ஒளியால் மனங்களை இணைக்கும் தீபாவளி

 

அன்புள்ள அனைவருக்கும் தீபாவளி வாழ்த்துக்கள்.

ஒரு சிறிய அகல் விளக்கு. அதன் சுடர் எவ்வளவு சிறியது! ஆனாலும், அறை முழுவதும் நிறைந்திருந்த இருள் அந்தச் சிறு சுடரிடம் தோற்றுப்போவதை, ஒவ்வொரு தீபாவளி மாலையிலும் காண்கிறோம்.

தீபாவளித் திருநாளான இன்று, வடக்கிலும் கிழக்கிலும், மலையகத்திலும், கொழும்பிலும், கடல் கடந்து வாழும் உறவுகளின் இல்லங்களிலும் தீபங்கள் ஒளிர்கின்றன. அதிகாலை எண்ணெய்க் குளியல், புத்தாடை, கோயில் வழிபாடு, வீடெங்கும் பலகாரங்களின் மணம் என இந்நாள் தமிழர் வாழ்வின் அழகான அடையாளமாக விளங்குகிறது.

தீபாவளியைக் கொண்டாடுவோம்

தீபாவளியைக் கொண்டாடுவோம்

தெள்ளு தமிழில் பண்பாடுவோம்

தீபாவளியைக் கொண்டாடுவோம்

தெள்ளு தமிழில் பண்பாடுவோம்

தீமைபோக தீபஒளி

ஏற்றி நாங்கள் போற்றிடுவோம்

தீமைபோக தீபஒளி

ஏற்றி நாங்கள் போற்றிடுவோம் ஹேய்

அஸ்வெசுமவில் தகுதி, உரிமை, மற்றும் தங்கி வாழும் பண்பாட்டின் எல்லை

ஒரு குடும்பத்தின் மாதக் கடைசி அடுப்பு எரிகிறதா இல்லையா என்பதை சில சமயங்களில் ஒரு பெயர்ப்பட்டியலே தீர்மானிக்கிறது. அந்தப் பட்டியலில் பெயர் இருக்கும் வீட்டுக்கு அது ஒரு சுவாசம்; பெயர் விடுபட்ட வீட்டுக்கு அது நீண்ட மௌனம். அஸ்வெசும நலத்திட்டம் இன்று அப்படியொரு பட்டியலின் முன் நிற்கிறது. 2,383,630 விண்ணப்பதாரர்கள், 991,800 தகுதியான குடும்பங்கள், 1,391,830 தகுதியற்றவர்கள் என்ற எண்கள் வெறும் புள்ளிவிவரங்கள் அல்ல. ஒவ்வொரு எண்ணுக்குப் பின்னாலும் ஒரு முதியவரின் காத்திருப்பும், ஒரு தாயின் கணக்கும், ஒரு இளைஞனின் நம்பிக்கையும் மறைந்திருக்கின்றன.

உதவி யாருக்குச் சேர வேண்டும் என்ற கேள்வி எளிமையாகத் தோன்றும். ஆனால் அதன் ஆழத்தில் இருப்பது, ஒரு சமூகம் தன் பலவீனமானவர்களை எவ்வாறு பார்க்கிறது என்ற அடிப்படைக் கேள்வி.

பணத்தைத் தாண்டி பூமியையும் எதிர்காலத்தையும் பாதுகாக்கும் புதிய சிக்கனம்

2022ஆம் ஆண்டின் நடுப்பகுதியில் இலங்கையின் வீதிகளில் எரிபொருள் நிலையங்களுக்கு முன்னால் நீண்டு கிடந்த வரிசைகளை நினைவுகூர்ந்தால், ஒரு உண்மை தெளிவாகிறது. வங்கிக் கணக்கில் இருந்த பணம் மட்டுமே ஒரு குடும்பத்தின் பாதுகாப்பை உறுதிப்படுத்தவில்லை.

எரிபொருளும் மருந்தும் சமையல் எரிவாயுவும் மின்சாரமும் கிடைக்காத ஒரு நாட்டில், சேமிப்பின் பெறுமதியே கேள்விக்குள்ளாகிறது. இந்த அனுபவம் தந்த பாடம் எளிமையானது. சிக்கனம் என்பது பணத்தைப் பற்றிய விடயம் மட்டுமல்ல. அது ஒரு சமூகம் தனது வளங்களுடன் கொண்டிருக்கும் உறவைப் பற்றியது.

