமையைப் போக்கு- தமிழர்கு இடர்தரும் கொடியோரை அடியோடு தாக்கு எல்லாமும் நீதானே அப்பா – எமக்கு இருந்தாலும் இழந்தாலும் நீதானே காப்பு

மே மேளங்கள் முழங்கிட திருவிழா- கோயில் மூலவர் வெளிவர அழகான பெருவிழா அமுதள்ளிப் படைத்திடும் முன்றல்- இரந்து அழுவோர்கு குறைதீர்கும் அருளான மன்றம் பிணிநீக்கும் சந்தணச் சேறு- அதில் பணிந்தெழு பழவினை உனைவிட்டு மாறும்

மொ மொழியெல்லாம் பொய்குதே எனக்கு -பொல்லா பழிவந்து சூழுதே பெருமையா உனக்கு விழிசெய்த பாவமோ என்ன- நான் விரும்பியும் கிடையாத வாழ்கைதான் அதிகம் எழில்கொஞ்சும் மாமாங்கக் கோயில் -வந்தால் எம்நிலை மாற்றிடும் கோபுர வாயில்