அகராதியிலிருந்து அகற்றப்பட வேண்டிய விஷச் சொற்கள்: ஒரு தேசிய சுயபரிசோதனை

ஒரு தேசத்தின் தலைவிதி என்பது அதன் நிலப்பரப்பிலோ அல்லது அதன் கனிம வளங்களிலோ எழுதப்படுவதில்லை; மாறாக, அந்தத் தேசத்தின் மக்கள் மற்றும் ஆட்சியாளர்களின் சிந்தனையை ஆளுகின்ற சொற்களிலேயே எழுதப்படுகின்றது. ஜனாதிபதி அனுர குமார திசாநாயக்க தனது சுதந்திர தின உரையில் சுட்டிக்காட்டியது போல, ‘இனவெறி’ மற்றும் ‘தீவிரவாதம்’ ஆகிய இரண்டு சொற்களும் வரலாற்றின் பக்கங்களில் இரத்தக்கறையைப் பூசியுள்ள மிக மோசமான சொற்களாகும். 

இந்த இரண்டு சொற்களும் இருக்கும் இடத்தில், அமைதி இருக்க முடியாது; அங்கே தீவிரவாத மழை பொழியும். அந்த மழையில் நனைபவன் மனிதத்தன்மையை இழந்து, இரத்தம் சிந்தப்படுவதை விரும்பும் ஒரு கொடூரமான மனநிலைக்குத் தள்ளப்படுகிறான். ஆனால், இலங்கை  அரசியல் வரலாற்றை ஆழமாக நோக்கும்போது, இந்த இரண்டு சொற்களுடன் இணைக்கப்பட வேண்டிய, அல்லது இவற்றை விடவும் ஆபத்தான மூன்றாவது சொல் ஒன்று இருக்கிறது. அதுவே பழிவாங்கல் (Revenge). அகராதியில் உள்ள மிக அருவருப்பான இந்தச் சொற்கள் அகற்றப்படாத வரை, உண்மையான சுதந்திரம் என்பது ஒரு கானல் நீராகவே இருக்கும்..

யாழ்ப்பாணத்தின் இந்த 'வரவேற்பு' சொல்லும் செய்தி என்ன?

ஒரு வரலாற்றுத் திருப்பம்

இன்று சமூக வலைத்தளங்களில் வைரலாகிக் கொண்டிருக்கும் இந்த புகைப்படங்களை உற்றுப்பாருங்கள். இவை வெறும் அரசியல் படங்களல்ல; இவை வடபுலத்தின் ஆழமான மனமாற்றத்தின் சாட்சிகள். தமிழ் மக்கள் ஒரு தலைவரைத் தன் வீட்டுப் பிள்ளையாகக் கருதி, தோளில் தூக்கி வைத்துக் கொண்டாடக்கூடிய ஒரு தலைமைத்துவம் இலங்கையில் இருக்கின்றதா? அதற்கான விடை தேடினால் ஏமாற்றமே மிஞ்சும். ஆனால், இன்று ஒரு சிங்களக் கட்சியின் தலைவராக இருந்து, இந்த நாட்டின் ஜனாதிபதியாக உயர்ந்திருக்கும் அநுரகுமார திசாநாயக்கவிற்கு யாழ்ப்பாணத்தில் கிடைக்கும் இந்த அமோக வரவேற்பு பல உண்மைகளை உரக்கச் சொல்கின்றது.

இலங்கை அரசியலில் ‘வடக்கு’ என்பது எப்போதும் ஒரு தனித்துவமான, அதேநேரம் எட்டமுடியாத ஒரு கோட்டையாகவே பார்க்கப்பட்டது. தசாப்த காலங்களாக நிலவிய இனத்துவ அரசியல், தென்னிலங்கைத் தலைவர்களை ஒரு ‘அந்நிய சக்தியாகவே’ தமிழ் மக்களுக்குச் சித்தரித்து வந்தது. ஆனால், இன்று யாழ்ப்பாண மண்ணில் நாம் காணும் காட்சிகள் அந்தப் பிம்பத்தை உடைத்தெறிந்துள்ளன. ஒரு சிங்களக் கட்சியின் தலைவராக இருந்து, இன்று நாட்டின் ஜனாதிபதியாக உயர்ந்திருக்கும் ஒருவர், வடக்கில் ஒரு ‘மக்கள் நாயகனாக’க் கொண்டாடப்படுவது என்பது தற்செயலான நிகழ்வு அல்ல; இது ஒரு பாரிய அரசியல் நில அதிர்வின் (Political Seismic Shift) வெளிப்பாடாகும். உண்மை கசக்கலாம் ஆனால் என்ன பண்ணுவது ஏற்றுக்கொண்டுதான் ஆகவேண்டும்

