இன்று ஒரு துண்டு மீன்சாப்பிடுவது முடியாதுபோயுள்ளது.

காலி முகத்திடல்; உட்பட நிரந்தரப் போராட்டத் தளங்கள் இருந்த இடங்கள் அப்புறப்படுத்தப்பட்டுள்ளன. முதற்கட்ட போராட்டம் முடிவுக்கு வந்துள்ளதாக ஆர்வலர்கள் தெரிவிக்கின்றனர். ஆனால் இன்று நாடு முழுவதும் எதிர்ப்பு இயக்கங்கள் மீண்டும் உருவாகி வருகின்றன. வீதியில் இறங்கி போராட்டம் நடத்தி வருகின்றனர். அந்த போராட்டங்களுக்கு காரணம் எரிபொருளும் மண்ணெண்ணையும்தான்.

இன்று பல மீனவ அமைப்புகள் ஒன்றிணைந்து மீன்பிடி போராட்டம் நடத்தப்பட்டதாக பல பத்திரிகைகள் புகைப்படத்துடன் செய்தி வெளியிட்டுள்ளது. எரிபொருள் விலையேற்றத்தில் மண்ணெண்ணெய்க்கு மானிய விலை வழங்க வேண்டும், மீனவர்களுக்கு தட்டுப்பாடின்றி மண்ணெண்ணெய் கிடைக்க வேண்டும், எரிபொருள் நெருக்கடியால் கடந்த 3 மாதங்களாக வேலை இழந்த மீனவர்களுக்கு மானியம் வழங்க வேண்டும், உள்ளிட்ட கோரிக்கைகளை முன்வைத்து மீனவர்கள் போராட்டம் நடத்திவருகின்றனர். 

இரண்டு அல்லது மூன்று மாதங்களுக்கு முன்பு நாட்டின் நிலை பற்றி நம் நினைவைப் திரும்பிப்பார்க்க முடிந்தால், நாட்டின் இன்றைய நிலையைப் பற்றி நாம் ஆச்சரியப்படுவதற்கு ஒன்றும் இல்லை. ஆம் அன்று நான்கு முதல் ஐந்து கிலோமீட்டர் வரை எரிபொருள் வரிசைகள் இருந்தன. அந்த வரிசையில் காத்திருந்த மக்கள் ஆதரவற்ற நிலையில் இரவு பகலாக தவித்து வந்தனர். அன்று எரிபொருள் வரிசைகளில் மக்கள் தங்கள் கடைசி மூச்சை மூச்சுவிடுவது பற்றிய சோகமான செய்திகளுக்கும், வன்முறையில் வெளியிடும் திகில் கதைகளுக்கும் பஞ்சமிருக்கவில்லை.

அன்றும் இன்றும் ஒப்பிட்டுப் பார்த்தால் இன்றைய நிலை மிகவும் வித்தியாசமானது. எரிபொருள் நெருக்கடிக்கு முன்னர் இருந்த இயல்பு நிலைக்கு நாடு திரும்பவில்லையென்றாலும் கிலோமீட்டர் கணக்கில் எரிபொருள் வரிசைகள் இல்லை. தேவையான அளவு எரிபொருள் கிடைக்காவிட்டாலும், கிடைக்கும் எரிபொருளை சிக்கனமாக பயன்படுத்த மக்கள் பழகிவிட்டனர். சமீபகாலமாக எரிபொருள் விலை சூத்திரம் பற்றி பேசப்பட்டு வருவதால், எரிபொருள் கடத்தலும் பெரும்பாலும் நிறுத்தப்பட்டுள்ளது. இந்நிலை பலமாகி நாளுக்கு நாள் வெற்றியை நெருங்க வேண்டும் என்பதே எங்கள் விருப்பம்.

எரிபொருள் நெருக்கடியில் இருந்து ஓரளவு நிவாரணம் திடீரென வரவில்லை. அது சில பரீட்சார்த்தங்கள் மற்றும் சோதனைகளை நாட வேண்டியிருந்தது. இறுதியில், இதுவரை முயற்சித்த சிறந்த முறையைக் கொண்டு தீர்வை உருவாக்க முடிந்தது. இந்தத் தீர்வு அனைத்துத் துறைகளுக்கும் நியாயமான விநியோக முறையை விரைவாக்கத் தேவைப்படுத்தியுள்ளது.

நமது நாட்டில் மீன்பிடி தொழில் மிகவும் சிறப்பு வாய்ந்த தொழில். இருந்தாலும் மீனவர் வேலை என்பது காலையில் போய் மாலையில் வரும் வேலை அல்ல. சில நேரங்களில் அவர்கள் கடலில் நாட்களையும் வாரங்களையும் கழிக்க வேண்டியிருக்கும். அது சிலநேரங்களில் மாதங்கள் ஆகலாம். எனவே, அவர்களுக்கு போதுமான எரிபொருள் இருக்க வேண்டும். எரிபொருள் இல்லை என்றால் மீனவர்கள் கடல் தொழிலை கைவிட வேண்டிய நிலை ஏற்படும்.

மீன்பிடி தொழிலை நம்பியுள்ள குடும்பங்களின் எண்ணிக்கை இங்கு லட்சக்கணக்கில் உள்ளது. கடலுக்கு வேலைக்குச் செல்ல முடியாவிட்டால், அந்த லட்சக்கணக்கான குடும்பங்கள் பட்டினியில் வாடும். எனவே நமது சக குடிமக்களுக்கு இது போன்ற சோகமான கதி வரக்கூடாது. மேலும், மீனவர்கள் கடலுக்குச் செல்லாவிட்டால், நாட்டின் மீன்பிடித் தளங்கள் வெறிச்சோடிவிடும். அதன் தர்க்கரீதியான முடிவு நாம் அன்றாடம் உண்ணும் மீன் விலை உயர்வதனை யாராலும் தடுக்கமுடியாது. இது இன்னொருவகையில் பல்தேசியக்கம்பனிகளின் வியாபார உத்தியாகவும் இருக்கலாம்.

இந்த நிலையில் 'இன்று மீன் விலையைக் கேட்டால் என் உடம்பு ஆட்டம் போடுகிறது', இந்தக் கதைதான் இன்று மீன்களைப் பற்றிக் மக்கள் மத்தியில் கேட்கிறது. சில மாதங்களாக ஒரு மீன் துண்டுகூடச் சாப்பிடவில்லை என்று சிலர் கூறுகிறார்கள். எமது நாடு கடலால் சூழ்ந்திருந்தாலும், ஒரு நல்ல மீன் துண்டை உண்பது பெரும் அக்கப்போராக உள்ளது. மீன்பிடி தொழிலில் ஈடுபடும் மீனவர்களுக்கு ஏற்பட்ட இடையூறுகள் இன்று சாதாரண பொதுமக்களை பாதித்துள்ளது.

எனவே வாகனங்களின் எரிபொருளுக்கு உருவாக்கப்பட்ட முறைமைபோல, எமது மீனவ மக்களுக்கு உடனடியாக தேவையான அளவு எரிபொருளை வழங்குவதற்கான பணி ஆணையை அமுல்படுத்த வேண்டும். இல்லாவிட்டால், மீன்பிடித் தொழிலுக்கும், மீனவர்களின் உயிருக்கும் பெரும் ஆபத்து ஏற்படுவதைத் தடுக்க முடியாது.