இந்த இரு நாடுகளுக்கும் இடையிலான அரசியல் நடவடிக்கைகள் வித்தியாசமாக நடைபெறுகின்றன. சீனாவுடன் ஒப்பிடும்போது, இந்தியாவுக்கு இலங்கையுடன் நிறைய தொடர்புகள் மற்றும் பிரச்சினைகள் உள்ளன. இந்த நாட்டில் பெரும்பாலான பாதாள உலக குற்றவாளிகள் சட்டம் தங்களுக்குப் எதிராகத் திரும்பும்போது முதலில் இந்தியாவை நோக்கித் திரும்புகிறார்கள். இலங்கைக்கும் இந்தியாவுக்கும் இடையிலான கடல் தூரம் சுமார் 22 கிலோமீட்டர் மாத்திரமே. இதனாலே வி. எஸ். குமார் ஆனந்தன் என்ற இலங்கையர் சுமார் ஐம்பது ஆண்டுகளுக்கு முன்பு இந்தியாவிற்கும் இலங்கைக்கும் இடையில் நீந்தி சாதனை படைத்தார்.
இந்த இரண்டு நாடுகளுக்கும் இடையிலான கடலை நீந்திக் கடக்க முடிந்தால், படகில் செல்வது ஒரு சிறிய வேலை. குற்றவாளிகள் இலங்கையிலிருந்து இந்தியாவிற்கு விமானத்தில் வந்து அதை ஒரு தளமாகப் பயன்படுத்துகிறார்கள். அந்த முகாமிலிருந்து சில குற்றவாளிகள் இத்தாலிக்குச் செல்கிறார்கள். மற்றவர்கள் துபாய் செல்கிறார்கள். மேலே குறிப்பிடப்பட்ட இரண்டு நாடுகளும் பொதுவாக இந்த நாட்டில் குற்றவாளிகளுக்கு மிகவும் பிரபலமான இரண்டு இடங்களாகும்.
கூடுதலாக, வடக்கு மற்றும் கிழக்கில் உள்ள அரசியல்வாதிகளால் இந்தியா கடுமையான சிக்கலில் சிக்கியுள்ளது. அந்த அரசியல்வாதிகள் தொடர்ந்து இணைந்த வடகிழக்கை தனி மாநிலங்களாகப் கோரிக்கொண்டே இருக்கிறார்கள். தமிழ்நாடு இந்தக் கோரிக்கையை இந்திய மத்திய அரசிடம் சமர்ப்பிக்கிறது. உலகம் இருக்கும் வரை இந்தக் கோரிக்கையும் இருந்து வருகிறது.
எனவே, இலங்கை இந்தியாவிற்கு ஒரு சக்திவாய்ந்த காற்று. 1947 ஆம் ஆண்டு இந்தியா சுதந்திரம் பெற்றபோது, இந்தியாவின் நிறுவனப் பிரதமர் ஜவஹர்லால் நேரு அவர்களால் ஒரு புதிய அரசியலமைப்புச் சட்டம் எழுதப்பட்டது. இதை புகழ்பெற்ற இந்திய அறிஞரான பணிக்கர் எழுதியுள்ளார். இந்திய அரசியலமைப்பின் வெளியுறவுக் கொள்கைக்கு அர்ப்பணிக்கப்பட்ட பகுதியில் இலங்கையைப் பற்றிய விவரங்கள் ஏராளமாக உள்ளன.
இது குறித்து பணிக்கரிடம் நேரு கேள்வி எழுப்பியபோது, இந்தியாவை விட இந்திய அரசு இலங்கையைப் பாதுகாக்க வேண்டும் என்று கூறினார். இதற்குக் காரணம், இலங்கை எடுக்கும் ஒவ்வொரு அடியும் முன்னோக்கியோ அல்லது பின்னோக்கியோ இந்தியா மீது கடுமையான தாக்கத்தை ஏற்படுத்துகிறது. உதாரணமாக, இந்தியாவிற்று எதிரான வெளிநாடு ஒன்று இலங்கையைக் கைப்பற்றினால், முதலில் மிகப்பெரிய தீங்கு இந்தியாவிற்குதான் ஏற்படும் என்றார்.
அதுபோல, சீனா ஒரு பிராந்திய வல்லரசு மட்டுமல்ல, உலக வல்லரசும் கூட. சீனா இப்போது மிகவும் முன்னேறியுள்ளது, அமெரிக்காவிற்கும் சீனாவிற்கும் இடையே ஒரு போர் வெடித்தால், இரு நாடுகளும் மிகவும் ஆயத பலம்கொண்டவை, யார் வெல்வார்கள் என்று கற்பனை கூட செய்ய முடியாது. அமெரிக்காவை விட சீனாவிடம் அதிக மனிதவளம் உள்ளது.