யார் முன்வருவார்? பராமரிப்பு என்னும் பகிரப்பட்ட பொறுப்பு

வயதான தாய் அல்லது தந்தை திடீரென வீழ்ந்துவிடுகிறார். மருத்துவமனைக்குக் கொண்டு செல்ல வேண்டும், மருந்துகளைப் பெற வேண்டும், வீட்டில் உதவிக்கு ஒருவரைத் தேட வேண்டும். மகள் பணியிடத்தில் இருக்கிறார், மகன் வெளிநாட்டில் வாழ்கிறார், மற்றைய பெற்றோரும் முதிர்ந்தவர். அப்போது யார் முன்வருவார்? இந்தக் கேள்வி பல இலங்கைக் குடும்பங்களின் கதவைத் தட்டும் நாள் வெகு தொலைவில் இல்லை.

பெரும்பாலான குடும்பங்களில் பிரச்சினை அன்பின் குறைவு அல்ல. அன்பும் மனமும் இருந்தும், நேரம், பணம், சக்தி, சிலவேளைகளில் தேவையான திறன் ஆகியன குறைவாக இருப்பதே சிக்கல். பராமரிப்பு என்பது உணர்வு சார்ந்த செயல் மட்டுமல்ல. அது ஒரு முகாமைத்துவச் சவால் (Management Challenge) என்பதை ஏற்றுக்கொள்ளும் நேரம் வந்துவிட்டது.

பன்னிரண்டாயிரம் சிறுவர், சிறுமியர் கைது- போதைப்பொருள்

 ஒரு செய்தி வெறும் செய்தியாக நின்றுவிடும்போது, அது சமூகத்தின் எச்சரிக்கை மணியை ஓசையின்றி அடக்கிவிடுகிறது. 'ரட்டம எகட' (நாடே ஒன்றாக) தேசிய நடவடிக்கை ஓராண்டை நிறைவுசெய்த தருணத்தில் பொலிஸ் ஊடகப் பேச்சாளர் ஒரு செய்தியாளர் சந்திப்பில் தகவல்களை வெளியிட்டார். தொன் கணக்கான போதைப்பொருள் மீட்கப்பட்டமை ஒரு தகவல். ஏறக்குறைய பன்னிரண்டாயிரம் சிறுவர், சிறுமியர் கைதானமை மற்றொரு தகவல். இரண்டாவது தகவலே இக்கட்டுரையின் மையப்பொருள்.

கடும் மழையும், வீசிய பலத்த காற்றும், திடீரென எழுந்த வெள்ளமும் இனி வரப்போகும் காலநிலையின் முன்னோட்டம்

கடந்த வாரம் பெய்த கடும் மழையும், வீசிய பலத்த காற்றும், திடீரென எழுந்த வெள்ளமும் தற்செயலான நிகழ்வு அல்ல. அவை இனி வரப்போகும் காலநிலையின் முன்னோட்டம். செயற்பாட்டிலுள்ள எல் நீனோ (El Niño – பசிபிக் கடலின் மேற்பரப்பு அசாதாரணமாக வெப்பமடையும் நிகழ்வு) சூழலில், இத்தகைய தீவிர வானிலை மாற்றங்கள் குறுகிய இடைவெளிகளில் மீண்டும் மீண்டும் வரலாம் என எதிர்பார்க்கப்படுகிறது. இந்த உண்மையுடன் வாழப் பழகுவதே இன்றைய காலத்தின் தேவை.

உலகம் கொந்தளிக்கும் வேளையில் இலங்கை தன்னை மீள்வடிவமைக்க வேண்டும்

 மத்திய கிழக்குப் போர், உக்ரைன்–ரஷ்யா மோதல் ஆகியவற்றால் எரிசக்தி, உணவு, வர்த்தகம் ஆகிய துறைகளில் உலகம் அதிர்வுறும் சூழலில், இலங்கை எதிர்கொள்ளும் சவால்களையும் வாய்ப்புகளையும் அபிவிருத்திப் பொருளியலாளர் என்ற வகையில்  இந்த நேர்காணலில் பகுப்பாய்வு செய்கின்றேன்.

உலகில் விரிந்துவரும் சூழ்நிலைகளை ஓர் அபிவிருத்திப் பொருளியலாளராக எவ்வாறு நோக்குகிறீர்கள்?

உலக வரலாறு மோதல்களால் நிறைந்தது. அதிகாரப் போட்டியே சர்வதேச ஒழுங்கின் வழமையாக இருந்து வந்துள்ளது. எந்த நேரத்திலும் மோதல் வெடிக்கலாம் என்ற எதிர்பார்ப்புடன் ஒவ்வொரு நாடும் செயற்படுவது இயல்பானது. மத்திய கிழக்கிலும் உக்ரைன்–ரஷ்யாவிலும் இன்று நடப்பவை இந்த மோதல் தன்மையைத் தெளிவாகக் காட்டுகின்றன.