அநுரவின் நிவாரண அறிவிப்பு- தேசிய மீட்சிக்கு ஒரு பலமான அத்திவாரம்

அண்மையில் 'திட்வா' (Titwa) புயல் மற்றும் அதனுடன் இணைந்த கனமழை, வெள்ளப்பெருக்கு, மற்றும் மண்சரிவினால் இலங்கை தேசம் சந்தித்திருக்கும் பாரிய அழிவுகள், 2004ஆம் ஆண்டின் ஆழிப்பேரலையின் (Tsunami) பின்னரான காலப்பகுதியை ஒத்த ஒரு தேசிய சவாலை உருவாக்கியுள்ளன. நாட்டின் பல பாகங்களிலும் பரவலாகப் பாதிக்கப்பட்ட ஆயிரக்கணக்கான குடும்பங்கள், தமது வாழ்வாதாரத்தையும், உடைமைகளையும், சில சமயங்களில் சொந்தங்களையும் இழந்து, பூச்சியத்தில் இருந்து தமது வாழ்க்கையை மீளத் தொடங்க வேண்டிய நிர்ப்பந்தத்தில் இருக்கின்றார்கள். இத்தகைய ஒரு இக்கட்டான சூழ்நிலையில், ஜனாதிபதி அநுர குமார திஸாநாயக்க அவர்கள் பாராளுமன்றத்தில் அறிவித்துள்ள விசேட நிவாரண மற்றும் வாழ்வாதார மீட்சித் திட்டங்கள், பாதிக்கப்பட்ட மக்களின் துயர்துடைப்பதற்கான அரசாங்கத்தின் உறுதியான தலையீட்டைப் பிரதிபலிக்கின்றன. 

மக்கள் எதிர்பார்ப்புகளும் 80வது வரவுசெலவுத் திட்டமும்

எனது பார்வையில் "இந்த அரசாங்கம் சமர்ப்பித்த இந்த வரவுசெலவுத் திட்டம், மக்களின் உடனடி நலன்களை விட, அரசாங்கத்தின் ஸ்திரத்தன்மைக்கு (Government Stability) மிகுந்த கவனம் செலுத்தியுள்ளது என்பதைக் காட்டுகிறது"

இந்த தேசத்தின் அரசியல் வரலாற்றில் எண்பதாவது வரவுசெலவுத் திட்ட உரையை (80th Budget Speech) அரசாங்கம் பாராளுமன்றத்தில் சமர்ப்பித்துள்ளது. பட்ஜெட் வரலாற்றில் மக்கள் மனதில் நீங்காத இடம்பிடித்த வரவுசெலவுத் திட்டத்தை அன்று நிதியமைச்சராக இருந்த டொக்டர் என்.எம். பெரேரா தாக்கல் செய்தார். அப்போதுதான் ஐம்பது மற்றும் நூறு ரூபா நோட்டுகள் இரத்துச் செய்யப்பட்டு, புதிய நோட்டுகள் அறிமுகப்படுத்தும் உத்தரவு அதில் சேர்க்கப்பட்டது. அத்தகைய காலகட்டத்தில், வரவுசெலவுத் திட்டம் என்பது இரகசியம் (Secret) காக்கப்பட்ட ஒரு விடயமாக இருந்தது; நாட்டின் குடிமக்கள் அதன் முழுமையான விபரங்களைப் பற்றி வரவுசெலவுத் திட்டம் வெளியிடப்பட்ட பின்னரே அறிந்து கொண்டனர். இப்போது அந்த நிலைமை முற்றிலும் மாறிவிட்டது. பல விஷயங்களில் இரகசியம் என்பது இல்லை.

