நேற்றைய நிலவரப்படி சந்தையில் ஒரு கிலோ பெரிய வெங்காயத்தின் விலை எழுநூறு ரூபாயைத் தாண்டியது. சந்தையில் நிலவும் பெரிய வெங்காயத் தட்டுப்பாட்டைத் தீர்க்க நடவடிக்கை எடுக்காவிட்டால் அடுத்த சில வாரங்களில் ஒரு கிலோ பெரிய வெங்காயத்தின் விலை ஆயிரம் ரூபாவாக அதிகரிக்கலாம் என வியாபாரிகள் தெரிவிக்கின்றனர்.
ஒரு குறிப்பிட்ட பொருளின் சந்தையில் தட்டுப்பாடு இருந்தால், அதை முன்கூட்டியே கணித்து, அது தொடர்பான பற்றாக்குறையை பொதுவாக தீர்க்க வேண்டும். பெரிய வெங்காய விவகாரத்தை பார்க்கும் போது சம்பந்தப்பட்ட அதிகாரிகள் அதற்கான நடவடிக்கைகளை எடுக்கவில்லை என்றே தோன்றுகிறது.
எமது வடகிழக்கினைப் பொறுத்தமட்டில் ஒட்டுமொத்த நாட்டுக்கே வெங்காயத்தினை வளங்கல்செய்த பிரதேசம் என்பதனை பலர் மறந்து விட்டனர். எனக்கு ஞாபகம் இருக்கின்றது எனது அப்பா முதல் முதல் 1985 ஆம் ஆண்டு வெங்காயப் பயிரி;டடதில் சுமார் 1500 கிலோ விளைச்சல் கிடைத்தது. அதுபோல எமது மட்டக்களப்பின் ம.தெ.பற்று பிரதேசத்தில் அது அதிகம் பயிரிடப்பட்டது. அது கல்முனை சந்தையூடாக நாட்டின் அனைத்துப் பாகத்துக்கும் சென்றது. இன்று என்ன நடந்துள்ளது? ஏன் இந்த பி.தே செயலாளர் ஒரு விவசாய பட்டதாரி, இந்த மாவட்டத்தின் அமைச்சர் ஒருவர் வர்தக அமைச்சர் இருந்தும் ஒன்றும் சாதிக்கமுடியாமையை நினைத்து கவலையடைகின்றேன்.
இன்னுமொரு மொடல் இருந்தது, எனது ஊரில்தான் அது முதலில் அறிமுகமானது, அதாவது வவுனியாவில் இருந்து வெங்காய விதைகளை SPM மற்றும் ஸ்ரீராகவன் கெமிக்கல்ஸ் ஆகிய முதலாளிகள் பெற்று சிறந்த விவசாயிகளுக்கு நீர் இறைக்கும் பம், மற்றும் அது சார்ந்த அறிவுரைகள், செய்முறை என்பனவற்றை ஏற்பாடு செய்து உரம், கிருமிநாசினிகளையும் அவர்களுக்கு கொடுத்துதவி அதன் விளைச்சலை அவர்களே சந்தைப்படுத்தி நியாயமான வருமானத்தினையும், உற்பத்தியினையும் இந்த நாட்டிற்கு செய்துதவினர். அப்போது அதிகப்படியான வெங்காயச் செய்கை தேத்தாத்தீவு களுதாவளை மற்றும் மாங்காடு போன்ற ஊர்களில் செய்கை பண்ணப்பட்டது ஒரு எடுத்துக்காட்டு. அது இன்று இல்லாமல் போயுள்ளது.
