'கல்விக்கொரு விளக்கு' எனும் தொனிப்பொருளில் தேத்தாத்தீவு சிவகலை வித்தியாலயத்தில் தெரிவுசெய்யப்பட்ட 50 மாணவர்களுக்கான கற்றல் ஆற்றலை மற்றும் ஆர்வத்தினை மேம்படுத்துவதனை நோக்கமாகக்கொண்டு கல்வி ஊக்குவிப்பு கற்றல் உபகரணங்கள்; வழங்கும் திட்டம் 18.02.2023 அன்று பாடசாலை அதிபர் திருமதி சுதாகர் சகுந்தலாதேவியின் தலைமையில் இனிதே ஆரம்பித்து வைக்கப்பட்டது.
இந்த திட்டம் கனடாவில் வசிக்கும் தேத்தாத்தீவைப் பிறப்பிடமாகக்கொண்ட சமுக ஆர்வலர், தமிழ் பற்றாளர், சதா இந்த மண்ணை மனதார நேசிக்கும் மாணிக்கம் மகேந்திரன் அவர்களிடம் கேட்டுக்கொண்டதற்கிணங்க இந்த உதவித்திட்டம் ஆரம்பித்து வழங்கி வைக்கப்பட்டது.
இந்த நிகழ்வில்; கிராமத்தினையும் இந்த பிரதேசத்தினையும் நேசிக்கும் தொண்டுள்ளம் கொண்ட கலாநிதி திருமதி சுரேஸ் ஜெயப்பிரபா, கலாநிதி கணேஸ் சுரேஸ், திருமதி அமலநாதன் உட்பட பல ஆசிரியர்கள், பழைய மாணவர் சங்க உறுப்பினர்கள், பாடசாலை அபிவிருத்திச் சங்க பிரதிநிதிகள், ஆலய தலைவர்கள், நலன்விரும்பிகள், பொதுமக்கள் மற்றும் பெற்றோர்கள் ஆர்வத்துடன் கலந்துகொண்டு இந்தத்திட்டத்தினை சிறப்பித்ததுடன் அதனை நன்றியுணர்வோடு பாராட்டினர்.