ஊழலுக்கு எதிரான போராட்டம்: வாக்குறுதிகளும் புதிய அரசாங்கத்தின் கடமையும்

ஐக்கிய நாடுகள் பொதுச் சபையின் (UNGA) 80வது அமர்வில், ஜனாதிபதி அநுர குமார திசாநாயக்க அனைத்து நாடுகளும் ஊழலுக்கு எதிரான கலாச்சாரத்தை தங்கள் அரசாங்கங்களுக்குள் உட்புகுத்த வேண்டும் என்று விடுத்த அழைப்பு, அனைத்து பங்கேற்பாளர்களின் பரந்த ஒப்புதலைப் பெற்றிருக்கும். இலங்கையும் எதிர்கால சந்ததியினரின் நலனுக்காக இந்த கடினமான ஆனால் அத்தியாவசியமான போராட்டத்தை ஏற்கனவே தொடங்கியுள்ளது என்று அவர் கூறினார். ஊழலில் மூழ்கிய ஒரு நாடு, குறிப்பாக அதன் அரசியல் தலைவர்கள் மத்தியில், அதன் அபிவிருத்தி இலக்குகளை அடைய வாய்ப்பே இல்லை என்பது தெளிவாகிறது. ஊழல் என்பது ஒரு சமூகத்தின் உயிரணுக்களை தின்று அழிக்கும் ஒரு புற்றுநோய். ஒரு காலத்தில் அபிவிருத்தி மற்றும் செழிப்புக்கான நம்பிக்கையை வைத்திருந்த பல நாடுகள், பெரும்பாலும் ஊழல் அரசியல் தலைவர்களால் அந்த இலக்குகளை அடையத் தவறிவிட்டன. சிங்கப்பூர் போன்ற நாடுகள், ஊழலை கடுமையாக ஒடுக்கியதால் செழிப்படைந்தன.

அரசியலும் நிழல் உலகமும்: நாட்டின் எதிர்காலம் கேள்விக்குறியாகிறதா?

இலங்கையின் பொருளாதார வளர்ச்சிக்கும் பொதுமக்களின் நலனுக்கும் வரி வருமானம் அத்தியாவசியமானது. ஒரு நாட்டின் அரசாங்கம், தனது குடிமக்களுக்குத் தேவையான அடிப்படை வசதிகளையும் சேவைகளையும் வழங்குவதற்கு இந்த வரிப் பணத்தையே நம்பியுள்ளது. நேரடி மற்றும் மறைமுக வரிகள் என இரு வகைகளில் அரசாங்கம் வருமானத்தை ஈட்டுகிறது. இது, நாட்டின் சட்டபூர்வமான நிதி நிர்வாகத்தின் அடிப்படைத் தத்துவமாகும். ஆனால், இந்த புனிதமான நிதி நிர்வாகத்திற்கு முற்றிலும் முரணான, அதிர்ச்சியூட்டும் தகவல்கள் அண்மையில் வெளிப்படுத்தப்பட்டுள்ளன. அரசியல்வாதிகளுக்கும் நிழல் உலகக் கும்பல்களுக்கும் இடையே உள்ள ரகசியத் தொடர்புகள் குறித்த ஜனாதிபதியின் கூற்றுக்கள், இலங்கையின் அரசியல் மற்றும் சமூக கட்டமைப்பின் இருண்ட பக்கத்தை வெளிப்படுத்தியுள்ளன.