அவ்வாறு செய்கை பண்ண விவசாய சங்கங்களை ஏன் அணுகக்கூடாது, அவர்களை ஏன் மீண்டும் ஊக்குவிக்கக்கூடாது? இதனை அது சார்ந்த அதிகாரிகள் அல்லது அந்தந்தப் பிரதேசத் தலைவர்கள்தான் இவற்றுக்கு பொறுப்புக்கூற வேண்டும்
நான் அமைச்சராக இருந்திருந்தால் இந்த இடைவெளி இல்லாமல் செய்திருப்பேன் இங்கிருந்தே இந்த இக்கட்டான காலத்தில் இந்த நாட்டிற்கு அதனை விநியோகிக்கச் செய்திருப்பேன். வெங்காயத்தினை களஞ்சியப்படுத்தும் புதிய ஆய்வு மாநாடுகளை செய்து அதன் மூலம் அதற்கான தீர்வினையும், பெற்றுக்கொடுப்பேன். கூட்டுறவுக்கடைகளினூடாக இடைத்தரகர்கள் தொல்லை இல்லாமல் செய்ய நடமாடும் விற்பனை சேவைகளை ஆரம்பிப்பேன். பண்டிகைக்காலம் வரும்போது அமைச்சின் நிதி மூலம் தேவையான அளவு வெங்காயத்தினை முற்கூட்டியே கொள்வனவு செய்து வைத்துக்கொள்ளுவேன். இறக்குமதி வரித்தளர்வினை இக்காலங்களில் கொண்டுவர அமைச்சரவை பத்திரத்தினை சமர்பித்து அதனை நிறைவேற்றுவேன். இன்னும் பல விடயங்களூடாக இதனை மிக இலகுவாக கையாள முடியும்.
இவற்றுக்கும் மேலாக;
சந்தைக் கண்காணிப்பு மற்றும் ஒழுங்குமுறை: வெங்காயம் மற்றும் பிற உணவுப் பொருட்கள் உட்பட அத்தியாவசியப் பொருட்களின் விலைகளை உன்னிப்பாகக் கண்காணிக்கும் அமைப்புகளைச் செயல்படுத்துவேன்;. விலை போக்குகளைக் கண்காணிப்பதற்கும் விதிமுறைகளுக்கு இணங்குவதை உறுதி செய்வதற்கும் தொடர்புடைய ஏஜென்சிகளுடன் இணைந்து பணியாற்றுவதும் இதில் அடங்கும்.
விலைக் கட்டுப்பாடுகள்: அதிகப்படியான விலைவாசி உயர்வைத் தடுக்க அத்தியாவசியப் பொருட்களின் மீது தற்காலிக விலைக் கட்டுப்பாட்டை அமுல்படுத்துவது குறித்து பரிசீலிக்க வேண்டும். சுரண்டலில் இருந்து நுகர்வோரைப் பாதுகாக்க வெங்காயம் போன்ற பொருட்களுக்கு அதிகபட்ச விலை வரம்புகளை நிர்ணயிப்பது இதில் அடங்கும்.
மானியங்கள் மற்றும் உதவி: நுகர்வோர் மற்றும் உற்பத்தியாளர்கள் இருவருக்கும் மானியங்கள் அல்லது நிதி உதவி வழங்குவதற்கான வழிவகைகளை ஆராய்வேன். உற்பத்தியாளர்கள் தங்கள் பொருட்களுக்கு நியாயமான இழப்பீடு பெறுவதை உறுதி செய்யும் அதே வேளையில் நுகர்வோருக்கு விலைகளை நிலையானதாக வைத்திருக்க மானியங்கள் முலம் உதவ வழி செய்வேன்;.
இறக்குமதிக் கொள்கைகள்: வெங்காயம் போன்ற அத்தியாவசியப் பொருட்களுக்கான இறக்குமதிக் கொள்கைகளை மதிப்பீடு செய்து உள்நாட்டுச் சந்தையில் போதுமான விநியோகத்தை உறுதிப்படுத்தவும். இது போட்டி விலையில் பொருட்களை நுழைவதை எளிதாக்குவதற்கு கட்டணங்களைக் குறைப்பது அல்லது இறக்குமதி நடைமுறைகளை ஒழுங்குபடுத்துவது ஆகியவற்றை செயற்படுத்துவேன்;.
