சட்டத்தின் ஆட்சி நிலைநாட்டப்பட வேண்டுமா? தேசிய மக்கள் சக்தியின் கூற்றின் மீதான ஒரு விமர்சனப் பார்வை

இலங்கை நாட்டில் சட்டத்தின் ஆட்சியை முறையாக நிலைநாட்ட வேண்டியதன் அவசியத்தையும், அவ்வாறான ஒரு நாடு தற்போது உருவாக்கப்பட்டு வருவதாகவும் தேசிய மக்கள் சக்தி (NMP) அண்மையில் நடைபெற்ற மக்கள் சந்திப்பில் அதன் தலைவரால் குறிப்பிட்டுள்ளது. மேலும், இதற்கு முன்னர் நாட்டில் சட்டம் பலவீனமானவர்களுக்கு எதிராக மட்டுமே செயற்படுத்தப்பட்டதாகவும், பெரியவர்கள் சட்டத்தின் பிடியிலிருந்து தப்பிச் சென்றதாகவும் அங்கு சுட்டிக்காட்டினார். "சட்டம் ஒரு சிலந்தி வலையைப் போன்றது. பலமானவர்கள் அதனை கிழித்துக் கொண்டு செல்வர், சிறியவர்கள் பிடிபடுகின்றனர்" என்ற உவமையின் மூலம் முந்தைய ஆட்சிகளில் நிலவிய சட்டத்தின் பாரபட்சமான தன்மையை தேசிய மக்கள் சக்தி விமர்சித்துள்ளது.

ஆறு வருடங்களாகத் தொடரும் மௌனம்: ஈஸ்டர் தாக்குதல்களின் ஆறாத வடுவும் நீதிக்கான கேள்வியும்

2019 ஏப்ரல் 21... இலங்கை வரலாற்றில் கறைபடிந்த ஒரு நாள். அன்று நிகழ்ந்த கொடிய ஈஸ்டர் ஞாயிறு தாக்குதல்கள், ஆறு வருடங்கள் கடந்தும் ஆறாத வடுவாகவும், பதிலற்ற கேள்வியாகவும் நீடிக்கின்றன. நூற்றுக்கணக்கான வாக்குறுதிகள், மூன்று அரசாங்கங்கள் மாறி நான்காவது ஜனாதிபதி பதவியில் இருந்தும், தாக்குதல்களின் பின்னணியில் இருந்த சூத்திரதாரிகள் யார் என்பது இன்றுவரை மர்மமாகவே உள்ளது. விரைவான நீதிக்கான வாக்குறுதிகள் ஏராளமாக வழங்கப்பட்டாலும், விசாரணை ஆணைக்குழுக்களின் அறிக்கைகள் வெளிவந்தும், இந்த நாட்டின் மனசாட்சியை உலுக்கிய இந்த பயங்கரவாதச் செயலுக்குப் பின்னால் இருந்தவர்கள் யார் என்ற கேள்விக்கு விடை கிடைக்கவில்லை.

சிங்கப்புரைப் போல் இலங்கையால் ஏன் அபிவிருத்தியடைய முடியவில்லை? – ஒரு விமர்சனமான பார்வை

சிங்கப்பூர் மற்றும் இலங்கை என்ற இரு நாடுகளும் ஒரு காலத்தில் ஐக்கிய ராஜ்யத்தினால் ஆட்சி செய்யப்பட்ட கப்பலோட்ட மையங்களாக இருந்தன. இலங்கை 1948 இல் சுதந்திரம் பெற அதற்கு பின்னரே 1965 இல் சிங்கப்புர் விடுதலையடைந்தது அதாவது சிங்கப்பூர் 1965இல் மலேசியாவில் இருந்து பிரிந்து தனிநாட்டாகி, இன்று உலகில் முன்னணி பொருளாதார சக்தியாக திகழ்கிறது. அதேவேளை இலங்கை பல துறைகளில் பின்னடைவை சந்தித்து வருகிறதென்பது ஒரு கசப்பான உண்மை. இந்த நிலையில், சிங்கப்புரைப் போல் அபிவிருத்தியடைய முடியாததற்கான காரணங்களை, முகாமைத்துவம், அரசமைப்பு, ஊழல், தொழில்நுட்பம், கல்வி மற்றும் சமூக வலையமைப்புகளை மையமாகக் கொண்டு ஆராய்வதே இந்தக் கட்டுரையின் நோக்கமாகும்.