இலங்கை ஜனாதிபதியின் மாலைதீவுப் பயணம்

இந்தியா, பாகிஸ்தான், பங்களாதேஷ் மற்றும் மாலைதீவுகளுடன் இலங்கை பண்டைய காலங்களிலிருந்து மிகச் சிறந்த இராஜதந்திர உறவுகளைப் பராமரித்து வருகிறது. இது நீண்ட காலமாகப் பராமரிக்கப்பட்டு வரும் உறவாகும். உலகில் எந்த நாடும் தனிமையில் வாழ முடியாது என்பது ஒரு உண்மை. உலக நாடுகள் தமக்கிடையே ராஜதந்திர உறவுகளைப் பேணுவதன் மூலம் சமூக, பொருளாதார மற்றும் அரசியல் துறைகளில் வளர்ச்சி நிலைகளை அடைந்துள்ளன. சர்வதேச ஒத்துழைப்பின் அரசியலில், நாடுகளின் பரஸ்பர உறவும், பிராந்திய பிரச்சினைகளைத் தீர்ப்பதில் நிறுவப்பட்ட ஒரு பரிமாண இயல்பும் பொதுவான சமூக அர்த்தத்தில் மிகவும் முக்கியமானவை.

இலங்கையின் வெளியுறவுக் கொள்கையில் புதிய திசை: ஜனாதிபதி அனுர குமார திசாநாயக்கவின் ஜேர்மனி பயணம்

ஜனாதிபதி அனுர குமார திசாநாயக்கவின் ஜேர்மனிக்கான உத்தியோகபூர்வ பயணம், அவர் பதவியேற்ற பின்னர் ஐரோப்பாவுக்கான முதல் பயணமாக அமைந்து, இலங்கையின் வெளியுறவுக் கொள்கையில் ஒரு திருப்புமுனையை குறிக்கிறது. இந்தப் பயணம் அரசியல் சின்னமாக மட்டுமல்லாமல், பொருளாதாரம், தொழில்நுட்பம் மற்றும் மூலோபாய மாற்றங்களுக்கான உறுதியான சாத்தியங்களையும் கொண்டுள்ளது. இது இலங்கை-ஜேர்மனி உறவுகளை ஆழப்படுத்துவதோடு, இடதுசாரி நிர்வாகத்தின் கீழ் மேற்கத்திய சக்திகளுடன் இலங்கை எவ்வாறு ஈடுபடுகிறது என்பதை மறுவரையறை செய்கிறது.

இலங்கையின் டிஜிட்டல் பொருளாதாரப் புரட்சி- சவால்களும் சாத்தியங்களும்.

டிஜிட்டல் பொருளாதாரம் என்பது உலகளாவிய ரீதியில் ஒரு நாட்டின் பொருளாதார வளர்ச்சிக்கு, குறிப்பாக அபிவிருத்தியடைந்து வரும் நாடுகளுக்கு, அவசியமானதொரு உந்துசக்தியாக உருவெடுத்துள்ளது. இலங்கையின் ஜனாதிபதி மற்றும் நிதி அமைச்சர் அனுர குமார திசாநாயக்க 2025 ஆம் ஆண்டுக்கான பட்ஜெட்டில், நாட்டின் டிஜிட்டல் பொருளாதார மேம்பாட்டை முக்கியமாகக் குறிப்பிட்டிருப்பதானது, இந்த மாற்றத்திற்கான அரசாங்கத்தின் உறுதிப்பாட்டைத் தெளிவுபடுத்துகிறது. 2030 ஆம் ஆண்டிற்குள் இலங்கையின் டிஜிட்டல் பொருளாதாரம் 15 பில்லியன் அமெரிக்க டொலர்களை எட்டி, மொத்த உள்நாட்டு உற்பத்தியில் 12 சதவிகித பங்களிப்பைக் கொண்டிருக்கும் என்ற எதிர்பார்ப்பு ஒரு குறிப்பிடத்தக்க இலக்காகும்.

ஜனாதிபதியின் தேர்தல் வாக்குறுதி- வடக்கு, கிழக்கில் கையகப்படுத்தப்பட்ட காணிகள் விடுவிப்பும் விவசாய அபிவிருத்தியும்