உள்நாட்டு உற்பத்தியை ஊக்குவித்தல்: இறக்குமதியை நம்பியிருப்பதைக் குறைக்கவும், விலையை நிலைப்படுத்தவும் அத்தியாவசியப் பொருட்களின் உள்நாட்டு உற்பத்தியை ஊக்குவித்தல் மற்றும் அபிவிருத்தி செய்ய வழிசெய்வேன். வெங்காயம் போன்ற பயிர்களை பயிரிட விவசாயிகளுக்கு ஊக்கத்தொகை வழங்குவது மற்றும் விவசாய உள்கட்டமைப்பில் முதலீடு செய்வது ஆகியவை இதில் அடங்கும்.
நுகர்வோர் கல்வி: விலைவாசி உயர்வைச் சமாளிப்பதற்கான உரிமைகள் மற்றும் விருப்பங்களைப் பற்றி நுகர்வோருக்குக் கற்பிக்க பொது விழிப்புணர்வு பிரச்சாரங்களைத் தொடங்குவேன். பட்ஜெட், சாமர்த்தியமாக ஷொப்பிங் மற்றும் விலையை அறிதல் திட்டங்களை அணுகுவதற்கான உதவிக்குறிப்புகள் இதில் அடங்கும்.
பங்குதாரர்களுடன் உரையாடல்: விவசாயிகள், விநியோகஸ்தர்கள், சில்லறை விற்பனையாளர்கள் மற்றும் நுகர்வோர் குழுக்கள் உட்பட விநியோகச் சங்கிலி முழுவதும் பங்குதாரர்களுடன் உரையாடலில் ஈடுபடுவேன். சம்பந்தப்பட்ட அனைத்து தரப்பினரின் கவலைகள் மற்றும் முன்னோக்குகளைப் புரிந்துகொள்வதன் மூலம், நீங்கள் மிகவும் பயனுள்ள தீர்வுகளை உருவாக்கலாம்.
நீண்ட கால கொள்கை திட்டமிடல்: விநியோகச் சங்கிலி திறமையின்மை, சந்தை ஏகபோகங்கள் மற்றும் காலநிலை தொடர்பான சவால்கள் போன்ற விலை ஏற்ற இறக்கத்திற்கு பங்களிக்கும் அடிப்படை காரணிகளை நிவர்த்தி செய்யும் நோக்கில் நீண்ட கால கொள்கைகளை உருவாக்குவேன். இது விவசாய நடைமுறைகள், உள்கட்டமைப்பு மேம்பாடு மற்றும் வர்த்தக கொள்கைகளில் சீர்திருத்தங்களை உள்ளடக்கியிருக்கலாம்.
வெளிப்படைத்தன்மை மற்றும் பொறுப்புக்கூறல்: விலையிடல் வழிமுறைகளில் வெளிப்படைத்தன்மையை உறுதிசெய்து, விலையேற்றம் அல்லது பிற நியாயமற்ற நடைமுறைகளில் ஈடுபடுபவர்களுக்கு பொறுப்புக்கூற வைப்பேன்;. இப்பிரச்சினையைத் தீர்ப்பதற்கான அரசாங்கத்தின் முயற்சிகளில் நம்பிக்கையை வளர்க்க இது உதவும்.
சர்வதேச கூட்டாளர்களுடனான ஒத்துழைப்பு: சந்தை ஊகங்கள் மற்றும் புவிசார் அரசியல் பதட்டங்கள் போன்ற விலைகளை பாதிக்கும் உலகளாவிய காரணிகளுக்கு தீர்வு காண சர்வதேச நிறுவனங்கள் மற்றும் வர்த்தக கூட்டாளர்களுடன் ஒத்துழைப்பதற்கான வாய்ப்புகளை ஆராய்;வேன்.
நீண்ட கால கொள்கை திட்டமிடலுடன் குறுகிய கால தலையீடுகளை இணைக்கும் ஒரு விரிவான மூலோபாயத்தை நடைமுறைப்படுத்துவதன் மூலம், இலங்கையின் சந்தையில் வாங்குபவர்கள் மற்றும் விற்பவர்கள் இருவரின் நலன்களையும் பாதுகாக்க நான் பணியாற்றுவேன்.
