பூமாலைகள்,புகழ் மாலைகள்

பூமாலைகள்,புகழ் மாலைகள்
புதிது புதிதான வரவேற்புக்கள்
'கூலிங் கிலாசு'களோடு சில
அதிகாரிகள்,
தலையில் செருகிய
கண் கண்ணாடி,
சுத்தமான பூசாரிக் கோலம்,
மாணவருக்குப் பாதணி
வழங்கிய அதிகாரியின் ஒரு படம்,

பஸ்தரிப்பு நிலையக்
கல்லுவைப்புக்கும் ஒரு வரவேற்பு ,
கடன் கொடுக்கிறதுக்கும்
ஒரு பெரும் விழா ,
நியமனக் கடிதம் கொடுக்கிறதுக்கும்
போஸ் கொடுத்துப் படம்,
இப்படியாக இணையத்திலெல்லாம்
அதிகாரிகள்,அரசியல்வாதிகள்
கலக்குகிறார்கள்;

ஆனால் .................................
மனித நேயச் செயற்பாடுகள்,
வாழ்வாதார மேம்பாட்டுத் திட்டங்கள்,
சூழல் அபிவிருத்திச் செயற்பாடுகள்,
புள்ளிவிபரத் தகவல் சேகரிப்புகள்,
போக்குவரத்து சீரமைப்புக்கள்,
பொது நிதியக் குறிக்கோள்கள்,
இளையோர் சீர்திருத்தங்கள்,
சமூக விழிப்புணர்வுக் கருத்தரங்குகள் ,
அனாதைகள் பாலான கவன ஈர்ப்புகள்,
கைம்பெண்கள் கவனிப்புகள்,
அகதிகள் அரவணைப்புக்கள்,
ஆகிய எதையுமே எங்கள் தலைவர்களிடம்
காணக் கிடைப்பதாயில்லை.
பகட்டுக் காட்டுகிறார்கள் ;ஆனால்
பயன்பாட்டுக் காரர்களாக இல்லை,
இதுதான் எங்கள் தொடர் கதையா ?