பல மாதங்களாக இந்த நாட்டின் பொருளாதார பின்னடைவு தொடர்பான விவாதங்கள் தொடர்ந்தவண்ணமுள்ளது. மேலும் அவர்கள் தொடர்ந்து ஒருவருக்கொருவர் குற்றச்சாட்டுகளை முன்வைப்பதனைப் பார்க்கின்றோம். ஆனால் இந்த நெருக்கடியில் இருந்து மீள்வதற்கான செயல்முறை குறித்து அர்த்தமுள்ள உரையாடல்கள் நடைபெறுகின்றனவா என்பது ஒரு கேள்வி. கடந்த காலத்தைப் பற்றியே நினைத்துக் கொண்டிருப்பதற்குப் பதிலாக, நம் நாட்டை உலகத்துடன் ஒப்பிட்டுப் பார்த்து, நாம் செல்ல வேண்டிய திசையைப் பற்றிய சரியான மதிப்பீட்டை அடைவதே இன்று எம் முன் உள்ள தேவையாகும்.
இந்த புதிய யோசனைக்கு நாம் கவனம் செலுத்த வேண்டும். உழைக்கும் மக்கள், உழைக்காதவர்களை இயன்றவரை உழைக்கத் தூண்ட வேண்டும். இந்த ஊக்கத்தை அரசியல்வாதிகளிடம் எதிர்பார்க்க முடியாது. கடந்த காலங்களில் அரசியல்வாதிகள் செய்ததெல்லாம் வேலை செய்யாத மக்களுக்கு நலத்திட்ட உதவிகளை வழங்குவதுதான். அரசியல் சித்தாந்தத்துக்காகப் பல நலத்திட்டங்கள் ஆரம்பிக்கப்பட்டுள்ளன. இப்படிப்பட்ட பொருளாதார நெருக்கடியிலும் மக்களுக்கு இலவசங்களை வழங்க அரசியல்வாதிகள் முயற்சிக்கின்றனர்.
