ஏன் எலிசபெத் மகாராணியின் மரணம் குறித்து இந்நாட்டு குடிமக்கள் உணர்ச்சிவசப்பட்டுள்ளனர்?

இரண்டாம் எலிசபெத் மகாராணியின் மரணம் கிரேட் பிரிட்டன், பொதுநலவாய நாடுகளின் கவனத்தை மட்டுமல்ல, உலகத்தின் கவனத்தையும் ஈர்த்த ஒரு பரபரப்பான நிகழ்வாகும். வேகமாக மாறிவரும் உலகில், பிரிட்டிஸ் செல்வாக்கு குறைந்து வரும் நிலையில், கிரீடத்தின் பங்கு கேள்விக்குள்ளாக்கப்படும், இருந்தாலும் பிரிட்டிஸ் ராணி கவனத்தை ஈர்க்கும் நபராக இருந்து வருகிறார். நெருக்கடியான சூழ்நிலைகளில் பிரித்தானிய மகுடத்தின் ஒருமைப்பாட்டைக் காப்பாற்றும் அவரது திறமையும் அங்கு அவர் காட்டிய திறமையும் தனித்துவமானது.

பொதுநலவாயத்தின் மற்றைய மாநிலங்களில், பிரித்தானிய ஆட்சியை தானாக முன்வந்து ஏற்றுக்கொண்ட ஒரு நாடாக இலங்கை குறிப்பிடப்படுகிறது.

ராணி எலிசபெத். சூரியன் மறையாத சாம்ராஜ்யத்தின் ராணியைப் போலவே நம் நாட்டின் ராணியும் கூட. நம் முன்னோர்கள் ஒரு ஒப்பந்தம் செய்து இந்த நாட்டை ஒரு நூற்றாண்டுக்கு முன்பே இங்கிலாந்திடம் ஒப்படைத்தனர். எனவே, நாமும் சூரியன் மறையாத சாம்ராஜ்யத்தில் வசிப்பவர்களாக இருந்திருக்கின்றோம்;.

எமது நாட்டின் பிரபுத்துவ தலைவர்களின் விருப்பத்தினால் எமது நாடு பிரித்தானிய கொலனியாக மாறியது. ஆதன் பின்னர் பிரித்தானிய ஏகாதிபத்தியத்திற்கு எதிராகக் கிளர்ச்சி செய்து இரத்தம் சிந்தியது நம் சொந்தத் தவறுதான். 

பிரித்தானிய ஏகாதிபத்தியங்கள் 133 வருடங்கள் எமது நாட்டை ஆண்டார்கள். 1952 முதல் 1972 வரை, இந்த தீவின் அரச தலைவராக ராணி எலிசபெத் இருந்தார். 

முடியாட்சியாக இருந்த நம் நாட்டின் நிலப்பிரபுத்துவ சமூக பாரம்பரியத்தின் மீது முதலாளித்துவ அமைப்பு ஆங்கிலேயர்களால் மிகைப்படுத்தப்பட்டது. அதுவரை நாம் பாதுகாத்து வந்த கிழக்கத்திய கலாச்சாரத்தின் தனித்துவமான மரபுகள் ஆங்கிலேயர் ஆட்சியில் மங்கிப்போயின. அப்படி இருந்தும் சூரியன் மறையாத சாம்ராஜ்ஜியத்திற்கு உட்பட்ட மாநிலமாக இருந்ததால்தான் நவீன உலகிற்கு நமது கதவுகளைத் திறக்க முடிந்தது என்பது மறைக்க முடியாத உண்மை.

நம் நாட்டின் கல்வி, பொது நிர்வாகம், சுகாதாரம், போக்குவரத்து அமைப்பு, சட்ட அமைப்பு மட்டுமல்ல, சர்வஜன வாக்குரிமை அடிப்படையிலான நாடாளுமன்ற முறையும் ஆங்கிலேயர் ஆட்சியில் இருந்து நாம் பெற்ற கொடைகள். இது அனைத்தும் உருவாக்கப்பட்டது. கிங் ஜோர்ஜ் மற்றும் ராணி இரண்டாம் எலிசபெத் ஆட்சியின் போது.

கிரேட் பிரிட்டன் 1947 இல் எங்களுக்கு டொமினியன் அந்தஸ்தை வழங்கியது. அன்றிலிருந்து இலங்கை உள்ளூர் உயரடுக்கினரால் கைப்பற்றப்பட்டது. ஆங்கிலேயர்கள் நாட்டை விட்டு வெளியேறியபோது, இந்த நிலத்தில் கட்டிய எதையும் அவர்கள் திரும்பப் பெறவில்லை. ஆட்சியைக் கைப்பற்றிய இந்நாட்டுத் தலைவர்கள் அன்றிலிருந்து நாட்டை முன்னேற்றப் பாதைக்கு இட்டுச் செல்லும் பணியை மேற்கொண்டனர் என்பது கதை.

பிரித்தானியரின் கொலனியாக இருந்த இலங்கை, அன்று ஒரு கடனற்ற நாடு. குடிமக்களின் வாழ்க்கை நிலைமைகள் பாதுகாக்கப்பட்டு, உலகின் தலையீடு இல்லாமல் நாம் வாழக்கூடிய ஒரு நாட்டின் குடிமக்கள் என்ற பெருமை எங்களுக்கு இருந்தது. சுதந்திரம் என்றழைக்கப்படும் காலத்தில் கடனற்ற நாடாக இருந்த இலங்கை தற்போது உலகின் வங்ரோத்து நாடுகளில் முன்னணியில் உள்ளது. பெரும்பான்மையான மக்கள் மரணப்பிடியில்; வாழ்கின்றனர். எனவே இந்த நிலைக்கு கடைசியில் எமக்கு மிகக் கடுமையான தீங்கு இழைத்தவர்கள் எமது தலைவர்கள்தான். அதனால்தான் எலிசபெத் மகாராணியின் மரணம் குறித்து இந்நாட்டு குடிமக்கள் உணர்ச்சிவசப்பட்டுள்ளனர்.