பங்களாதேசிடம் இருந்து இலங்கை கற்றுக்கொள்ளவேண்டிய பாடங்கள்

இலங்கை தற்போது கடுமையான பொருளாதார மற்றும் நிதி நெருக்கடிகளை எதிர்கொண்டுள்ளது மற்றும் இந்த மோசமான படுகுழியில் இருந்து வெளியேறுவதற்கான எல்லா நடவடிக்கைகளையும் எடுத்துவருகின்றது. சர்வதேச நாணய நிதியத்தின் (IMF) வழிகாட்டுதல்களை நாடு எடுத்துள்ள அதே வேளையில், மூன்றாம் உலக நாடுகளின் மறுமலர்ச்சி (third world resurgent Nation) அனுபவம் மிகவும் பொருந்தக்கூடிய மற்றும் நடைமுறைக்கு ஏற்றதாக இருப்பதால், இந்த அண்டைய பிராந்தியத்திலிருந்து தீர்வுகளைப் பார்ப்பது பயனுள்ளது.

தெற்காசியாவில் இந்த இக்கட்டான நிலையில் இலங்கை மட்டும் இல்லை பாக்கிஸ்தான் மற்றும் நேபாளமும் பாரிய பொருளாதார மற்றும் நிதிப் பிரச்சினைகளை எதிர்கொண்டு வருகின்றன. அதுபோல் இந்தியாவும் மின்சாரப் பற்றாக்குறையால் மின்வெட்டுகளை எதிர்கொண்டாலும், இந்தியப் பொருளாதாரம் நாணய கையிருப்பைப் பொறுத்தவரை வலுவான நிலையில் உள்ளது. 

1991 இல் இந்தியா இதேபோன்ற பொருளாதார வீழ்ச்சியை எதிர்கொண்டது, அப்போதைய இந்திய நிதியமைச்சர் கலாநிதி மன்மோகன் சிங் அதை நன்கு சமாளித்தார், இது காங்கிரஸ் கட்சி மீண்டும் ஆட்சிக்கு வந்ததும் அவர் பிரதமராக வழிவகுத்தது. இருப்பினும் இலங்கை போன்ற ஒரு சிறிய நாட்டை இந்தியாவுடன் ஒப்பிடுவது நியாயமாக இருக்காது, ஏனெனில் அதன் புவியியல் அளவு மற்றும் மக்கள்தொகை பலம் காரணமாக பொருளாதார மீட்சியுடன் பிராந்திய வல்லரசாகும்.

எனினும், பங்களாதேசின் வெற்றிக் கதையிலிருந்து இலங்கை பாடங்களைக் கற்றுக்கொள்ள முடியும். உலக வங்கியின் சமீபத்திய அறிக்கையின்படி, வங்காளதேசம் வளர்ச்சி மற்றும் செழுமைக்கான வலுவான சாதனைப் பதிவைக் கொண்டுள்ளது. 2010 முதல் 2020 வரையிலான 10 ஆண்டுகளில், வலுவான ஆயத்த ஆடை ஏற்றுமதி, வெளிநாட்டு வருவாய்; மற்றும் நிலையான பொருளாதார வளர்சி நிலைமைகள் ஆகியவற்றின் காரணமாக, வங்காளதேசம் உலகின் வேகமாக வளரும் பொருளாதாரங்களில் ஒன்றாக உள்ளது.

இலங்கையைப் போலவே, பங்களாதேசும் கொவிட் -19 தொற்றுநோயைத் தொடர்ந்து பொருளாதார சரிவை எதிர்கொண்டது, ஆனால் விரைவான பொருளாதார மீட்சியை கொண்டுவந்தது. பங்களாதேசின் மீட்சிக் கதை மிகவும் பாராட்டத்தக்கது, ஏனெனில் அது 1971 இல் மிகவும் ஏழ்மையான நாடுகளில் ஒன்றாக இருந்தது. 1970-71 முதல் சுதந்திரப் போராட்டத்தின் போது பொருளாதார உள்கட்டமைப்பு மற்றும் தொழில்துறைகள் பாரிய அழிவை சந்தித்தது.

ஏழை நாடாகத் தொடங்கிய வங்காளதேசம் வெறும் 4 ஆண்டுகளில் குறைந்த நடுத்தர வருமானம் பெறும் நிலையை எட்டியது. கடந்த தசாப்தத்தில் ஏற்பட்ட விரைவான முன்னேற்றத்துடன், வங்காளதேசம் 2026 இல் ஐக்கிய நாடுகளின் குறைந்த வளர்ச்சியடைந்த நாடுகளின் பட்டியலில் இருந்து விடுபடுவதற்கான பாதையில் உள்ளது. சர்வதேச வறுமைக் கோட்டின் அடிப்படையில், 1991 இல் 43.5 சதவீதமாக இருந்த வறுமை 2016 இல் 14.3 சதவீதமாகக் குறைந்துள்ளது. அவர்கள் ஒரு நாளைக்கு 1.90 யுஎஸ் டொலரினை உழகை;கும் மக்கள் தொகை. மேலும், மனிதவள வளர்ச்சியின் முடிவுகள் பல பரிமாணங்களில் மேம்பட்டுள்ளன.

