கோழி மேய்பதென்றாலும் கவர்மென்றில் சேரவேண்டுமாம்!

ஓவ்வொருமுறையும் ஒரு புதிய அரசு அமையும் பொழுது பொதுமக்கள் மற்றும் இளைஞர்களிடையே ஒரு எதிர்பார்ப்பு இருக்கும். அந்த எதிர்பார்ப்புத்தான் அவர்களது அரச வேலைவாய்ப்புக்கான கனவு. ஆதனால் புதிய அரசாங்கம் தங்களுக்கு புதிய மற்றும் சிறந்த வேலை வாய்ப்புகளை வழங்கும் என்று நம்புகிற வர்க்கத்தில் வேலையற்ற பட்டதாரிகள் மட்டும் அடங்கவில்லை, மீதமுள்ள தொழிலாளர்களும் அதில் அடக்கம். ஆனால் ஒரு புதிய பொருளாதாரத்தின் வேலைவாய்ப்புக்களை உருவாக்க வேண்டுமானால் நிச்சயமாக அதுசார்ந்த புதிய கொள்கை சீர்திருத்தங்கள் தேவை என்பதனை பொருளியலாளர்கள் நன்கு உணர்ந்திருக்கின்றனர்.

வேலைவாய்ப்பு உருவாக்கம் என்பது ஒரு பொதுவான தேர்தல் பரப்புரையாக காலகாலமாக இருந்துவந்துள்ளது. ஆனால் இம்முறை தெரிவுசெய்யப்பட்ட அரசாங்கம் தான் வழங்கிய வாக்குறுதியை காப்பாற்றி இருக்கின்றது. அதற்காக வாழ்த்தலாம். ஆனால்; அடுத்தடுத்து அரசாங்கங்களின் பொருளாதார வீழ்ச்சியின் மத்தியில் அரசாங்க வேலைவாய்ப்பை அதிகரித்து வருகிறது. எவ்வாறாயினும், அரசுத் துறை ஏற்கனவே அதிக சுமைக்குள்ளாகியுள்ளதுடன், மக்களுக்கு அதிகம் பயன்படாத துறைகளுக்கு இவர்களை பெரும்பாலும் ஆட்சேர்ப்பு செய்து வருகின்றது என்ற குற்றச்சாட்டும் முன்வைக்காமல் இல்லை. இன்று எமது நாட்டிற்கு அதிகம் தேவையான உற்பத்தித்திறனை அதிகரிக்காமல், பொதுத் துறையில் அதிகமானவர்களைச் சேர்ப்பது என்பதானது வெறுமனே வரி செலுத்துவோர் சுமைகளை அதிகரித்துவிடும் என பலர் சுட்டிக்காட்டுகின்றமை கவனத்தில் கொள்ளவேண்டியதொன்று.

உண்மையில் ஆரச துறை வேலைகள் மிகவும் பிரபலமாக இருப்பதற்கான காரணம் என்னவென்றால், தனியார் துறையில் வேலைகள் கவர்ச்சிகரமானவை அல்ல, அதுபோக மேற்கு மாகாணத்திற்கு வெளியே உள்ள பகுதிகளில் உடனடியாக ஒரு வேலையினை அரச துறைக்கு அப்பால் பெற்றுக்கொள்ளுவது கடினம். ஆனால் ஆரச துறையில் தொழிலாளர்களின் பங்களிப்பு அல்லாத ஓய்வூதிய முறை போன்ற சலுகைகளும் உள்ளன, அவை மிகவும் கவர்ச்சிகரமானவை.

உலக வங்கி தொகுத்த தரவுகளின்படி, இலங்கையின் தனியார் துறை ஒப்பந்த மற்றும் முறைசாரா தொழிலாளர்களின் ஒரு பெரிய அங்கத்தைக் கொண்டுள்ளது, இது சமூக பாதுகாப்பு முறைகளுக்கான  அணுகலைக் பெரிதாக கடைப்பிடிப்பதில்லை எனக் குற்றம் சுமத்தப்படுகின்றது, அதாவது காப்பீடு, மகப்பேறு மற்றும் நோய்வாய்ப்பட்ட விடுமுறை மற்றும் ஈபிஎஃப் EPF மற்றும் ஈரிஎஃப் ETF. நிதி கொடுப்பனவுகள் என்பனவற்றை உதாரணங்களாகக் குறிப்பிடலாம். 

இந்த பாதிப்பு உணர்வு அரசாங்கத் துறைகளில் வேலைகளுக்கான தேவையை மேலும் நிலையானதாகக் கருதுகிறது. ஆகவே எமது நாட்டின் தொழிலாளர் சட்டங்கள் வலுவூட்டப்பட்டு இந்த ஏற்றத்தாழ்வை நிவர்த்தி செய்ய வேண்டும் மற்றும் அதில் செய்யப்படும் சீர்திருத்தங்கள் மூலம் தொழிலாளர்களின் உரிமைகளை ஊக்குவிக்கவும் பாதுகாக்கவும் வேண்டும் என்பது தெளிவாகிறது.

