கேட்டால் தருவோம் பிடுங்காதே!

அருமை உயிர்களே வந்து சேருங்களேன் வெற்றி நமதே சொந்த தேசம் நமதே! உணர்வுகள் ஒன்றி அனைவரும் ஒன்றாய் உரிமைகள் வெல்ல ஓர் வழி நின்றால் வெற்றி நமதே! குரோதங்கள் மறந்து மனங்களைத் திறந்து வளங்களைக் காக்க கைகளைத் கோர்த்தால் வெற்றி நமதே!

நீரும் நிலமும் காடும் மலையும்
கிழக்கின் ஆதாரமே
மட்டு மண்ணில் மீனும் பாடும்
இல்லை சேதாரமே
இயற்கை தானே எங்களின் வாழ்க்கை
வைக்க வேண்டாம் உங்களின் கையை
கொடுப்பதில் சிறந்தநாம் 
கேட்டால் தருவோம் பிடுங்காதே!
வெற்றி நமதே சொந்த தேசம் நமதே

எதையும் வெல்லும் தயிரியம் கொண்டு
எழுந்து வாருங்களேன்
சிதையும் வளத்தை காத்திட நின்று
சீறிப் பாயுங்களேன்
வாடும் மக்கள் எங்களை நம்பி
வருந்தும் வேதனை தீர்ப்போம் தம்பி
காலங்கள் மாறலாம் 
கனவு மட்டும் மாறாது!
வெற்றி நமதே சொந்த தேசம் நமதே!