தும்பங்கேணியின் இளைஞர் விவசாய திட்டத்தை மீட்டேடுப்போம்!

தும்பங்கேணி என்பது மட்டக்களப்பு மாவட்டத்தின் தெற்கே போரதீவுப்பற்று பிரதேச செயலகத்துக்குட்பட்ட ஒரு விவசாய குடியேற்றக்கிராமமாகும். விவசாயத்துக்குகந்த மண்வளம் கொண்ட இந்த நிலப்பிரதேசத்தில் ஏற்றுமதி விவசாயம் செய்யவென் இத்திட்டம் கொண்டுவரப்பட்டது. இங்கு கொச்சிக்காய் (மிளகாய்) செய்கை பண்ணப்பட்டதனால் கொச்சிப்பாம் எனவும் அழைக்கப்பட்டு மக்களிடையே பிரபல்யமானது.  இது இளைஞர் விவசாயத் திட்ட ம் எனவும் அழைக்கப்பட்டது. மட்டக்களப்பு மாவட்டத்தில் உள்ள தும்பன்கேணி பகுதியில் செயல்படுத்தப்பட்டு வந்த இளைஞர் விவசாயத் திட்டத்தை மீண்டும் தொடங்குவதன் அவசியத்தை வலியுறுத்தி இந்த கட்டுரை உங்கள் கவனத்திற்கு கொண்டு வரப்படுகிறது. 1990-களில் ஏற்பட்ட போர் நிலைமைக்குப் பிறகு ஏற்பட்ட நீர் தட்டுப்பாடு காரணமாக தொடர்ந்து வரும் சவால்களை மனதில் கொண்டு, உள்ளூர் சமூகத்தின் வாழ்வாதாரத்தை மேம்படுத்த இந்த திட்டம் வளத்தினைக் கொண்டுள்ளது.

இஞ்சியின் விலை 5000! நாமும் விளைவிக்கலாம்!

இன்று நாம் பொருளியல், வர்தகம் மற்றும் விவசாயத்தில் எல்லாம் விசேட பட்டம் பெற்றவர்களை நூற்றுக்கணக்கில் உருவாக்குகின்றோம். இதனால் விவசாயம் செழித்து அவர்களின் வியாபாரம் வளர்ந்து மக்களின் பொருளாதாரம் உயர்கின்றதா? இல்லை. ஆனால் இன்னும் எமது மக்கள் எதிர்கால தேவையை அறியாதவர்களாகவும் அதற்கு ஏற்ப தமது உற்பத்திகளை நிரம்பல் செய்யாதவர்களாகவும் இருக்கின்றனர். இதனால் தொடர் இழப்புக்கள், நஷ்டம் காரணமாக விவசாயிகள் திறனற்ற தொழிலாளியாக கூலியாளாய் குவைற், கட்டார், சவுதி என தொழிலை மாற்றி தொலைந்துபோகின்றனர். மட்டக்களப்பின் அடையாளமே விவசாயம் அதனை தொலைத்துக்கொண்டிருக்கின்றோம். இதற்கு யார் யார் காரணம்?

இலங்கை சுற்றுலா துறையின் வளர்ச்சியைத் தக்கவைத்துக்கொள்வது எவ்வாறு?

அறிமுகம்

இலங்கை சுற்றுலா துறை சமீபத்திய ஆண்டுகளில் குறிப்பிடத்தக்க வளர்ச்சியைக் கண்டுள்ளது. இந்த வளர்ச்சியை தொடர்ந்து முன்னெடுக்கவும், மேலும் மேம்படுத்தவும் நமது நாடு பல்வேறு கொள்கைகளை உருவாக்க வேண்டியுள்ளது. இந்தக் கட்டுரையில், 2024 பிப்ரவரி மாதத்திற்கான மாதாந்திர சுற்றுலா வருகை அறிக்கையிலிருந்து பெறப்பட்ட தரவுகளின் அடிப்படையில், இலங்கை தனது சுற்றுலா துறையின் வளர்ச்சியைத் தொடர்ந்து மேம்படுத்த எவ்வாறு முயற்சிக்க வேண்டும் என்பதை ஆராய்ந்துள்ளோம்.

சுற்றுலா வருகையின் தற்போதைய நிலை

மாதாந்திர சுற்றுலா வருகைகள்

2024 பிப்ரவரி மாதத்தில், இலங்கை 2023 பிப்ரவரி மாதத்தை ஒப்பிடும்போது 102.09% அதிகரிப்புடன் 218,350 சுற்றுலாப் பயணிகளை வரவேற்றது. இது சுற்றுலா துறையின் மீட்பு மற்றும் வளர்ச்சியின் நேர்மறையான குறிக்கோளாகும்.

பாலர் பாடசாலைக் குழந்தைக்கு மொபைல்போணா?

ஒரு மொபைல் போன் அல்லது கணினி ஒரு குழந்தையின் சிறந்த நண்பராக மாறக்கூடாது. பாலர் பாடசாலை மாணவி ஒருவர் தனது கையடக்கத் தொலைபேசியை சார்ஜ் செய்யச் சென்ற போது மின்சாரம் தாக்கி உயிரிழந்துள்ளதாக மகொன பிரதேசத்தில் இருந்து ஒரு செய்தி தெரிவிக்கப்பட்டுள்ளது. இது வருத்தமான செய்தி. ஐந்து வயது பாலர் சிறுமி அகால மரணமடைந்தார். இந்த பெண்ணுக்கு மொபைல் போனை கொடுத்தது யார்? 