 ஜனாதிபதி அனுரகுமார திசாநாயக்க அவர்கள் அண்மையில் முல்லைத்தீவு - புதுக்குடியிருப்பில் நடைபெற்ற தேர்தல் பிரசாரக் கூட்டத்தில் வடக்கு மற்றும் கிழக்கில் பாதுகாப்பு காரணங்களுக்காக அரசாங்கத்தினால் கையகப்படுத்தப்பட்ட அனைத்து காணிகளையும் மிக விரைவில் விடுவிப்பதற்கு நடவடிக்கை எடுக்கப்படும் என்று உறுதியளித்துள்ளார். மேலும், விடுவிக்கப்படும் காணிகளில் மக்கள் விவசாயம் செய்வதற்கான அனைத்து ஏற்பாடுகளையும் அரசாங்கம் செய்து கொடுக்கும் என்றும் அவர் குறிப்பிட்டுள்ளார். இந்த அறிவிப்பு, பல ஆண்டுகளாக தமது சொந்த நிலங்களை இழந்து தவிக்கும் வடக்கு மற்றும் கிழக்கு மாகாணங்களைச் சேர்ந்த மக்களுக்கு ஒரு நம்பிக்கைக் கீற்றாக அமைந்துள்ளது. எனினும், இந்த வாக்குறுதியின் பின்னணியில் உள்ள சவால்கள், நடைமுறைச் சிக்கல்கள் மற்றும் சாத்தியமான விளைவுகள் குறித்து ஒரு விரிவான விமர்சனப் பார்வை மேற்கொள்வது அவசியமாகும்.

சட்டத்தின் ஆட்சி நிலைநாட்டப்பட வேண்டுமா? தேசிய மக்கள் சக்தியின் கூற்றின் மீதான ஒரு விமர்சனப் பார்வை

இலங்கை நாட்டில் சட்டத்தின் ஆட்சியை முறையாக நிலைநாட்ட வேண்டியதன் அவசியத்தையும், அவ்வாறான ஒரு நாடு தற்போது உருவாக்கப்பட்டு வருவதாகவும் தேசிய மக்கள் சக்தி (NMP) அண்மையில் நடைபெற்ற மக்கள் சந்திப்பில் அதன் தலைவரால் குறிப்பிட்டுள்ளது. மேலும், இதற்கு முன்னர் நாட்டில் சட்டம் பலவீனமானவர்களுக்கு எதிராக மட்டுமே செயற்படுத்தப்பட்டதாகவும், பெரியவர்கள் சட்டத்தின் பிடியிலிருந்து தப்பிச் சென்றதாகவும் அங்கு சுட்டிக்காட்டினார். "சட்டம் ஒரு சிலந்தி வலையைப் போன்றது. பலமானவர்கள் அதனை கிழித்துக் கொண்டு செல்வர், சிறியவர்கள் பிடிபடுகின்றனர்" என்ற உவமையின் மூலம் முந்தைய ஆட்சிகளில் நிலவிய சட்டத்தின் பாரபட்சமான தன்மையை தேசிய மக்கள் சக்தி விமர்சித்துள்ளது.

மன்னார்-இராமேஸ்வரம் படகுச் சேவை: அரசியல் வாக்குறுதிகளும் பொருளாதார வாய்ப்புகளும்

மன்னார் மற்றும் இராமேஸ்வரம் இடையே படகுச் சேவைகளை மீண்டும் ஆரம்பிப்பதற்கு விரைவாக நடவடிக்கை எடுக்கப்படும் என்று தேசிய மக்கள் சக்தியின் தலைவர் அனுரகுமார திசாநாயக்க வியாழக்கிழமை (17) அன்று மன்னார் பஜார் பகுதியில் நடைபெற்ற உள்ளூராட்சி மன்றத் தேர்தல் பிரசார கூட்டத்தில் தெரிவித்தார். இந்திய அரசாங்கத்தின் உதவியுடன் இந்தச் சேவையை மீண்டும் ஆரம்பிக்க நடவடிக்கை எடுக்கப்படும் என்றும், இதற்கான பேச்சுவார்த்தைகள் தற்போது இடம்பெற்று வருவதாகவும் அவர் குறிப்பிட்டார். இந்த அறிவிப்பு, பல ஆண்டுகளாக இப்பகுதி மக்களின் எதிர்பார்ப்பாக இருக்கும் நிலையில், தேர்தல் கால வாக்குறுதியாகவே பார்க்கப்படுகிறது.

