இலங்கையில் ICT துறையிலும் அரசியல் தலைமைத்துவத்திலும் பெண்களின் பங்களிப்பு

இன்று இலங்கையில் பெரும்பாலான அரசியல்வாதிகளும் மக்களும் தேர்தல்கள் பற்றியே கவனம் செலுத்துகின்றனர். எந்த தேர்தல், எப்போது நடக்கும் அல்லது நடக்காதா என்பது பற்றியே விவாதங்கள் நடைபெறுகின்றன. ஆனால், பாலின சமத்துவம் போன்ற அடிப்படை பிரச்சினைகளுக்கு கவனம் செலுத்துவதனை மறந்துவிடுகின்றோம். குறிப்பாக, வரவிருக்கும் தொழில்நுட்ப புரட்சியில் தகவல் மற்றும் தொடர்பாடல் தொழில்நுட்ப (ICT) துறையில் பெண்களின் பங்களிப்பை அதிகரிப்பதில் கவனம் செலுத்த வேண்டும். ஏனெனில் இந்தக்காலத்தில் செயற்கை நுண்ணறிவு போன்ற துறைகளின் வளர்ச்சியில் இது மிக முக்கிய பங்கு வகிக்கும்.

ஐக்கிய நாடுகள் சபையினால் ஆண்டுதோறும் கொண்டாடப்படும் சர்வதேச பெண்கள் தகவல் மற்றும் தொடர்பாடல் தொழில்நுட்ப தினத்தின் இந்த ஆண்டிற்கான கருத்து 'தலைமைத்துவம்' (Leadership) ஆகும். அறிவியல், தொழில்நுட்பம், பொறியியல் மற்றும் கணிதம் (STEM) துறைகளில் வலுவான பெண் முன்னோடி மாதிரிகள் அவசியம் என்பதையே இது வலியுறுத்துகிறது.

உலகளவில் தற்போது உயர் திறன் கொண்ட பணிகளில் 40 வீதம் பெண்கள் இருந்தாலும், தகவல் மற்றும் தொடர்பாடல் தொழில்நுட்பம் சார்ந்த துறைகளில் அவர்களின் பங்களிப்பு குறைவாகவே உள்ளது என்று  ஐக்கிய நாடுகள் சபை (UN)  தகவல் தெரிவிக்கிறது. மென்பொருள் மேம்பாடு, பொறியியல், தொழில்நுட்ப ஆராய்ச்சி, கல்வித்துறை மற்றும் கொள்கை உருவாக்கத்தின் உயர் நிலைகள் போன்ற துறைகளில் பெண்களின் பங்களிப்பு மிகக் குறைவு. மேலும், ஆண்களை விட அவர்கள் அறிவியல் மற்றும் தொழில்நுட்ப வேலைகளை விட்டு வெளியேறுவதற்கான வாய்ப்புகள் அதிகம் காணப்படுகின்றது.

பிற துறைகளைப் போலவே, தலைமைத்துவ நிலைகளிலும் பாலின வேறுபாடு காணப்படுகிறது. தகவல் மற்றும் தொடர்பாடல் தொழில்நுட்ப துறையில் பெண்கள் பெரும்பாலும் முகாமைத்துவப் பதவிகளுக்கு பதிலாக கீழ்மட்ட அல்லது உதவிப் பணிகளில் இருப்பதைக் காணலாம். மேலும், நிர்வாகப் பதவியை வகிப்பதற்கான வாய்ப்பும், தகவல் மற்றும் தொடர்பாடல் தொழில்நுட்ப துறையில் தொழில்முனைவோராக மாறுவதற்கான வாய்ப்பும், அறிவியல் மற்றும் தொழில்நுட்ப கொள்கை வகுப்பாளர்களிடையே பிரதிநிதியாக இருப்பதற்கான வாய்ப்பும் அரிதாகவே உள்ளது.

ளுவுநுஆ துறையில் சிறந்து விளங்க இளம் பெண்களுக்கு, தலைமைத்துவ பதவிகளில் இருக்கும் பெண்களுடன் பழகுவதற்கான சூழல் அவசியம் என்று ஐக்கிய நாடுகள் சபை கருதுகிறது. இது அவர்களுக்கு உத்வேகத்தை அளிப்பதோடு, அவர்களின் முன்னேற்றத்தை தடுக்கும் தடைகளை உடைக்கவும் உதவும். 2024 ஆம் ஆண்டிற்கான பெண்கள் தகவல் மற்றும் தொடர்பாடல் தொழில்நுட்ப தினத்தின் கருத்து இந்த சவால்களை கையாள்வதையும், STEM துறையில் அதிகாரமளித்தல் மற்றும் தலைமைத்துவ வளர்ச்சியை ஊக்குவிப்பதையும் நோக்கமாகக் கொண்டுள்ளது.

இலங்கையில் இயற்கை அறிவியல், கணிதம், பொறியியல் மற்றும் தொழில்நுட்பம் (STEM) துறைகளில் பெண்களின் பங்களிப்பு மிகக் குறைவாகவே உள்ளது. உயர் கல்வி நிறுவனங்களில் STEM பாடங்களில் சேரும் பெண்களின் எண்ணிக்கை குறைவாகவே உள்ளது.  2022 ஆம் ஆண்டின் கணக்கெடுப்பின்படி, இலங்கையில் பல்கலைக்கழகங்களில் அறிவியல் துறைகளில் சேர்ந்த மாணவர்களில் பெண்கள் 42% வீதம் மட்டுமே இருந்தனர். பொறியியல் துறையில் இது 18% வீதம் ஆகவும், கணிதம் மற்றும் கணினி அறிவியல் துறைகளில் இது 24% வீதம் ஆகவும் இருந்தது.

