நவதாராளவாத சந்தையில் கல்வியானது ஒருவர் முன்னேறுவதற்கான முதலீடாக நினைத்து வளர்ந்ததே இதற்குக் காரணம். ஆனால் இலங்கையில் இருக்கும் பழைய கல்விக் கட்டமைப்பானது நவீன யுகத்தில் வாழும் மக்களைக் கட்டியெழுப்பும் விடயத்தில் இன்னமும் சர்ச்சைக்குரியதாகவே உள்ளது. இத்தகைய பின்புலத்தில் இருந்துதான் உயர்தரப் பரீட்சையில் சித்தியடைந்த தாயின் பிள்ளைகளை நமது 'தாய்நாடு' வாழ்த்த வேண்டியுள்ளது.
உண்மையில், இந்தக் கட்டத்தில் இந்த உயர்நிலைப் கல்வித் தடையை எதிர்கொள்ளும் குழந்தைகளைப் பற்றி நாம் குறிப்பாகப் பேச வேண்டும். அந்தச் சிறப்புக் காரணத்தின் பின்னணியில் அந்தக் குழந்தைகளின் பெற்றோர், உறவினர்களின்; பங்களிப்போடு ஆட்சிக்குக் கொண்டுவரப்பட்ட குழுக்கள் அந்தக் குழந்தைகளுக்கான பொறுப்புக்கூறவேண்டும்.
2021 இல் பரவிய கொவிட்-19 வைரஸ் இலங்கையின் கல்வியில் சிறிய தாக்கத்தை ஏற்படுத்தவில்லை. இந்த வைரஸ் முழு உலகிற்கும் பொதுவான ஒரு சவாலாக இருந்தாலும், இலங்கையின் கல்வியில் ஏற்கனவே உள்ள பிரச்சினைகள் காரணமாக இலங்கை மாணவர்களின் விஷயத்தில் இது மிகவும் தீவிரமானது. ஆதனைத்தொடர்ந்து ஓராண்டுக்குப் பிறகு தொடங்கிய பொருளாதார நெருக்கடியால் அது மிகவும் மோசமான நிலைக்குத் தள்ளப்பட்டது. பொருளாதாரத்தில் தோல்வி ஏற்பட்டாலும் கிராமம்-நகரம் என்று பாராமல் பெற்றோர்கள் தங்கள் குழந்தைகளை பாடசாலைக்கு அனுப்ப வேண்டிய கட்டாயம் ஏற்பட்டது. இதன் விளைவாக, குழந்தைகள் பாடத்திட்டங்களை சரியாக கற்றுக்கொள்ளாத நிலையில், சத்தான உணவுகளையும் உட்கொள்ளத ஒரு பின்னணியில் தங்கள் கல்வியினை எதிர்கொண்டனர்.
இம்முறை அந்தத் தலைமுறையைச் சேர்ந்த பிள்ளைகள் குழுவொன்று உயர்தரப் பரீட்சையில் பங்குபற்றியுள்ளனர். அதனால் தான் இந்த நேரத்தில் தேர்வில் தேர்ச்சி பெற்றவர்களை பற்றி குறிப்பாக பேச வேண்டும்.
