இந்த நா.ம.உறுப்பினர் சமிந்த விஜேசிறிக்கு மூன்று பிள்ளைகள் உள்ளனர். அவர்களில் இருவர் பாலர் வயதுடையவர்கள். எம்.பி., இரண்டு குழந்தைகளையும் பாடசாலைக்கு வழமையாக அழைத்துச் செல்வதுண்டு. அங்கு அவர் சந்திக்கும் நபர்கள் சொல்வதைக் கேட்டு அவர் மிகவும் அதிர்ச்சியடைந்தார். 'நான் சமூகத்தில் பலரை சந்திக்கிறேன். அவர்கள் அரசியல்வாதிகளைப் பற்றி பேசுவதை நான் வெட்கத்தோடு கேட்கிறேன். அவர்கள் பார்லிமென்டில் உள்ள 225 எம்.பி.,க்கள் மீதும் கடும் வெறுப்பு ஏற்பட்டுள்ளது.
இன்று எமது நாட்டின் மக்கள் பிரதிநிதிகள் மீது மக்கள் பெரும் ஏமாற்றமடைந்துள்ளனர். தமக்கென ஆயிரம் நம்பிக்கையுடன் பாராளுமன்றத்திற்குள அனுப்பி அங்கு; பதுங்கியிருக்கும் மக்கள் பிரதிநிதிகளை அடுத்த கணமே மக்கள் மறந்து விடுகிறார்கள்.
நம் நாட்டு மக்கள் இந்தப் பாடத்தை பல தடவைகள் அனுபவித்திருக்கிறார்கள். தேர்தலின் போது மக்களை அழகிய உலகிற்கு அழைத்துச் செல்லும் மக்கள் பிரதிநிதிகள் அடுத்த நொடியில் எமது நாட்டு மக்களுக்கு நரகத்தையே ஏற்படுத்திவிடுகின்றனர்.
75 ஆண்டுகளுக்கும் மேலாக பல்வேறு நிறங்கள், பல்வேறு கட்சிகள், பல்வேறு கூட்டணிகளால் ஆளப்பட்ட நம் நாடு இன்று பிச்சைக்கார நாடாக மாறிவிட்டது.
நாங்கள் பாடசாலைகளில் படிக்கும் போது, நம் நாடு அபிவிருத்தியடைந்து வரும் நாடு என்பதை அறிந்து கொண்டோம். பின்னர் அந்த நாட்டை நடுத்தர வருமானம் கொண்ட நாடு என்று அழைத்தோம். ஆனால் இன்று நம் நாடு வங்குரோத்தான பிச்சைக்கார நாடாக மாறிவிட்டது, ஏனென்றால் அது முழு உலகத்திலும்; இருந்து கடன்பட்டிருக்கிறது.
வெளிநாடுகளில் வாங்கிய கடனின் தவணை கட்ட முடியாத அளவுக்கு நம் நாடு வங்குரோத்தானது. அதனால்தான் கடந்த காலங்களில் மின்சாரம் இல்லாமல் இருளில் தவிக்க வேண்டியிருந்தது. வயல்களுக்கு உரம் இல்லாமல் விவசாயிகள் சட்டியில்; இருந்து அடுப்புக்கு விழுந்தனர்.
எரிவாயு மற்றும் எரிபொருள் வரிசையில் மக்கள் இறக்க வேண்டியிருந்தது. வரிசையில் நின்று இறக்கும் நாடாக நம் நாடு மாறிவிட்டது. இந்த முறையை மாற்றக் கோரி அன்றைய தினம் நாடு முழுவதும் இளைஞர்கள் உட்பட அனைவரும் எழுந்து நின்று போராட்டம் நடத்தினர்.
ஆனால் இன்று எரிவாயு உள்ளது. மின்சாரம் உள்ளது. உரங்களும் கிடைக்கும். ஆனால் மக்களின் கைகளில் பணம் இல்லை. உயர்த்தப்பட்ட மின்சார மற்றும் தண்ணீர் கட்டணம் செலுத்தும் போது, மக்களுக்கு சாப்பிட குறுனல் அரிசியும் மிச்சமாகாது.
