பணத்தைத் தாண்டி பூமியையும் எதிர்காலத்தையும் பாதுகாக்கும் புதிய சிக்கனம்

2022ஆம் ஆண்டின் நடுப்பகுதியில் இலங்கையின் வீதிகளில் எரிபொருள் நிலையங்களுக்கு முன்னால் நீண்டு கிடந்த வரிசைகளை நினைவுகூர்ந்தால், ஒரு உண்மை தெளிவாகிறது. வங்கிக் கணக்கில் இருந்த பணம் மட்டுமே ஒரு குடும்பத்தின் பாதுகாப்பை உறுதிப்படுத்தவில்லை.

எரிபொருளும் மருந்தும் சமையல் எரிவாயுவும் மின்சாரமும் கிடைக்காத ஒரு நாட்டில், சேமிப்பின் பெறுமதியே கேள்விக்குள்ளாகிறது. இந்த அனுபவம் தந்த பாடம் எளிமையானது. சிக்கனம் என்பது பணத்தைப் பற்றிய விடயம் மட்டுமல்ல. அது ஒரு சமூகம் தனது வளங்களுடன் கொண்டிருக்கும் உறவைப் பற்றியது.

யார் முன்வருவார்? பராமரிப்பு என்னும் பகிரப்பட்ட பொறுப்பு

வயதான தாய் அல்லது தந்தை திடீரென வீழ்ந்துவிடுகிறார். மருத்துவமனைக்குக் கொண்டு செல்ல வேண்டும், மருந்துகளைப் பெற வேண்டும், வீட்டில் உதவிக்கு ஒருவரைத் தேட வேண்டும். மகள் பணியிடத்தில் இருக்கிறார், மகன் வெளிநாட்டில் வாழ்கிறார், மற்றைய பெற்றோரும் முதிர்ந்தவர். அப்போது யார் முன்வருவார்? இந்தக் கேள்வி பல இலங்கைக் குடும்பங்களின் கதவைத் தட்டும் நாள் வெகு தொலைவில் இல்லை.

பெரும்பாலான குடும்பங்களில் பிரச்சினை அன்பின் குறைவு அல்ல. அன்பும் மனமும் இருந்தும், நேரம், பணம், சக்தி, சிலவேளைகளில் தேவையான திறன் ஆகியன குறைவாக இருப்பதே சிக்கல். பராமரிப்பு என்பது உணர்வு சார்ந்த செயல் மட்டுமல்ல. அது ஒரு முகாமைத்துவச் சவால் (Management Challenge) என்பதை ஏற்றுக்கொள்ளும் நேரம் வந்துவிட்டது.

பன்னிரண்டாயிரம் சிறுவர், சிறுமியர் கைது- போதைப்பொருள்

 ஒரு செய்தி வெறும் செய்தியாக நின்றுவிடும்போது, அது சமூகத்தின் எச்சரிக்கை மணியை ஓசையின்றி அடக்கிவிடுகிறது. 'ரட்டம எகட' (நாடே ஒன்றாக) தேசிய நடவடிக்கை ஓராண்டை நிறைவுசெய்த தருணத்தில் பொலிஸ் ஊடகப் பேச்சாளர் ஒரு செய்தியாளர் சந்திப்பில் தகவல்களை வெளியிட்டார். தொன் கணக்கான போதைப்பொருள் மீட்கப்பட்டமை ஒரு தகவல். ஏறக்குறைய பன்னிரண்டாயிரம் சிறுவர், சிறுமியர் கைதானமை மற்றொரு தகவல். இரண்டாவது தகவலே இக்கட்டுரையின் மையப்பொருள்.

கடும் மழையும், வீசிய பலத்த காற்றும், திடீரென எழுந்த வெள்ளமும் இனி வரப்போகும் காலநிலையின் முன்னோட்டம்

கடந்த வாரம் பெய்த கடும் மழையும், வீசிய பலத்த காற்றும், திடீரென எழுந்த வெள்ளமும் தற்செயலான நிகழ்வு அல்ல. அவை இனி வரப்போகும் காலநிலையின் முன்னோட்டம். செயற்பாட்டிலுள்ள எல் நீனோ (El Niño – பசிபிக் கடலின் மேற்பரப்பு அசாதாரணமாக வெப்பமடையும் நிகழ்வு) சூழலில், இத்தகைய தீவிர வானிலை மாற்றங்கள் குறுகிய இடைவெளிகளில் மீண்டும் மீண்டும் வரலாம் என எதிர்பார்க்கப்படுகிறது. இந்த உண்மையுடன் வாழப் பழகுவதே இன்றைய காலத்தின் தேவை.

உலகம் கொந்தளிக்கும் வேளையில் இலங்கை தன்னை மீள்வடிவமைக்க வேண்டும்

 மத்திய கிழக்குப் போர், உக்ரைன்–ரஷ்யா மோதல் ஆகியவற்றால் எரிசக்தி, உணவு, வர்த்தகம் ஆகிய துறைகளில் உலகம் அதிர்வுறும் சூழலில், இலங்கை எதிர்கொள்ளும் சவால்களையும் வாய்ப்புகளையும் அபிவிருத்திப் பொருளியலாளர் என்ற வகையில்  இந்த நேர்காணலில் பகுப்பாய்வு செய்கின்றேன்.