உனக்கான வெளிச்சம்: தன்னம்பிக்கையும், பயமின்மையும் உன் வழிகாட்டியாகட்டும்!

நண்பா, வாழ்க்கைப் பயணத்தில் நாம் அனைவரும் ஏதோ ஒரு தருணத்தில் தடுமாறி நிற்பதுண்டு. அந்தத் தடுமாற்றங்களுக்குப் பின்னால் ஒளிந்திருக்கும் இருபெரும் தடைகளை இன்று உனக்குச் சுட்டிக்காட்ட விரும்புகிறேன். அவைதான், நம்மை நாமே குறைத்து மதிப்பிடும் தன்னம்பிக்கை குறைவும், எதிர்காலத்தை எண்ணி அஞ்சும் பயமும்.

முதலில் தன்னம்பிக்கை இல்லாமை பற்றிப் பார்ப்போம். உனக்கு எத்தனையோ திறமைகள் இருக்கலாம். ஆனால், "என்னால் முடியுமா?" என்ற எண்ணம் உன் மனதை அரித்துக் கொண்டிருந்தால், அந்தத் திறமைகள் வெளிப்படாமலேயே போய்விடும். ஒரு கூண்டுக்குள் அடைபட்ட பறவையைப் போல, உன் ஆற்றல் உனக்குள்ளேயே சிறைப்பட்டு விடும். 

திருக்குறளும் விடாமுயற்சியின் பெருமையும்

 திருக்குறள் உலகப் பொதுமறை என்று போற்றப்படுகிறது. காலத்தால் அழியாத அறநெறிகளையும், வாழ்வியல் தத்துவங்களையும் தன்னகத்தே கொண்டுள்ள இந்நூல், மனித வாழ்க்கையின் ஒவ்வொரு அம்சத்தையும் ஆழமாகப் பேசுகிறது. அந்த வகையில், ஒரு மனிதன் வாழ்வில் வெற்றி பெற இன்றியமையாத பண்புகளில் ஒன்றான விடாமுயற்சியின் சிறப்பை திருவள்ளுவர் பல குறள்களின் மூலம் எடுத்துரைக்கிறார்.

விடாமுயற்சி என்றால் என்ன? ஒரு காரியத்தை நிறைவேற்றுவதில் ஏற்படும் தடைகள், சவால்கள் மற்றும் தோல்விகளைக் கண்டு மனம் தளராமல், தொடர்ந்து முயற்சி செய்து கொண்டே இருப்பதுதான் விடாமுயற்சி. இந்த அரிய குணத்தைப் பெற்றவர்கள் எத்தகைய கடினமான இலக்கையும் அடைவார்கள் என்பதில் ஐயமில்லை.

புகழின் போதை, எளிமையின் மேன்மை - ஒரு சிந்தனைப் பகிர்வு

சமீபத்தில் ஊரில் சந்தித்த இரு வேறுபட்ட மனிதர்கள் என் மனதில் ஆழமான எண்ணங்களை விதைத்தனர். ஒருவர், தான் வைத்திருக்கும் நவீன கருவிகளையும், வெளிநாட்டு தொடர்புகளையும் மிகைப்படுத்திப் பேசிக்கொண்டிருந்தார். ஏழு ஸ்மார்ட் போன்கள், பல மடிக்கணினிகள் என அடுக்கிக்கொண்டே போனார். ஆனால், உண்மையில் அவற்றின் பயன்பாடு அவருக்குத் தெரியுமா என்பது சந்தேகமே. 