ஏனெனில் பெரிய வெங்காயமும் நம் நாட்டில் விளையும் பயிர். நாட்டின் நுகர்வுக்கு அதிக தேவை உள்ள ஒரு பயிரை ஊக்குவிக்க ஏன் நடவடிக்கை எடுக்கவில்லை என்பது கேள்விக்குறியாக உள்ளது. விவசாயம் மற்றும் கைத்தொழில் மற்றும் வர்தக அமைச்சினால் இலகுவாக செய்யக்கூடிய பணியாகும். பெரிய வெங்காய விளைச்சலை விவசாயி மற்றும் நுகர்வோர் என இருபாலரும் பயன்பெறும் வகையில் விரிவுபடுத்தினால், இரு பிரிவினரும் நிம்மதி அடைவதுடன், பெரிய வெங்காயம் இறக்குமதிக்காக வெளிநாடுகளுக்கு இழுக்கப்படும் பெரும் தொகையும் மிச்சமாகும்.
அதிக எண்ணிக்கையில் விவசாயம் தொடர்பான அதிகாரிகளையும் நிருவாக உத்தியோகத்தர்களையும் பராமரிக்கும் ஒரு நாடு நாட்டின் தேவைக்கு போதுமான வெங்காய உற்பத்தியில் கவனம் செலுத்த முடியாவிட்டால், அத்தகைய நிறுவனங்களை பராமரிப்பதன் விளைவு என்ன என்பதை ஒருவர் கேட்க வேண்டும். நமது நாட்டில் ஆண்டுதோறும் பெருமளவு பணம் செலவழித்து உற்பத்தி செய்யப்படும் விவசாயப் பட்டதாரிகளை பயன்படுத்தாமல் இருப்பதும் பாரதூரமான சோகமாகும். இது பெரிய வெங்காயத்திற்கு மாத்திரம் மட்டுப்படுத்தப்பட்ட பிரச்சினையல்ல என்பதையும் ஞாபகப்படுத்த விரும்புகின்றேன்;.
தற்போது நிலவும் பொருளாதாரச் சிரமங்களைக் கருத்தில் கொண்டு ஏழைகளுக்கு சத்தான உணவு கிடைப்பதில் சிக்கல் ஏற்பட்டுள்ளது. இன்றும் மீன்களின் விலை நெருப்பாகத்தான் உள்ளது. ஒரு சாதாரண குடிமகன் ஒரு நல்ல மீனை வேண்டி உண்டு அனுபவிக்க முடியாதுள்ளது. அதற்கு அவர்களுக்கு இருந்த ஒரே மாற்று வழி முட்டை. ஆனால் இன்று சந்தையில் முட்டை ஒன்றின் விலை 60-65 ரூபாயாக அதிகரித்துள்ளது.
முட்டைக்கு கட்டுப்பாட்டு விலை இருந்தாலும், வியாபாரிகள் தங்கள் விருப்ப விலைக்கே முட்டையை விற்பனை செய்கின்றனர். முட்டை சத்தோச மூலம்; முட்டை விலையை கட்டுப்படுத்தினால் மட்டும் போதாது. குறிப்பாக பண்டிகை காலங்களில் முட்டைக்கு அதிக கிராக்கி இருப்பதால், தற்போது முட்டை விலையை அதிகரிக்கும் பணியில் வியாபாரிகள் ஈடுபட்டுள்ளனர். இது உடனடியாக நிறுத்தப்பட வேண்டும்.
நாம் மேலே சொன்ன பெரிய வெங்காயம், முட்டை மட்டுமின்றி மற்ற பொருட்களின் விலையும் தற்போது கடுமையாக உயர்ந்துள்ளது. இந்த விலைவாசி உயர்வு தொடர்பாக மக்களின் கைகள் பொருளாதார சக்தியில்லை. அதனால் மக்கள் மிகுந்த மன அழுத்தத்தில் உள்ளனர். இந்த நேரத்தில் மக்களுக்கு குறைந்தபட்ச நிவாரணம் வழங்க வேண்டியது அதிகாரிகளின் கடமை. அதற்கும் மேலாக, நுகர்வோர் மக்களை வணிகர்கள் சுரண்ட அனுமதிக்கக் கூடாது.
0 comments:
Post a Comment