ஊழல் ஒழிப்பில் புதிய அத்தியாயம்: நம்பிக்கையும் சவால்களும்

ஜனாதிபதி அனுர குமார திசாநாயக்க அவர்கள், பதவி ஏற்றதில் இருந்து ஊழல் மற்றும் இலஞ்சம் போன்ற குற்றங்களை அரசியல் தலையீடுகள் இன்றி ஒழிக்கும் நடவடிக்கைகளை முன்னெடுத்து வருவதாகக் கூறியிருக்கிறார். கொழும்பு பண்டாரநாயக்க சர்வதேச மாநாட்டு மண்டபத்தில் (BMICH) நடைபெற்ற தேசிய ஊழல் எதிர்ப்பு செயல்திட்டம் 2025-2029 (National Anti-Corruption Action Plan 2025–2029) அறிமுக நிகழ்வில் அவர் இதனைத் தெரிவித்தார். அரசியல் கட்டமைப்பு ஊழலில் இருந்து விடுவிக்கப்பட்டாலும், அதற்கு கீழிருக்கும் நிர்வாகக் கட்டமைப்பு விரைந்து திருந்த வேண்டும் என்றும், ஆறு மாத கால அவகாசம் வழங்கப்பட்டும், மே மாதத்திற்குள் திருந்தாவிட்டால் சட்ட நடவடிக்கை எடுக்கப்படும் என்றும் அவர் எச்சரித்தார்.

பொதுமக்களின் நலனை உறுதி செய்யும் நிவாரணப் பொதி திட்டம் – ஒரு விமர்சன பார்வை

இலங்கையில் பொதுமக்களின் நலன்களை முன்னிறுத்தி, சிங்கள – தமிழ் புத்தாண்டை முன்னிட்டு குறைந்த வருமானம் பெறும் மக்களுக்கு நிவாரணப் பொருட்களை வழங்க அரசாங்கம் மேற்கொண்டுள்ள நடவடிக்கைகள் நிச்சயமாக ஒரு சமூக அக்கறையுள்ள செயல். இந்த நிவாரணத் திட்டம் நாடு இன்னும் பொருளாதார நெருக்கடியில் இருக்கின்ற நேரத்தில் மிகுந்த அவசியமானதாகவும் குறைந்த வருமானம் பெறும் மக்களுக்கு நம்பிக்கையூட்டும் ஒன்றாகவும் அமைந்துள்ளது.

நிவாரணத் திட்டத்தின் முக்கியத்துவம்

2022 ஆம் ஆண்டு இலங்கை பெருந்தோட்ட வரலாற்றிலேயே கடுமையான பொருளாதார நெருக்கடியை எதிர்கொண்டது. அப்போது மக்களின் வாழ்வாதாரத்துக்கு பெரிய தாக்கம் ஏற்பட்டது. பணவீக்கம் உயர்வு, உணவுப் பொருட்களின் விலையேற்றம், வேலைவாய்ப்பின்மை, மற்றும் பிற பொருளாதார சிக்கல்கள் காரணமாக மக்கள் அழுத்தமான நெருக்கடியை சந்தித்தனர்.

பொருளாதார மீட்சி மற்றும் தேசிய மக்கள் சக்தி அரசாங்கத்தின் வளர்ச்சி திட்டங்கள்

இலங்கையின் பொருளாதாரம் கடந்த சில வருடங்களாக கடும் நெருக்கடியை எதிர்கொண்ட நிலையில், தற்போதைய அரசாங்கத்தின் பொருளாதார முகாமைத்துவ நடவடிக்கைகள் நிலைமையை முற்றிலும் மாற்றியமைத்துள்ளன. 2025 ஆம் ஆண்டில், தேசிய மக்கள் சக்தி அரசாங்கம் பதவியேற்றதிலிருந்து, நாட்டின் பொருளாதார முன்னேற்றம் வேகமடைந்து வருகின்றது. இதற்கான முக்கிய காரணிகளில் ஒன்று, சர்வதேச நாணய நிதியத்துடன் (IMF) இணைந்து முன்னெடுக்கப்பட்ட விரிவாக்கப்பட்ட கடன் நிதி வசதிச் செயற்றிட்டம் (Extended Fund Facility – EFF) என்பதே ஆகும்.

