நாம் கடின உழைப்பால் பொருளாதாரத்தை மீட்டெடுத்தாலும், போதைப்பொருளின் அச்சுறுத்தலில் இருந்து இளம் தலைமுறையை காப்பாற்றவில்லை என்றால், நாட்டின் எதிர்காலத்தை பொறுப்பேற்க யாரும் இருக்க மாட்டார்கள்.
நமது எதிர்காலம் படித்த, அறிவார்ந்த மற்றும் நல்ல இளைஞர் தலைமுறையைச் சார்ந்தது. அதற்கேற்ப பார்க்கும்போது, இப்போதைப்பொருளால் நாம் மிகவும் ஆபத்தான காலத்தில் தங்கியிருக்கிறோம் என்று தோன்றுகிறது. அரசும், பொதுமக்களும் இப்பிரச்னைக்கு உடனடி நடவடிக்கை எடுத்து, போதைப்பொருள் பாவனையை தடுக்க நடவடிக்கை எடுக்க வேண்டும்.
இவ்விடயம் தொடர்பில் அவதானம் செலுத்தியுள்ள ஜனாதிபதி, அமைச்சரவையில் புதிய பிரேரணை ஒன்றை சமர்ப்பித்துள்ளார். போதைப்பொருளை ஒழிக்க ஒரு அதிரடிப்படையை உடனடியாக உருவாக்க வேண்டும் என்றும், அதை தடுக்கும் முழு அதிகாரமும் தேசிய குழுவுக்கு மாற்றப்பட வேண்டும் என்றும் அதில் கூறப்பட்டுள்ளது.
தற்போது பல்கலைக்கழக மாணவர் சமூகம் மற்றும் பாடசாலை மாணவர்கள் மத்தியிலும் ஐஸ் உள்ளிட்ட போதை மாத்திரைகள் வேகமாக பரவ ஆரம்பித்துள்ளன. பாடசாலை மாணவிகள் கூட போதைக்கு அடிமையாகி இருப்பதாக செய்திகள் வந்துள்ளன.
1970களில் இருந்து இலங்கையில் இந்த போதை மருந்துகள் பரவ ஆரம்பித்தன. திறந்த பொருளாதார பாரம்பரியம், அதே போல் அதிகரித்த வெளிநாட்டு சுற்றுலாப் பயணிகள் வருகை, அதன் பரவலில் சில தாக்கங்களை ஏற்படுத்தியுள்ளது. ஆசிய பிராந்தியத்தில் பங்களாதேஷ;, தாய்லாந்து, இந்தியா மற்றும் நேபாளம் போன்ற நாடுகள் போதைப்பொருள் விநியோக மையங்களாக இருந்தன. இன்று இலங்கையும் போதைப்பொருள் விநியோக மையமாக மாறியுள்ளது. இப்போதை மருந்துகள் இலங்கையில் உற்பத்தி செய்யப்படவில்லை, அவை இறக்குமதி செய்யப்பட்ட தயாரிப்புகளாகவே இருக்கின்றன. இந்தப் போதைப்பொருள்கள் பெரும்பாலும் கடல் வழியாக வர்த்தகம் செய்யப்படுகின்றன. இது உலகின் முதல்தர் வணிகமாகவும் மாறியுள்ளது. இந்த போதைப்பொருளுக்கும் பாதாள உலகத்துக்கும் நேரடி தொடர்பு உள்ளது.
இலங்கையின் பாதுகாப்புப் படைகளும், ஆபத்தான போதைப் பொருட்களை கையாளும் முகவர்களும் ஏறக்குறைய தினசரி சோதனைகளை நடத்தி போதைப்பொருள் மற்றும் அவற்றின் விநியோகத்தர்களை கைது செய்கின்றனர். அதன்பின்னர் தொடர்புயை குற்றவாளிகளை நீதியின் முன் நிறுத்துவதும் ஒரு தொடர்ச்சியான செயலாகவே இருநது வருகின்றது.
ஆனால் போதைப்பொருள் பாவனைக்கு இங்கு குறைவில்லை. பாடசாலை மாணவர்களிடையே போதைப்பொருள் பாவனையின் வேகமான வளர்ச்சியை நாம் தற்போது எதிர்நோக்கும் பாரிய பிரச்சினையாக கருதுவது மிகவும் சரியானது. இ;ன்று நாட்டின் பிரதான பாடசாலைகளில் போதைப்பொருள் வியாபாரிகள் நிலைகொண்டுள்ளதாக தெரியவந்துள்ளது. அதை முதலில் அடியோடு தவிர்க்க வேண்டும்.
போதைப்பொருளின் அச்சுறுத்தலை முற்றிலுமாக அகற்றுவதற்கு வலுவான குறுகிய கால மற்றும் நீண்ட கால திட்டம் செயல்படுத்தப்பட வேண்டும் என்று ஆய்வுகள் காட்டுகின்றன.