எல்லோருக்கும் அது தெரிந்தும், அவரின் புகழ்ச்சியை யாரும் மறுக்கவில்லை. பார்ப்பதற்கு ஒரு "புகழரசன்" போலத் தோன்றினாலும், வேலையில்லாமல், அந்த கருவிகளைப் பயன்படுத்தவோ அல்லது பிறருக்கு உதவவோ முடியாத நிலையில் அவர் இருந்தார். ஏன் என்றால் அந்தளவுக்கு அவர் படித்தவர் இல்லை. படித்தவர்கள் இப்படியெல்லாமா இருப்பார்கள். இப்படிப்பட்டவர்கள் எதற்காகத் தங்களைத் தாங்களே உயர்த்திக் கொள்கிறார்கள் என்று எண்ணிப் பார்த்தேன்.

தேர்தலில் நின்றால் வெளிநாடு செல்லலாம் "இந்தப் புதினம்" - உண்மையா?

பல காலமாக அரசல்புரசலாக இவ்வாறான கதை பேசப்படுவதனைக் கேட்டுள்ளோம். இலங்கையில் தேர்தல்களில் போட்டியிட்டு, அதன் மூலம் வெளிநாடுகளுக்குச் செல்வதற்கு சிலர் முயற்சிக்கிறார்கள் என்ற செய்தி ஒருவித "புதினம்" போலவே பல வட்டாரங்களில் பேசப்படுகிறது. குறிப்பாக, தேர்தலில் போட்டியிட்ட காரணத்தால் தமக்கு அச்சுறுத்தல் இருப்பதாகக் கூறி, மேற்குலக நாடுகளில் அரசியல் தஞ்சம் கோரலாம் என்ற கதை பரவலாக உலவுகிறது. இதன் உண்மைத்தன்மையை ஆராய்வது அவசியமாகிறது.

உண்மையில், இலங்கையில் உள்ளூராட்சி மன்றத் தேர்தல்கள், மாகாண சபைத் தேர்தல்கள் அல்லது பாராளுமன்றத் தேர்தல்கள் என எந்தத் தேர்தலாக இருந்தாலும், அதில் போட்டியிடுவது என்பது ஒரு ஜனநாயக உரிமை. தேர்தலில் நிற்பதால் மட்டும் ஒருவருக்கு வெளிநாட்டில் அரசியல் தஞ்சம் கிடைக்கும் என்பது மிகவும் கேள்விக்குரிய விடயம்.

மன்னார்-இராமேஸ்வரம் படகுச் சேவை: அரசியல் வாக்குறுதிகளும் பொருளாதார வாய்ப்புகளும்

மன்னார் மற்றும் இராமேஸ்வரம் இடையே படகுச் சேவைகளை மீண்டும் ஆரம்பிப்பதற்கு விரைவாக நடவடிக்கை எடுக்கப்படும் என்று தேசிய மக்கள் சக்தியின் தலைவர் அனுரகுமார திசாநாயக்க வியாழக்கிழமை (17) அன்று மன்னார் பஜார் பகுதியில் நடைபெற்ற உள்ளூராட்சி மன்றத் தேர்தல் பிரசார கூட்டத்தில் தெரிவித்தார். இந்திய அரசாங்கத்தின் உதவியுடன் இந்தச் சேவையை மீண்டும் ஆரம்பிக்க நடவடிக்கை எடுக்கப்படும் என்றும், இதற்கான பேச்சுவார்த்தைகள் தற்போது இடம்பெற்று வருவதாகவும் அவர் குறிப்பிட்டார். இந்த அறிவிப்பு, பல ஆண்டுகளாக இப்பகுதி மக்களின் எதிர்பார்ப்பாக இருக்கும் நிலையில், தேர்தல் கால வாக்குறுதியாகவே பார்க்கப்படுகிறது.