பொருளாதாரத்தில் அதள பாதாளத்தில் இலங்கை!

இன்று உலகம் 5வது தொழில் புரட்சியின் விளிம்பில் இருப்பதாக பொருளாதார நிபுணர்கள் கூறுகின்றனர். கோவிட் தொற்றுநோய் உலகை ஆக்கிரமித்த பின்னர் தொழில்துறை புரட்சியின் 4 வது கட்டம் வந்தது மற்றும் ஆசியா மற்றும் ஐரோப்பாவின் மாநிலங்கள் அந்த கட்டத்தை வெற்றிகரமாக முடித்தன. ஏப்ரல் 2022 இல், இலங்கை வங்குரோத்தானதாக அல்லது திவாலானதாக அறிவிக்கப்பட்டபோது, உள்நாட்டு மற்றும் வெளிநாட்டு கடன்களை செலுத்துவதை நிறுத்தியும், தொழில்துறை புரட்சியின் 4 வது கட்டத்தை இலங்கை எதிர்கொள்ள முடியவில்லை.

தொழில் புரட்சியின் 4 வது கட்டத்தை ஜெர்மனியின் முன்னாள் அதிபர் ஏஞ்சலா மார்க்வெஸ் அறிவித்தார். ஜேர்மனியின் தொழில்துறை வளர்ச்சி தேக்கமடைந்த நிலையில், ஏஞ்சலா தொழில்துறை பல்வகைப்படுத்தல் மற்றும் தொழில்துறை நவீனமயமாக்கலை அறிமுகப்படுத்தினார். கோவிட் தொற்றுநோயால் அழிக்கப்பட்ட பொருளாதாரத்தை மீண்டும் கட்டியெழுப்ப ஏஞ்சலா மார்க்வெஸின் அடிச்சுவடுகளை உலகம் பின்பற்றியது.

இலங்கையின் ஆடைத் துறையில் ஏற்றுமதி தொழில்கள் மூடப்பட்டு வருவதாகவும் முதலீட்டாளர்கள் நாட்டை விட்டு வெளியேறுவதாகவும் அண்மைய நாட்களில் பல செய்திகள் பரப்பப்பட்டு வருகின்றன. இந்தச் செய்தியில் உண்மை இல்லை என்று சந்தைப்படுத்தல் துறையைச் சேர்ந்த தொழிலதிபர்களும் முதலீட்டுச் சபையும் கூறுகின்றனர். ஆடைத் துறையில் வலுவான நிறுவனம் நாட்டை விட்டு வெளியேறியது உண்மைதான்.

அதனால், ஆடை ஏற்றுமதி துறை 20 வீதம் குறைந்துள்ளது உண்மைதான். அந்த நிலைமை பொதுவாக ஐரோப்பா, அமெரிக்கா மற்றும் ஆசியாவை பாதிக்கிறது. நமது ஏற்றுமதியினை வாங்குபவர்கள் பொருளாதார பணவீக்கத்தை எதிர்கொண்டதால் அவர்களது தேவை குறைந்தது, அதனால் ஆடைத் தொழிற்துறை பாதிக்கப்பட்டது. குறிப்பாக உக்ரைனில் நடந்த போரினால் எரிசக்தி பொருட்களின் உற்பத்தி சரிந்ததால், ஆடைத் துறையில் ஐரோப்பாவின் தேவை 20 வீதம் குறைந்துள்ளது. வெளிநாட்டு முதலீட்டாளர்கள் இந்த நிலையை எதிர்கொள்ள வேண்டியிருந்தது இதனால் தொழிற்சாலை இடத்தை மாற்றுதல், வேலை நேரத்தைக் குறைத்தல் போன்றவற்றின் மூலம் அதைச் சமாளிப்பதுதான் அவர்கள் பின்பற்றிய உத்தி.

ஆடைத் துறையில், இலங்கை மற்ற நாடுகளை விட மிகவும் முன்னோக்கி உள்ளது. இலங்கையின் உற்பத்தித் தரம் மிகவும் உயர்ந்ததாக வெளிநாட்டு முதலீட்டாளர்கள் தெரிவிக்கின்றனர். 2022 ஆம் ஆண்டில் ஆடைத் துறை வருவாய் 6 பில்லியன் ஆகும், இது இதுவரை 20 வீதம் குறைந்துள்ளது. இந்த நிலைமை ஒட்டுமொத்த ஆடைத் துறையையும் பாதித்துள்ளது என்றே கூறவேண்டும்.

இலங்கையில் எத்தனை வளங்கள் இருந்தாலும், கடந்த நூற்றாண்டில், தேயிலையைத் தவிர வேறு எந்த வர்த்தக நாமத்தையும் உலகுக்கு அறிமுகப்படுத்த இலங்கை தவறிவிட்டது. கராம்பு வாசனைக்காக ஐரோப்பிய நாடுகள் இலங்கை மீது படையெடுத்ததாக ஒரு கதை உண்டு. பார்ப்பது நம்புவதற்கு சமம். நமது மசாலாப் பொருட்கள் உலகில் மிகவும் விலைமதிப்பற்றவை என்பதில் சந்தேகமில்லை. ஆனால் நமது ஆட்சியாளர்கள் குறைந்த பட்சம் உள்ளூர் விளை பொருளுக்கு உலக அங்கீகாரம் பெற்ற விராண்டை உருவாக்கத் தவறிவிட்டனர்.

சீரகம் உள்ளிட்ட மசாலாப் பொருட்களை ஏற்றுமதி செய்வதைத் தவிர உப தயாரிப்புகளின் பக்கம் இன்னும் எங்களால் திரும்ப முடியவில்லை. இதன் விளைவாக நமது மூலப்பொருட்களின் அதிகபட்ச லாபம் மற்ற நாடுகளின் கைகளில் உள்ளது. உள்ளூர் மூலப்பொருட்களை அடிப்படையாக கொண்டு துணைப் பொருட்களை உற்பத்தி செய்யும் கொள்கை கட்டமைப்பை உருவாக்க இதுவரை ஆட்சியில் இருக்கும் எந்த அரசும் பெரிதாக நடவடிக்கை எடுக்கவில்லை.

அரசாங்கம் மக்கள் மீது திணித்துள்ள புதிய வரி முறையின் கீழ் குடிமக்கள் தூங்கிக் கொண்டிருக்கும் போது வங்கி வட்டி 12 வீதம் அதிகரித்துள்ளது. அதன்படி, ஒரு நடுத்தர அளவிலான தொழில்முனைவோர் 100 மில்லியன் கடன் பெற்றிருந்தால், அவர் 22வீத வட்டி செலுத்த வேண்டும். இதன் விளைவாக சிறுதொழில் முனைவோர் தொழிலில் இருந்து இடம்பெயர்ந்துள்ளனர். இந்த அவலத்தின் தீவிரத்தை அரசு புரிந்து கொள்ளவில்லை. சர்வதேச நாணய நிதியத்தின் மீது பழியை சுமத்தி, அவர்களின் தீர்மானத்தை ஆணவத்துடன் கடைப்பிடிப்பதன் மூலம், நாடு மேலும் அதல பாதாளத்தில் விழுகிறது.