மருத்துவர்கள் நாட்டை விட்டு வெளியேறுவது பற்றி ஏன் பேசுவதில்லை?

தனியார் மருத்துவப் பல்கலைக்கழகங்கள் வேண்டாம் என்று கூறும் மக்கள், மருத்துவர்கள் நாட்டை விட்டு வெளியேறுவது பற்றி ஏன் பேசுவதில்லை?

பிபிசி சிங்களச் சேவை, இலங்கையில் உள்ள மருத்துவமனைகள் பற்றிய செய்தியை அண்மையில் தெரிவித்திருந்தது. அதாவது பிரித்தானிய சுகாதார சேவையில் அதிக எண்ணிக்கையிலான வெளிநாட்டு வைத்தியர்கள் இணைந்திருக்கும் 5 நாடுகளில் இலங்கையும் ஒன்றாக உள்ளது. 

இன்றய இலங்கை நோயாளிகளின் தலைவிதிக்காக நாங்கள் வருந்துகிறோம். இலவசக் கல்வியை அதிகபட்சமாகப் பயன்படுத்தி இலங்கைக்கு டாடா சொல்வது யார்? வரியை உயர்த்துவது அவர்களுக்கு பிரச்சனையா? லண்டன் மருத்துவமனைகளில் பணிபுரிந்தாலும் வரி கட்ட வேண்டும் தாNனு இல்லையா? அதன் வரிகளை ஏய்க்க முடியுமா?. 

2022 ஆம் ஆண்டில் பிரித்தானிய சுகாதார சேவைக்கு ஆட்சேர்ப்பு செய்யப்பட்ட மருத்துவர்களில் 63 வீதம், அதாவது மூன்றில் இரண்டு பங்கு, வெளிநாடுகளில் இருந்து தகுதி பெற்ற மருத்துவர்கள் என்று பிரிட்டிஷ் மருத்துவ கவுன்சில் வெளிப்படுத்தியுள்ளது. 

2021ல் நாட்டை விட்டு வெளியேறிய மருத்துவர்களின் எண்ணிக்கை 400ஐ நெருங்கிய நிலையில், 2022ல் 500ஐ தாண்டியுள்ளது. அதாவது, 2020ஆம் ஆண்டை விட இரு மடங்கு அதிகரிப்பாக உள்ளது. 2012ஆம் ஆண்டு முதல் 2020ஆம் ஆண்டு வரை இலங்கையிலிருந்து பிரித்தானியாவுக்கு பணிபுரியச் சென்ற வைத்தியர்களின் எண்ணிக்கை வருடத்திற்கு 250க்கும் குறைவாகவே காணப்படுவதாக பிரித்தானிய மருத்துவ சபையின் அறிக்கை தெரிவிக்கிறது. ஆனால் அது மிக மிக அதிகரித்துள்ளது.

இப்போது ஒரு உண்மையான பிரச்சனை உள்ளது. இனி, இந்த நாட்டில் வரி செலுத்துவோரின் பணத்தில் சிறந்த முறையில் படித்தவர்கள் கடைசியில் யாருக்கு சேவை செய்வார்கள்? அவருடைய அம்மா அப்பா? ம்ம் கிடையாது. இன்று தனியார் மருத்துவப் பல்கலைக்கழகங்கள் வேண்டாம் என்று கூறும் மக்கள், மருத்துவர்கள் நாட்டை விட்டு வெளியேறுவது பற்றி ஏன் பேசுவதில்லை? அது என்ன நீதி? 

அறிக்கைகளின்படி பெரும்பாலான வெளிநாட்டு மருத்துவர்கள் இந்தியாவில் இருந்து பிரிட்டிஷ் சுகாதார சேவையில் சேர்ந்துள்ளனர். இந்தியாபோன்ற பெரிய நாட்டிற்கு இது ஒரு பிரச்சனை இல்லையென்றாலும், இந்த குட்டி நாட்டிற்கு இது ஒரு பாரிய பிரச்சனை. 

மறுபுறத்தில் நாட்டில் தங்கியிருக்கும் வைத்தியர்கள் சம்பளம், தங்குமிடங்கள் மற்றும் இதர சலுகைகள் உள்ளிட்ட பல பிரச்சினைகளால் பாதிக்கப்பட்டுள்ளதாக அரச வைத்திய அதிகாரிகள் சங்கம் தெரிவித்துள்ளது. அதைத்தான் தொடர்ந்து சொல்லுகின்றார்கள். எது எப்படியோ இந்த நாட்டின் வியர்வைசிந்திய ஏழைகளின் உழைப்பில் படித்து இந்நாட்டில் தங்கியிருந்து கடமையை நிறைவேற்றும் மருத்துவ சமூகத்தினருக்கே எமது மரியாதை உரித்தானது என்பது குறிப்பிடத்தக்கது.