உலகில் விரிந்துவரும் சூழ்நிலைகளை ஓர் அபிவிருத்திப் பொருளியலாளராக எவ்வாறு நோக்குகிறீர்கள்?

உலக வரலாறு மோதல்களால் நிறைந்தது. அதிகாரப் போட்டியே சர்வதேச ஒழுங்கின் வழமையாக இருந்து வந்துள்ளது. எந்த நேரத்திலும் மோதல் வெடிக்கலாம் என்ற எதிர்பார்ப்புடன் ஒவ்வொரு நாடும் செயற்படுவது இயல்பானது. மத்திய கிழக்கிலும் உக்ரைன்–ரஷ்யாவிலும் இன்று நடப்பவை இந்த மோதல் தன்மையைத் தெளிவாகக் காட்டுகின்றன.

ஒத்திவைக்கப்பட்ட சீர்திருத்தம்; ஒத்திவைக்க முடியாத விவாதம்

ஆட்சிகள் மாறுகின்றன; அடித்தளங்கள் மாறுவதில்லை. இது இலங்கையின் பல தசாப்த கால அனுபவம். அரசாங்கம் மாறும்போது சுலோகங்களும் சுவரொட்டிகளும் மாறுகின்றன. ஆனால் நாட்டின் நீண்டகாலப் பொருளாதார, சமூக வளர்ச்சியைத் தீர்மானிக்கும் அமைப்புகள் பெரும்பாலும் தொடப்படாமலேயே இருக்கின்றன. அந்த அமைப்புகளில் கல்வி முதன்மையானது. அன்றாட அரசியலின் இரைச்சலுக்கு மேலே எழுந்து, கல்விச் சீர்திருத்தம் குறித்த உரையாடலைத் தெளிவாக முன்னெடுப்பதே இங்குள்ள சிரமம்.

6ஆம் தரத்துக்கான புதிய கல்விச் சீர்திருத்தம் 2026இல் அமுல்படுத்தப்படவிருந்தது. இப்போது அது 2027க்குத் தள்ளிப்போயுள்ளது. இதனைத் தடங்கலாகக் கருதுவதை விட, சிந்திப்பதற்குக் கிடைத்த வாய்ப்பாகக் கருதலாம். அடுத்த 5 முதல் 10 ஆண்டுகளில் இலங்கையின் கல்வி முறை எத்தகைய மனிதர்களை உருவாக்க வேண்டும், எத்தகைய பொருளாதாரத்தைத் தாங்கி நிற்க வேண்டும் என்ற அடிப்படை வினாவை ஆராய்வதற்கு இப்போது அவகாசம் உள்ளது.

நம்பிக்கை: செயற்கை நுண்ணறிவு யுகத்தின் புதிய நாணயம்

 சீனத்தின் மகா ஞானி கன்பூசியஸிடம் ஒரு மாணவர் ஒருமுறை கேட்டார்: “ஓர் அரசு நிலைத்து நிற்க எவை அவசியம்?” ஞானி சொன்னார்: “போதிய உணவு, போதிய படைபலம், மக்களின் நம்பிக்கை.” மாணவர் விடவில்லை: “இம்மூன்றில் ஒன்றைக் கைவிட வேண்டியிருந்தால்?” “படைபலத்தைக் கைவிடு” என்றார் ஞானி. “இன்னொன்றையும் கைவிட வேண்டியிருந்தால்?” “உணவைக் கைவிடு. மக்களின் நம்பிக்கை இல்லாவிட்டால், எந்த அரசும் நிமிர்ந்து நிற்க முடியாது.”

போதைச் சங்கிலியை உடைத்தல் ஓராண்டின் கணக்கும் அடுத்த ஆண்டின் சவாலும்

 ஒரு கிலோகிராம் ஹெராயினைப் பறிமுதல் செய்வது செய்தி. அந்த ஹெராயினை நாட்டுக்குள் கொண்டுவந்த பணப்பாதையை அடையாளம் கண்டு அறுப்பது கொள்கை. இலங்கையின் போதைப்பொருள் விவாதம் இதுவரை செய்தியின் எல்லைக்குள்ளேயே நின்றுவிட்டது. 30 ஒக்டோபர் 2025 அன்று தொaடங்கப்பட்ட ‘ரதம ஏகத’ (Ratama Ekata – முழு நாடும் ஒன்றாக) தேசிய நடவடிக்கை, அந்த விவாதத்தைக் கொள்கைத் தளத்துக்கு நகர்த்த முயல்கிறது. ஓராண்டு நிறைவடையும் இவ்வேளையில், கணக்குப் பார்ப்பதும் அடுத்த கட்டத்தைத் திட்டமிடுவதும் தவிர்க்க முடியாதவை.