தவறிழைக்காத அரசிக்கு இந்தியா, சீனாவின் வரவேற்ப்பு என்றுமில்லாதது. ஒரு அரசியல் ஆய்வு:

ஜனாதிபதியாகப் பதவியேற்ற மிகக் குறுகிய காலத்திற்குள், ஜனாதிபதி அனுர திசாநாயக்க இந்தப் பிராந்தியத்தின் மிக முக்கியமான இரண்டு நாடுகளான இந்தியா மற்றும் சீனாவுக்கு விஜயம் செய்தார். இந்தப் பிராந்தியத்தில் நமக்கு அடுத்த மிக முக்கியமான நாடு பாகிஸ்தான். 

இந்த நேரத்தில், பாகிஸ்தானுக்கு தனக்கென பல பிரச்சினைகள் உள்ளன. எனவே, இந்தப் பிராந்தியத்தில் பாகிஸ்தானுடன் செயல்பட எந்த வாய்ப்பும் இல்லை. ஆனால் பாகிஸ்தான் இந்தியாவின் மீது ஓரளவு செல்வாக்கைச் செலுத்துகிறது. பாகிஸ்தான் எல்லை வழியாக இந்தியாவிற்குள் நுழையும் பல்வேறு இஸ்லாமிய நாடுகளைச் சேர்ந்த பயங்கரவாதிகள் இந்தியாவின் முக்கிய இடங்களில் தாக்குதல்களை நடத்துகிறார்கள். எனவே, இந்தியா தனது மூன்று முக்கியமான எல்லைகளில் பாகிஸ்தான் எல்லையைப் பற்றி அதிக அக்கறை கொண்டுள்ளது: சீன எல்லை, வங்காளதேச எல்லை மற்றும் பாகிஸ்தான் எல்லை. சீனாவிற்கும் இந்தியாவிற்கும் இடையே விசித்திரமான பகைமை எதுவும் இல்லை. விசித்திரமான நட்பும் இல்லை. 

தமிழ் மக்கள் சிறந்த மாற்றத்துக்காக என்.பி.பியைச் சுற்றி திரண்டுள்ளனர்

வடக்கு, கிழக்கில் ஐந்து மாவட்டங்களில் மொத்தமுள்ள 28 ஆசனங்களில் 12 ஆசனங்களை தேசிய மக்கள் சக்தி தனிப்பெரும் கட்சியாகக் கைப்பற்றியது. என்.பி.பி நாடு பூராவும் பெற்ற வெற்றியை விட இந்த வெற்றி மகத்தானது.

3 சதவீதமாக இருந்த என்.பி.பி 42 சதவீதமாக உயர்ந்தது. அதனால்தான் அது பொதுத் தேர்தலில் 62 சதவீதமாக மாறியது. இந்த ஆண்டு ஜனாதிபதி தேர்தலை விட என்.பி.பி 12 லட்சம் வாக்குகள் அதிகம் பெற்றுள்ளார்கள். 54 நாட்களுக்குள் 'அனுபவம் வாய்ந்த' ரணில் 17 லட்சம் வாக்குகளையும், சஜித் 24 லட்சம் வாக்குகளையும் இழந்தார்கள். இப்படி இருந்தால், எதிர்காலத்தில் இந்த சரிவு மேலும் வளரும் என்பது உறுதி. இது என்.பி.பி அரசின் ஆட்சியின் வெற்றியைப் பொறுத்தே அமையும்.

பொதுத் தேர்தலில் தேசிய மக்கள் சக்தியின் வெற்றி அபாரமானது. அது சும்மா அல்லாமல் வடக்கிலிருந்து தெற்கேயும், கிழக்கிலிருந்து மேற்காகவும் பரவிய வெற்றி. 22 தேர்தல் மாவட்டங்களில் மட்டக்களப்பு மாவட்டம் தவிர்ந்த் 21 மாவட்டங்களை என்.பி.பி கைப்பற்றியது.

