ஜனநாயகத்தின் இரண்டு முகங்கள்: அரசியல்வாதியும் மக்களின் தொண்டனும்

செந்தூரன்: செல்வன், நீ ஏன் மக்களின் சார்பில் இவ்வளவு பேசுகிறாய்? அரசாங்கம் மக்களுக்காகவே பணியாற்றுகிறது தெரியாதா?

செல்வன்: அரசாங்கம் மக்களுக்காக பணியாற்றுகிறது என்றால், ஏன் மக்களின் பிரச்சனைகள் இன்னும் தீர்க்கப்படவில்லை? ஏன் மக்களுக்கு இன்னும் வறுமை, பசி, நோய் போன்ற பிரச்சனைகள் உள்ளன?

செந்தூரன்: அரசாங்கம் அதற்காக பல்வேறு திட்டங்களை செயல்படுத்தி வருகிறது. ஆனால், அந்த திட்டங்கள் முழுமையாக செயல்படவில்லை. அதற்கு மக்களும் ஒத்துழைக்க வேண்டும் இல்லையா?

செல்வன்: மக்களும் ஒத்துழைக்க வேண்டும் என்பது உண்மைதான். ஆனால், அரசாங்கமும் மக்களின் பிரச்சனைகளை புரிந்துகொண்டு, அதற்கான தீர்வுகளை கண்டுபிடிக்க வேண்டும்.

செந்தூரன்: அரசாங்கம் மக்களின் பிரச்சனைகளை புரிந்துகொள்கிறது. ஆனால், அதற்கான பணம் இல்லை அது உனக்கும் தெரியும்.

செல்வன்: அரசாங்கத்திற்கு பணம் இல்லை என்றால், ஏன் மக்களிடம் வரி வசூலிக்கிறது? அந்த வரி மக்களின் பிரச்சனைகளை தீர்க்க பயன்படுத்தப்பட வேண்டும்.

செந்தூரன்: அரசாங்கம் மக்களின் பிரச்சனைகளை தீர்க்க அனைத்து முயற்சிகளையும் செய்து வருகிறது. ஆனால், அது உடனடியாக தீர்க்க முடியாது.

செல்வன்: மக்களின் பிரச்சனைகளை உடனடியாக தீர்க்க முடியாவிட்டாலும், அதற்கான முயற்சிகள் தொடர்ந்து நடந்துகொண்டே இருக்க வேண்டும். இல்லாது போனால் எதற்கு இந்த அரசாங்கம்.

செந்தூரன்: அதற்கு அரசாங்கத்திற்கு மக்களின் ஒத்துழைப்பு தேவை இல்லையா.

செல்வன்: மக்களும் அரசாங்கமும் ஒத்துழைத்தால், நிச்சயம் மக்களின் பிரச்சனைகள் தீர்க்கப்படும்.

செந்தூரன்: செல்வன், நீ அரசாங்கத்தின் முயற்சிகளை குறைத்து மதிப்பிடுகிறாய். கல்வி, சுகாதாரம், உள்கட்டமைப்பு என பல துறைகளில் அரசாங்கம் பெரும் முதலீடுகளை செய்து வருகிறது. இதன் மூலம்தான் மக்களின் வாழ்க்கைத் தரம் மேம்பாடு அடையும்.

செல்வன்: முதலீடுகள் அவசியமானவைதான். ஆனால், அந்த முதலீடுகள் எங்கு செலவிடப்படுகின்றன? உண்மையான தேவைகளுக்கு அவை பயன்படுத்தப்படுகின்றனவா? அதிகாரத்தில் உள்ள சிலரின் சுயநலத்திற்காக பயன்படுத்தப்படுகின்றனவா? அவற்றைக் கண்காணிப்பதும் மக்களின் குரலை அரசாங்கத்திற்கு எடுத்துச் செல்வதும் மிக முக்கியம்.

செந்தூரன்: அதற்குதான் ஜனநாயகம் இருக்கிறது. மக்கள் தங்களின் பிரதிநிதிகளை தேர்ந்தெடுத்து, அவர்களின் மூலம் தங்களின் குரலை அரசாங்கத்திற்கு எடுத்துச் செல்ல முடியும். அங்கேதான் மக்கள் பிழைவிடுகின்றனர்.

செல்வன்: ஜனநாயகமும் அவசியமானதுதான். ஆனால், லஞ்சம், ஊழல் போன்ற சமூகத் தீமைகள் ஜனநாயக செயல்முறையை பலவீனப்படுத்துகின்றன. மக்கள் உண்மையான பிரதிநிதிகளை தேர்ந்தெடுப்பதற்கான இடம்கூட இல்லாமல் போய்விடுகிறது.

செந்தூரன்: எந்த முறையும் பரிபூரணமானது அல்ல. ஜனநாயகத்திலும் குறைபாடுகள் இருக்கின்றன. ஆனால், மற்ற எந்த முறையைவிடவும் இதுவே சிறந்தது. அரசாங்கத்தை சீராக்க, அதன் குறைபாடுகளை சுட்டிக்காட்டி, அவற்றை சரிசெய்ய வேண்டும். ஆனால், அரசாங்கத்தையே முற்றிலும் மறுத்து ஒதுக்கிவிட்டு எதிர்ப்பது தீர்வு அல்ல.

செல்வன்: நானும் அரசாங்கத்தை முற்றிலும் மறுத்து ஒதுக்கிவிடவில்லை. ஆனால், அது மக்களுக்காகவே பணியாற்றுகிறதா என்பதை தொடர்ந்து கண்காணிப்பதும், அதன் குறைபாடுகளை சுட்டிக்காட்டுவதும், மக்களின் எதிர்ப்புக் குரல் எழுப்புவதும் அவசியம். இல்லையெனில், அரசாங்கம் தன் எல்லை மீறி, மக்களின் உரிமைகளை மீறத்துவிடும்