இலங்கையில் உள்ள தரநிலைப் பாடசாலைகளில் பயிலும் பிள்ளைகள், பொதுப் பாடத்தில் சித்தியடைந்தாலும், அவர்களுக்கு விருப்பமான பாடப்பிரிவில் உயர்தரத்திற்குத் தோற்ற முடியாது. இதற்குக் காரணம், பல பின்தங்கிய பாடசாலைகளில்; குறிப்பிட்ட பாடங்களுக்கு உரிய ஆசிரியர்கள் இல்லை. அத்தகைய மாணவர்களுக்கு இரண்டு முக்கிய விருப்பங்கள் உள்ளன. ஒன்று அவர்கள் அந்த பாடத்திற்கு ஆசிரியர்களைக் கொண்ட அங்கீகரிக்கப்பட்ட நகர்ப்புறப் பாடசாலைகளில் படிக்க வேண்டும். அல்லது தான் இதுவரை படித்த பாடசாலையில் கற்பிக்கப்படும் பாடப்பிரிவின் கீழ் கற்கவேண்டும். மிகக் கடினமான பொருளாதாரப் பின்னணியில் வாழும் மாணவர்களுக்கு முதல் விருப்பம் செல்லுபடியாகாது. எனவே, பல்கலைக்கழகக் கல்வி என்பது இத்தகைய மாணவர்களுக்கு சீனாவின் பெரும் சுவராக மாறியுள்ள நிலையில் பெரும் எண்ணிக்கையிலானோர் மேற்கூறிய தோற்றுப் போனோர் பட்டியலில் உள்ளனர். ஆனால், கல்வி பற்றி மார்தட்டிப்பேசும் தலைவர்கள் இந்த அவலத்தைப் பற்றி வருத்தப்பட்டதாகத் தெரியவில்லை.
பரீட்சையை மையமாகக் கொண்ட கல்விக்குப் பதிலாக அறிவு, அணுகுமுறை மற்றும் திறன்கள் அபிவிருத்தி நிறைந்த கல்வியைப் பற்றி நாம் பல தசாப்தங்களாக பேசி வருகிறோம். அப்படியிருந்தும் இலங்கையில், வளர்ந்த நாடுகளில் கல்வி இப்படித்தான் என்று லட்சக்கணக்கான கட்டுரைகள் எழுதப்பட்டுள்ளன.
புதிதாக வரும் அமைச்சர்கள் மற்றும் அரசாங்கம் இவற்றைப்பற்றி பேசத்துவங்குவதும் பின்னர், அரசாங்கங்கள் மற்றும் அமைச்சர்கள் மாறிய பிறகு, அந்தக் கதைகள் அனைத்தும் கடந்த காலத்திற்குச் சென்று, குழந்தைகளை நாம் வந்த அதே அபத்தமான கல்விப் பெருவழியில் மேலும் தள்ளுவதும் மாற்றமுடியாத வரலாறுகள்.
ஆனால் நாடு எங்கு வீழ்ந்துள்ளது என்று பார்க்கும் போது கல்வியை கருசனை இன்றி முற்றாக கைவிட முடியாத நிலைக்கு நெருக்கடி ஏற்பட்டுள்ளது என்றே கூற வேண்டும். உயர்தரத்தில் சித்தியடைந்து இவ்வருடம் பல்கலைக் கழகத்தில் அனுமதிக்கப்பட்ட மாணவர்கள்; செல்ல வேண்டிய பல்கலைக்கழக முறைமையின் வீழ்ச்சியிலிருந்து நெருக்கடியின் அளவை கற்பனை செய்ய முடியும். ஏற்கனவே பல்கலைக்கழகத்தில் தேர்ச்சி பெற்றவர்களின் குடிபெயர்வு; குறித்து பல்கலைக்கழக பேராசிரியர்கள் சந்தேகம் வெளியிட்டு வருவதாக அவர்களின் ஆய்வுகள் தெரிவிக்கின்றன. பொருளாதாரத்தில் ஏற்பட்டுள்ள நெருக்கடிதான்; பல்கலைக்கழகங்களில் பௌதீக மற்றும் மனித வளங்கள் வீழ்ச்சியடைவதற்குக் காரணமாகும். எனவே, பாராளுமன்றத்தில் சமர்ப்பிக்கப்பட்ட அறிக்கைகளுக்கு அப்பால், விரிவுரையாளர்களுக்கும் அரசாங்கத்திற்கும் இடையில் ஒரு முறையான அமைப்பு இப்போது அவசியம். இல்லையேல் நாளை நாம் பாக்கியம் பெற்ற குழந்தைகளின் எதிர்காலம் பற்றி வேறு அர்த்தத்தில் பேச வேண்டியிருக்கும்.
0 comments:
Post a Comment