இரண்டாம் உலகப் போரின் போது இங்கிலாந்து பிரதமராக இருந்த வின்ஸ்டன் சேர்ச்சிலின் வாழ்க்கை வரலாற்றை அவரது மகன் ராண்டால்ஃப் சேர்ச்சில் எழுதினார். சேர்ச்சில் தனது சுயசரிதையில், எந்த நாடும் சீனாவுடன் போரைத் தொடங்கக்கூடாது என்றும், அத்தகைய போர் தொடங்கினால், சீன மக்கள் புத்துக்களில் இருந்து கிளம்பும் ஈசல்கள்போல, அனைத்து வகையான ஆயுதங்களுடனும் போருக்கு வருவார்கள் என்றும், எனவே போர் ஒருபோதும் நடக்காது என்றும் பரிந்துரைத்தார்.
அதுபோல, சீனா ஒரு தூங்கும் புலி, அதை எழுப்பக்கூடாது என்று நெப்போலியன் போனபார்டே கூறினார். இது சீனா எந்த வகையான பிரச்சனையை ஏற்படுத்தும் வல்லமைகொண்டது என்பதைக் காட்டுகிறது.
இந்தியா நமது அண்டை நாடு என்பதால், ஜனாதிபதி அனுர குமார முதலில் இந்தியாவுக்குச் சென்று அவர்களது ஆசீர்வாதத்தினைப் பெறுவார். இந்தியாவுக்கான தனது பயணத்தால் ஏற்கனவே மோசமாக உணரும் சீனாவை சரிக்கட்ட அவர் சீனா செல்கிறார்.
அனுர திசாநாயக்க போன்ற ஒரு ஜனாதிபதி, இத்தகைய இராஜதந்திர வருகைகளின் போது முக்கியமான விஷயங்களைச் சாதிக்க முடியும். அவர் மிகப்பெரிய வாக்குகளுடன் ஆட்சிக்கு வந்ததால், சீனாவும் இந்தியாவும் அவரை மிகவும் மதிக்கின்றன. அனுர திசாநாயக்கவுக்கும் பாராளுமன்றத்தில் பெரும்பான்மை உள்ளது. இவ்வளவு பெரும்பான்மை இருக்கும்போது அரசாங்கத்தை கவிழ்ப்பது எளிதல்ல.
எனவே, அத்தகைய பெரும்பான்மை பலம் கொண்ட ஒரு நாட்டைச் சமாளிக்க மற்ற நாடுகள் பயப்படுவதில்லை. சீனா மற்றும் இந்தியாவில் உள்ள சில அரசியல் விமர்சகர்களின் கணிப்புகளின்படி, இந்த அரசாங்கம் சரியாக நிர்வகிக்கப்பட்டால் குறைந்தது பத்து ஆண்டுகள் நீடிக்கும். இவ்வளவு நீண்ட கால ஸ்திரத்தன்மை கொண்ட நாட்டில் முதலீடு செய்ய வெளிநாட்டினர் பயப்படுவதில்லை.
சீனா, ஜனாதிபதி அனுர இந்தியாவிற்கு விஜயம் செய்தபோது பெற்றதை விட அதிகமாக வழங்க தயாராக உள்ளது. அப்படியானால், சீனா கொடுத்ததை விட இந்தியா அதிகமாக கொடுக்க விரும்புகிறது. ஒரு புத்திசாலித் தலைவர் அத்தகைய போட்டி சூழ்நிலையிலிருந்து பெரும் நன்மைகளைப் பெற முடியும். இதற்கு ஒரு சிறந்த மூலிகை மருத்துவரின் புலமை அறிவோ அல்லது சந்திரனுக்கு ராக்கெட் அனுப்பும் இயற்பியல் அறிவோ தேவையில்லை. தேவைப்படுவது நிர்வாகத் திறன் மட்டுமே. நாம் இரு நாடுகளையும் நிர்வகிக்க முடியும், இரண்டிலிருந்தும் பயனடைய முடியும்.
சர்வதேச உறவுகள் என்பது வெகு தொலைவில் நடப்பட்ட இரண்டு உயரமான கம்பங்களில் கட்டப்பட்ட கயிறு போன்றது. இந்தக் கயிற்றில் நடக்க அதிகப் பயிற்சி தேவையில்லை. தேவைப்படுவது தைரியமும் நீண்ட கயிறும் மட்டுமே. கயிற்றில் ஏறும் நபர் மேற்கூறிய கயிற்றை நடுவில் பிடிக்கும்போது சமநிலைப்படுத்தத் தொடங்குகிறார். அவர் தனது சமநிலையை சற்று சரிசெய்து முன்னேற வேண்டும். அப்புறம் அவன் விழ மாட்டான். ஆனால் பயத்தால் அவன் கால்கள் நடுங்க ஆரம்பித்தால், அவன் தடுமாறி, சமநிலையை இழந்து, தரையில் விழுவான். இந்த அரசாங்கம் இதுவரை இவ்வளவு பயப்பட வேண்டிய தவறைச் செய்யவில்லை என்பதே உண்மை.
0 comments:
Post a Comment