இந்த  குறைந்த பங்களிப்பிற்கு பல காரணங்கள் உள்ளன.  பாலின பாகுபாடு, STEM துறைகளில் பெண்களுக்கான முன்மாதிரிகள் இல்லாமை, கல்வி நிறுவனங்களில் போதுமான வசதிகள் இல்லாமை, ளுவுநுஆ துறைகளில் தொழில் சார்ந்த வாய்ப்புகள் குறைவாக இருப்பது போன்றவை இதற்கான சில காரணங்கள்.

இந்த பிரச்சினைகளை களைய  வேண்டியது அவசியம். இதற்காக பின்வரும் நடவடிக்கைகளை எடுக்கலாம்:

பாடசாலைகளிலும், உயர் கல்வி நிறுவனங்களிலும் பெண்களுக்கான STEM கல்வி நிகழ்வுகள்; (Programe) நடத்தப்பட வேண்டும்.

ஆர்வமுள்ள மாணவிகளுக்கு கணினி அறிவியல், ரோபோட்டிக்ஸ் மற்றும் செயற்கை நுண்ணறிவு போன்ற துறைகளில் கல்வி நிதியுதவி வழங்கப்பட வேண்டும்.

அறிவியல் ஆராய்ச்சி நிறுவனங்கள், தனியார் நிறுவனங்கள் மற்றும் அரசாங்க நிறுவனங்கள் STEM துறைகளில் பணிபுரிய பெண்களுக்கு ஊக்கமளிக்கும் வகையில் சிறப்பு திட்டங்களை உருவாக்க வேண்டும்.

இயற்கை அறிவியல், கணிதம், பொறியியல் மற்றும் தொழில்நுட்ப துறைகளில் சிறந்து விளங்கும் பெண்களுக்கான விருதுகள் வழங்கப்பட வேண்டும். இது இளம் பெண்களுக்கு உத்வேகம் அளிக்கும்.

இந்த நடவடிக்கைகள் மூலம் இலங்கையில் ளுவுநுஆ துறைகளில் பெண்களின் பங்களிப்பை அதிகரிக்க முடியும். இதன்  மூலம் நாட்டின் தொழில்நுட்ப வளர்ச்சிக்கும், பொருளாதார வளர்ச்சிக்கும்  பெரிதும் உதவும்.

அதேபோல், அரசியல் தலைமைத்துவத்தில் பெண்களின் பங்களிப்பும் இலங்கையில் மிகவும் குறைவாகவே உள்ளது. இதுவரை இலங்கையில் ஒரு பெண் பிரதமர் மட்டுமே பதவி வகித்துள்ளார். அவரும் பல்வேறு சவால்களை எதிர்கொள்ள வேண்டி இருந்தது. ஆனால், பெண்களின் திறமைகளைப் பயன்படுத்திக் கொள்ளாமல் இருப்பது நாட்டுக்கு நஷ்டம் என்பதை உணர வேண்டும்.

பாராளுமன்றத்திலும், உள்ளாட்சி மன்றங்களிலும் பெண்களின் பிரதிநித்துவத்தை அதிகரிப்பதற்கான சட்டங்களை இயற்றுவது அவசியம்.  அரசியல் கட்சிகள் வேட்பாளர் பட்டியலில் அதிக அளவில் பெண்களுக்கு இடம் அளிக்க வேண்டும். மேலும், பெண்களுக்கு  அரசியல் தலைமைத்துவ பயிற்சி அளிப்பதற்நிகழ்சித்திட்டங்கள்; (Programe)  நடத்தப்பட வேண்டும். இதன் மூலம் இலங்கையில் அரசியல் தளத்தில் பெண்களின் பங்களிப்பை அதிகரிக்க முடியும்.

இலங்கையின் முன்னேற்றத்திற்கு பெண்களின் பங்களிப்பு மிகவும் அவசியம்.  அறிவியல், தொழில்நுட்பம், பொறியியல், கணிதம் (STEM) துறைகளிலும்,  அரசியல் தலைமைத்துவத்திலும் பெண்களின் அதிகாரமளித்தல் அவசியம்.  கல்வி, வேலைவாய்ப்பு மற்றும் அரசியல் பங்கேற்பு ஆகியவற்றில்  பாலின சமத்துவத்தை  ஏற்படுத்துவதன் மூலம் நாட்டின்  பொருளாதார வளர்ச்சி மற்றும் சமூக முன்னேற்றத்தை  நீடித்திருக்கும் வகையில் அடைய முடியும்.

முடிவுரை 

இன்று உலகளவில் தொழில்நுட்பம் வேகமாக வளர்ந்து வருகிறது. இந்த வளர்ச்சியில் இலங்கையும் பின்தங்கியிருக்கக் கூடாது. இதற்கு, அறிவியல், தொழில்நுட்பம், பொறியியல், கணிதம் (STEM) துறைகளில் பெண்களின் பங்களிப்பு அவசியம்.  அதேபோல், நாட்டின் சிறந்த நிர்வாகத்திற்கும் பெண்களின் அரசியல் பங்களிப்பு இன்றியமையாதது. எனவே, இலங்கையில் பெண்களுக்கு அதிகாரமளிப்பதன் மூலம்  நாட்டின்  பொருளாதார வளர்ச்சி மற்றும் சமூக முன்னேற்றத்தை உறுதிப்படுத்த முடியும்.