தொழிற்கல்வியும் அனுரவும்

இலங்கையின் பொருளாதார வளர்ச்சியிலும், இளைஞர்களின் வேலைவாய்ப்பு மேம்பாட்டிலும் தொழிற்கல்வி முக்கிய பங்காற்றுவதை தேசிய மக்கள் சக்தி (NPP) அவசரமாகக் கருதுகிறது. NPP மற்றும் அதன் தலைவர் அநுர குமார திசாநாயக்க தொழிற்கல்வியின் முக்கியத்துவத்தைச் சிறப்பிக்கின்றனர், ஏனெனில் இது வேலைவாய்ப்புகளை நேரடியாக உருவாக்கி, நாட்டின் பொருளாதாரத்தை தூண்டுகிறது.

அநுர குமார 2024 இலங்கைத் தேர்தலில் பல வாக்காளர்களின் ஆதரவைப் பெறுவதற்கான முக்கிய காரணங்கள்

அநுர குமார திசாநாயக்க 2024 இலங்கைத் தேர்தலில் பல வாக்காளர்களின் ஆதரவைப் பெறுவதற்கான முக்கிய காரணங்கள்:

1. மாற்றத்திற்கு எதிர்பார்ப்பு: இலங்கையில் நடந்த 2022 பொருளாதார நெருக்கடியின் பின்னர், பாரம்பரிய அரசியல் கட்சிகளின் மீதான நம்பிக்கையின்மை அதிகரித்தது. இதன் காரணமாக மக்கள் முன்னாள் ஜனாதிபதி கோதபய ராஜபக்ஷவை பதவியிலிருந்து நீக்கினர். அநுர குமார திசாநாயக்க மற்றும் தேசிய மக்கள் சக்தி (NPP) புதிய மாற்றத்தை வாக்காளர்களுக்கு வழங்கும் முனைப்பில் உள்ளனர்.  பாதிக்கப்பட்ட பழைய அரசியல் அமைப்புகளிலிருந்து விலகி புதிய அரசியல் மாற்றத்தை நோக்கி இவர்களின் கொள்கைகள் அமைந்துள்ளன.

2. பொருளாதார மாற்றம் மற்றும் சமூக நீதிக்கான போராட்டம்: திசாநாயக்க மக்கள் செல்வாக்கு மற்றும் ஆதாயங்களில் சமமான பங்கு பெற்றுக் கொள்ள வேண்டும் என்பதைக் கூறுகிறார். அவர் வறுமையை குறைத்து, நீடித்த வளர்ச்சியைக் கொண்டுவரும் திட்டங்களை முன்வைக்கிறார். சமூக நீதி, கல்வி, சுகாதாரம் போன்ற அடிப்படை வசதிகளுக்கு அனைவரும் சமமான அணுகல் பெறுவதே இவரின் நோக்கம்

அனுரவும் ஐ எம் எவ்வும்

 அன்புள்ள நண்பர்களே, இன்று நாம் சந்திக்கும் மிக முக்கியமான ஒரு விஷயத்தைப் பற்றி பேச விரும்புகிறேன் – நமது நாடு மற்றும் சர்வதேச நாணய நிதியத்தின் (ஐஆகு) தொடர்பு மற்றும் இதைப்  பற்றி தேசிய மக்கள் சக்தி எவ்வாறான நிலைப்பாட்டினைக்கொண்டுள்ளது என்பதனைப் பார்க்க இருக்கின்றோம்.

இலங்கை இன்னும் கடுமையான பொருளாதார நெருக்கடியில் உள்ளது யாரும் மறுக்க முடியாது. இதனைத் தீர்பதற்கு, அரசு ஐ.எம்.எப் உடன் ஒப்பந்தங்களில் ஈடுபட்டு, பாரிய பொருளாதார கட்டுப்பாடுகள், வரிவிதிப்பு மீதான அதிகரிப்பு மற்றும் அத்தியாவசிய சேவைகளில் செலவு  கள் என்பனவற்றினை  குறைத்து நடவடிக்கை எடுத்தது. இந்த நடவடிக்கைகள் குறித்த காலத்தில்  பொருளாதாரத்தை நிலைப்படுத்த உதவியிருக்கலாம், ஆனால் இது பொதுமக்கள், குறிப்பாக ஏழை மற்றும் நடுத்தர வர்க்கத்தை அதிகமாக பாதித்துள்ளது.