இது தனியார் துறைகளிலும் வேலைவாய்ப்பை அதிகரிப்பதற்கான ஒரு நிலையான வழியாகும். கூடுதலாக, இலங்கையின் முறைசார் பணியாளர்களில் பெண்கள் 34% வீதம் மட்டுமே உள்ளனர். முறைசார் தொழிற்படையில் பெண்களின் அளவை அதிகரிக்ப் போராடாமல், இலங்கை அதன் உண்மையான அபிவிருத்தி இலக்கினை எட்டிவிட முடியாது. இதற்கு கொள்கை ரீதியான அணுகுதலும் தேவையாக உள்ளது. 

தொழில்நுட்பம் மற்றும் தற்காலிக வேலைவாய்ப்பை உண்டுபண்ணும் ஒரு பொருளாதாரம் முன்வைக்கும் சவால்கள் எமது நாட்டில் நிச்சயமாக உள்ளது, இருப்பினும் இவை இரண்டும் நாட்டின் வளர்ச்சியை வேகமாக உந்துகின்றன என்பதில் மாற்றுக்கருத்துக்கிடமில்லை. ஆனால் அதே சமயம் ஏற்றத்தாழ்வுகளை உருவாக்குகின்றன மற்றும் தொழிலாளர்களுக்கான அடிப்படை வேலை நிலைமைகளை குறைமதிப்பிற்கு உட்படுத்துகின்றன.

சர்வதேச தொழிலாளர் அமைப்பு ILO (ஐ.எல்.ஓ) சமீபத்திய ‘Future of Work in Sri Lanka’  அறிக்கையில் (இலங்கையில் வேலை எதிர்காலம்) என்ற தலைப்பில், மக்களுக்கு தொழில்நுட்பத்தை மாற்றியமைக்க முயற்சிக்கும்போது இலங்கை பொருளாதாரம் எதிர்கொள்ளும் சவால்களை அது ஆராய்கிறது.

கொள்கை வகுப்பாளர்கள் நாட்டில் வேலை செய்யும் உலகத்தை சிறப்பாக வடிவமைக்க பல உத்திகளைத் தழுவிக்கொள்ள அல்லது கையாளவேண்டும் என்று அந்த அறிக்கை தெழிவாகப் பரிந்துரைக்கிறது. வாழ்நாள் முழுவதும் கற்றல் வாய்ப்புகளை வழங்குவதற்கான கல்வி மற்றும் திறன் மற்றும் புதிய துறைகளில் வாய்ப்புகளைப் பெறுவதற்கான திறன்களை உருவாக்குதல் மற்றும் தொழில் முனைவோர் முயற்சிகளைத் தொடங்குதல் ஆகியவை இதில் அடங்கும். 

தொழிலாளர்களுக்கு தொழில்நுட்பம் மற்றும் புதுமை புனைதல் என்பவை அதிகரித்து தொழில்நுட்பப் பாதைகளை வடிவமைக்க பயன்படுகின்றன, அவை அபாயத்தில் உள்ளவர்களுக்கு சேவை செய்வதற்கும், புதிய துறைகளில் வேலைவாய்ப்பை உருவாக்குவதை துரிதப்படுத்துவதற்கும் பயன்படும். 

மூன்றாவதாக, தொழிலாளர் பாதுகாப்பு தொழிலாளர்களை சிறப்பாகப் பாதுகாக்க புதிய கட்டமைப்பை வழங்கும், ஏனெனில் ஒப்பந்தம் செய்யப்பட்ட, சுயதொழில் செய்பவர்களின் எண்ணிக்கை அதிகரிக்கிறது மற்றும் வேலைவாய்ப்பு உருவாக்கமும் அதிகரிக்கின்றது.

அரசாங்கமும் பிற தனியார் பங்குதாரர்களும் டிஜிட்டல் திறன் திட்டங்களை ஊக்குவிக்க வேண்டும் மற்றும் அடிமட்ட திறன்களையும் வலுப்படுத்த வேண்டும். டிஜிட்டல் பொருளாதாரத்தின் எதிர்காலத்தில், இலங்கை இளைஞர்கள் தொழிலாளர் வகுப்பில் நுழைவதற்கான ஒரு முக்கியமான வாய்ப்பைக் கொண்டுள்ளது.

டிஜிட்டல் திறன் தலையீடுகள் தொழில்நுட்ப திறன்களைத் தாண்டி தொழிலாளர்களை மாற்றியமைக்க பயன்படுத்த வேண்டும், ஆனால் ஒருவர் வளர்த்துக்கொள்ளும் திறமை கல்விக்கு மாற்றாக செயல்பட முடியாது. தெளிவாக அரசாங்கம் அதன் பங்கில் ஒரு பெரிய சவாலினைக் கொண்டுள்ளது. இந்தச்சவால்களில் இருந்து விடுபட அரசு அனைத்து துறைசார் பங்குதாரர்களுடனும் சேர்ந்து இயங்கும் தேவையே இன்று வலியுறுத்தப்படுகின்றது.