இப்போது குழந்தைகளுக்கு பொழுதுபோக்கிற்கு மொபைல் போன் கொடுக்கும் சமுதாயம் உருவாகியுள்ளது. குழந்தைகளின் சிக்கலில் இருந்து தங்களைக் காப்பாற்றிக் கொள்ள அல்லது தங்கள் சொந்த வேலையை இழப்பதற்காக பெற்றோர்கள் மற்றும் பெரியவர்கள் சிறிய குழந்தைகளுக்கு மொபைல் போன்களை வழங்குகிறார்கள். இது காலப்போக்கில் கடுமையான எதிர்மறையான விளைவுகளை ஏற்படுத்தக்கூடிய ஒரு பழக்கம். 

பின்தங்கிய மக்களின் உரிமைகளை காக்க நாம் உறுதி ஏற்போம்.

 அன்புக்குரிய மக்களே!

நம் சமூகத்தில் பின்தங்கிய நிலையில் இருக்கும் சகோதர சகோதரிகளின் உரிமைகளை காப்பது நமது தலையாய கடமை. அவர்கள் நீண்ட காலமாக அனுபவித்து வரும் பாகுபாடுகளையும், அநீதிகளையும் களைவது நமது பொறுப்பு.

சமூகத்தின் விளிம்பில் தள்ளப்பட்டிருக்கும் ஒவ்வொருவரின் குரலுக்கும் நாம் செவி கொடுக்க வேண்டும். அவர்களின் அடிப்படைத் தேவைகள் பூர்த்தி செய்யப்படுவதை உறுதி செய்ய வேண்டும். கல்வி, வேலைவாய்ப்பு, சுகாதாரம் போன்ற அனைத்து உரிமைகளும் அவர்களுக்கு சமமாக கிடைக்க வழிவகை செய்ய வேண்டும்.

வறுமை இல்லாத, செழிப்பான மாவட்டத்தினை உருவாக்குவோம்.

 அன்புக்குரிய மக்களே!

நம் மாவட்டம் வளங்கள் நிறைந்த பூமி. திறமையான உழைப்பாளிகள் நிறைந்த மண். இருந்தும், வறுமை இன்னும் நம்மை விட்டு முழுமையாக அகலவில்லை என்பது வருத்தமளிக்கிறது. ஆனால், நாம் அனைவரும் ஒன்றிணைந்தால், வறுமை இல்லாத, செழிப்பான ஒரு மாவட்டத்தை உருவாக்குவது நிச்சயம் சாத்தியமாகும்.

நம் இளைஞர்களின் எதிர்காலத்தை உறுதி செய்ய நாம் அனைவரும் ஒன்றிணைவோம்.

 அன்புக்குரிய தாய்மார்களே, தந்தையர்களே, மற்றும் என் இளம் நண்பர்களே!

இன்று நாம் இங்கே கூடியிருப்பது நம் இளைஞர்களின் எதிர்காலத்தைப் பற்றி சிந்திக்கவும், அதை உறுதிப்படுத்த ஒருமித்த குரல் கொடுக்கவும்தான். நம் இளைஞர்கள் வெறும் எண்ணிக்கைகள் அல்ல; அவர்கள் நம் தேசத்தின் சொத்துக்கள், நாளைய தலைவர்கள், புதிய கண்டுபிடிப்புகளின் முன்னோடிகள்.

ஆனால், அவர்களின் எதிர்காலம் இன்று பல்வேறு சவால்களை எதிர்நோக்கியுள்ளது. தரமான கல்வி கிடைப்பதில் உள்ள சிரமங்கள், போதுமான வேலைவாய்ப்புகள் இல்லாமை, சரியான வழிகாட்டுதல் இல்லாதது எனப் பல தடைகள் அவர்கள் முன்னேற்றப் பாதையில் குறுக்கிடுகின்றன.

உழைக்கும் மக்களின் உரிமை தின ஞாபகப்படுத்தல் - 2024

என் அன்பு உழைக்கும் தோழர்களே!

உடலினை இயந்திரமாக்கி, உழைப்பினை உரமாக்கி, உலகத்தை இயங்க வைக்கும் தொழிலாளப் பெருமக்கள் அனைவருக்கும் எனது இதயங்கனிந்த மே தின நல்வாழ்த்துகளை மகிழ்ச்சியோடு தெரிவித்துக்கொள்கிறேன். தொழிலாளர்கள் வருடத்தில் ஒருநாள் மட்டுமே நினைத்துப் போற்றப்பட வேண்டியவர்கள் அல்ல. வருடம் முழுவதும் நினைத்துப் பாராட்டப்பட வேண்டியவர்கள். உரிமைகள் மறுக்கப்பட்டு அடிமைப்படுத்தப்பட்ட உழைக்கும் வர்க்கம் தங்களின் உரிமைக்காகவும், நலனிற்காகவும் பல நூற்றாண்டுகளாகப் போராடி அடிமை விலங்கினை உடைத்தெறிந்து தங்கள் உரிமைகளை மீட்டெடுத்த திருநாள் மே தின நாளாகும்.

உலகினில் கௌரவமிக்க தலைவர்களுக்கு சிலைகளும் அவர்களுக்கென சிறப்பான நாள்களும் கொண்டாடப்படுகின்ற போதும் நாட்டின் முதுகெலும்பாக காணப்படக்கூடிய தொழிலாளர்களை வலுவூட்டும் வகையிலும் அவர்களுக்கான அங்கீகாரத்தை வழங்கும் பொருட்டிலுமே இந்த தொழிலாளர் தினம் ஒவ்வொரு வருடமும் மே முதலாம் திகதி கொண்டாடப்படுகின்றது.