இன்று மக்கள் சந்தைக்கு போகும் போது அங்கு ஆசைப்பட்டதனை வாங்க எதுவும் இல்லை. பொருட்களின் விலை தாறுமாறாக உயர்ந்துள்ளது. ஒரு நாடு இவ்வாறான நிலையில் இருக்கும்போது, மக்கள் பிரதிநிதிகளை சபிப்பதைத் தவிர மக்களுக்கு வேறொன்றும் இல்லை.
பொருட்களின் விலையாலும், வரிகளாலும் சலித்துப் போயிருந்த மக்களின் மனசாட்சியை நன்கு வாசித்து எம்.பி பதவியை இராஜினாமா செய்ய திரு.சமிந்த விஜேசிறி அவர்களை நினைத்து நாங்கள் மகிழ்ச்சியடைகிறோம். இது மற்ற மக்கள் பிரதிநிதிகள் தீவிரமாக புரிந்து கொள்ள வேண்டிய விஷயம். மக்களைப் பற்றி சிந்திக்காமல் தங்கள் தலைமுறையை வளர்த்தெடுத்த மக்கள் பிரதிநிதிகள் எதிர்காலத்தில் மக்கள் நீதிமன்றத்தின் முன் உரிய முறையில் தண்டிக்கப்படவேண்டும்.
நமது நாட்டின் அரசியல் வரலாற்றை எடுத்துக் கொண்டால், ஆரம்ப காலத்தில் உண்மையான மனிதர்கள் மக்கள் பிரதிநிதிகளாகத் தேர்ந்தெடுக்கப்பட்டனர். அவர் தனது உறவினர்களின் குடும்பங்களையோ அல்லது சந்ததியினரையோ ஆதரிக்க வேண்டிய அவசியமிருக்கவில்லை. மக்களுக்கு சேவை செய்வதே அவர்களின் ஒரே நோக்கமாக இருந்தது. இன்று நம் நாட்டிற்கு இப்படிப்பட்ட ஜென்டில்மேன் அரசியலில் ஈடுபடக்கூடியவர்கள் தேவையாக உள்ளது.
இங்கு நம் நாட்டு மக்களுக்கும் அல்லது குடிமக்களுக்கும் ஒரு பொறுப்பு இருக்கிறது என்பதை நாம் புரிந்து கொள்ள வேண்டும். மக்கள் தாம் பெற்ற சிறு சலுகைக்காகவோ அல்லது பெற்றுக் கொள்வதாக எண்ணியோ வாக்களிக்கும் உரிமையைக் கூட விட்டுக்கொடுக்காமல் கவனமாக இருக்க வேண்டும்.
நாட்டை உண்மையாக நேசிக்கும் கமிஷன் துரோகிகளாக இல்லாதவர்களை, மக்களை முன்னேற்றவேண்டும் என்ற கருத்து நிறைந்தவர்களை, கட்சி, இனம், நிறம் பாராமல் மக்கள் பிரதிநிதிகளாக ஆக்குவதும் மக்களின் பொறுப்பு.
தேர்தலின் போது அளிக்கப்படும் வாக்குறுதிகளை நம்பி ஏமாறாமல் வீழ்ந்த நாட்டை முன்னேற்றக்கூடிய நேர்மையான அரசியல்வாதிகளால் நமது பாராளுமன்றம் நிரம்ப வேண்டும். நாட்டின் மீது பழி சுமத்தும் நாடாளுமன்ற பிரதிநிதிகளை அல்ல, நாட்டுக்காக அர்ப்பணிப்புடன் நாட்டு மக்களால் போற்றப்படும் உண்மையான மக்கள் பிரதிநிதிகளை அனைத்து கட்சிகளும் பாராளுமன்றத்திற்கு அனுப்ப வேண்டும். பாராளுமன்ற உறுப்பினர் பதவியை இராஜினாமா செய்த திரு.சமிந்த விஜேசிறியிடம் இருந்து கற்றுக் கொள்ளக்கூடிய பாடம் இதுதான் என நம்புகிறேன்;.
0 comments:
Post a Comment