அதற்காக,
போதைப்பொருள் இறக்குமதி மற்றும் விநியோகம் முதலில் நிறுத்தப்பட வேண்டும்.
இரண்டாவதாக, போதைக்கு அடிமையானவர்கள் மறுவாழ்வு அளிக்கப்பட வேண்டும்.
மூன்றாவதாக, போதைப்பொருள் மற்றும் அதன் விளைவுகள் பற்றிய புரிதலை இளைஞர்களுக்கு வழங்க வேண்டும்.
இந்த விவகாரம் நமது நாடாளுமன்றத்தில் நீண்ட நேரம் விவாதிக்கப்பட்டது. ஆனால் அந்த விவாதங்கள் பெரும்பாலும் ஒருவரையொருவர் குற்றம் சாட்டுவதாக மட்டுமே இருக்கின்றது. எப்படியிருந்தாலும், போதைப்பொருள் கடத்தல்காரர்களுக்கும் அரசியல்வாதிகளுக்கும் இடையிலான உறவை முறியடிக்க வேண்டும். இந்த உறவுகளால் போதைப்பொருள் கடத்தல்காரர்களை சட்டத்தின் பிடியில் பிடிப்பது கடினமாகிவிட்ட நாட்டில்.
கடத்தல்காரர்களுக்கும், அதிகாரிகளுக்கும் இடையே உள்ள தொடர்பைப் போலவே, கடத்தல்காரர்களுக்கும் அரசியல்வாதிகளுக்கும் இடையிலான தொடர்பு துண்டிக்கப்பட வேண்டும். சிரேஷ;ட பொலிஸ் அதிகாரிகளுக்கும் போதைப்பொருள் கடத்தல்காரர்களுக்கும் இடையிலான உறவு குறித்த தகவல்களை ஊடகங்கள் பல தடவைகள் வெளிப்படுத்தியுள்ளன. போதைப்பொருள் கடத்தல்காரர்களிடம் இருந்து காவல்துறை அதிகாரிகள் கப்பம் வாங்குவது குறித்து அவ்வப்போது தகவல்கள் வெளியாகி வருகின்றன. இவை நிச்சயம் போதைப்பொருளை ஒழிக்க நிறுவப்படும் படையின் கவனத்திற்கு வரவேண்டும். அதேபோன்று இந்தப் பாதுகாப்புப் படை சுதந்திரமாகவும் சுயாதீனமாகவும் செயற்பட வாய்ப்பு வழங்கப்பட வேண்டும். இந்த பிரச்சினையில் ஜனாதிபதி தலையிட்டு நடவடிக்கை எடுப்பது சாதகமான சூழ்நிலையாக அமையும்.
போதைப்பொருள் கடத்தல்காரர்களை எதிர்த்துப் போராடுவது எளிதான காரியம் என்று நினைப்பதும் ஏற்புடையதல்ல. இலங்கையில் போதைப்பொருள் விநியோக வலையமைப்பு வெளிநாடுகளில் உள்ள முகவர்களால் கையாளப்படுகிறது. சர்வதேச போதைப்பொருள் விநியோக வலையமைப்பில் அவர்களுக்கு தொடர்புகள் உள்ளன. பல லத்தீன் அமெரிக்க நாடுகளில் போதைப்பொருள் கடத்தல்காரர்கள் அந்நாடுகளின் பாதுகாப்புப் படையினருடன் சண்டையிட்டு வருகின்றனர். அவர்கள் எவ்வளவு வலிமையானவர்கள் என்பதை இது காட்டுகிறது. எமது நாட்டில் போதைப்பொருள் கடத்தலுடன் பாதாள உலகமும் அடக்கப்பட வேண்டும். போதைப்பொருள் கடத்தல் பாதாள உலக தலைவர்களின் கைகளில் உள்ளது. சில பாதாள உலகத் தலைவர்களுக்கு அரசியல் தொடர்புகள் மட்டுமன்றி, மதத் தலைவர்களுடனும் தொடர்புகள் உள்ளன. இவற்றை தெளிவாக கண்டறிந்து கடத்தல்காரர்களை ஒடுக்க வேண்டும்.
போதைப்பொருள் பாவனையினால் ஏற்பட்டுள்ள வீழ்ச்சி பேராதனைப் பல்கலைக்கழகத்தின் விடயத்திலும் தெளிவாகின்றது. சமுதாயத்தின் நல்வாழ்வு முற்றிலும் தலைகீழாக மாறும் முன், இந்த அச்சுறுத்தலில் இருந்து நாட்டைக் காப்பாற்ற வேண்டும்.
0 comments:
Post a Comment