நேபாளம், பாக்கிஸ்தான் மற்றும் இலங்கையைப் போலல்லாமல், இன்று பங்களாதேஸ் மற்ற வளரும் நாடுகளுக்கு வெற்றிக் கதையின் உதாரணத்தை வழங்குகிறது. பாரிய திட்டங்களை முன்கூட்டியே செயல்படுத்தியதில் வங்கதேசம் முன்னிற்கின்றது. அதுபோக கிராமங்களில் நகர்ப்புற வசதிகள் உறுதி செய்யப்பட்டுள்ளன. தலைநகரில் பெரும்பாலான சாலைகளில் மேம்பாலங்கள் காணப்படுகின்றன. மெட்ரோ ரயில் விரைவில் தொடங்கப்படும் திட்டம் தீட்டப்பட்டுள்ளது. 

இதனால் பங்களாதேசின் அரசாங்கம் நாட்டின் முன்னேற்றத்தில் மிகுந்த விவேகத்தையும் தொலைநோக்கையும் காட்டியுள்ளது எனலாம்;. இதன்காரணமாக பாரிய அபிவிருத்தித் திட்டங்களை நாடு எவ்வித அச்சமுமின்றி கையகப்படுத்த முடியும். நாடு முழுவதும் நூறு பொருளாதார வலயங்கள் நிறுவப்பட்டுள்ளன. பங்களாதேசிக்கு முதலீடுகள் பல்வேறு நாடுகளில் இருந்து வருகின்றன, ஏனெனில் நாடு நேர்மறையான சாதனைப் பதிவைக் கொண்டுள்ளது. நாட்டின் பொருளாதார அடித்தளம் இன்னும் வலுவாக உள்ளது என்று கூறலாம்.

பங்களாதேசின் அந்நியச் செலாவணி கையிருப்பு இப்போது 45 பில்லியன் டாலருக்கும் அதிகமாக உள்ளது, இறக்குமதி செலவுகள் அதிகரித்துள்ள போதிலும். ஒப்பீட்டளவில், இலங்கையில் டொலர் 2 பில்லியனுக்கும் குறைவான தொகை உள்ளதுடன், அதில் 50 மில்லியன் அமெரிக்க டொலர்கள் மட்டுமே தற்போது கிடைக்கப்பெற்றுள்ளதாக முன்னால் நிதி அமைச்சர் அலி சப்ரி தெரிவித்துள்ளார். 

எனவே, பங்களாதேசை இலங்கையுடன் ஒப்பிட முடியாது இப்போது பங்களாதேசின் வளர்ச்சி விகிதம், தொற்றுநோய்க்கு முன்பே, பாகிஸ்தானை விட அதிகமாக இருந்தது; 2018-19ல் இது பாகிஸ்தானின் 5.8 சதவீதத்துடன் ஒப்பிடுகையில் 7.8 சதவீதமாக இருந்தது. உலக வங்கி, உலக பொருளாதார மன்றம் உட்பட பல்வேறு சர்வதேச நிறுவனங்கள் வங்காளதேசத்தின் பொருளாதார வளர்ச்சியை யாரும் சொல்ல முடியாத 'அற்புதமான புதிர்' என்று அடையாளம் கண்டுள்ளன.

பங்களாதேசை ஒரு அதிசயக் கதையாக வர்ணிக்கப்படும் வேளையில்; இலங்கையும் பாகிஸ்தானும் பேரழிவுக் கதைகள் என அழைக்கலாம். இலங்கையை விட மோசமான அரசியல் மற்றும் பொருளாதார நெருக்கடியில் பாகிஸ்தான் உள்ளது. 130 பில்லியன் டாலர் கடனில் உள்ளது. அதே சமயம் பணவீக்கம் எந்தக் கட்டுப்பாடும் இல்லாமல் எகிறிக் கொண்டிருக்கிறது. கடந்த மூன்று ஆண்டுகளாக பாகிஸ்தானின் முன்னேற்றம் தடைபட்டுள்ளது. பாகிஸ்தான் ரூபாயின் மதிப்பு சரிவு, கையிருப்பு சரிவு, பொருட்களின் விலை உயர்வு மற்றும் வருவாய் பற்றாக்குறை போன்றவற்றால் பொருளாதாரம் ஏற்கனவே பலவீனமாக உள்ளது. பாகிஸ்தானின் பணமதிப்பு சரிந்தது மட்டுமல்லாமல், அதன் பொருளாதாரத்தின் சக்கரங்கள் கடந்த மூன்று ஆண்டுகளில் மந்தமடைந்துள்ளன. சமீபத்திய அரசியல் அமைதியின்மை அதன் வணிக மற்றும் தொழில் துறைகளை உலுக்கியது.

இலங்கையின் பொருளாதார சவால்களைப் பற்றி நாம் பல்வேறு காரணிகளை மேற்கோள் காட்டலாம்;, இலங்கையின் தற்போதைய மற்றும் எதிர்காலத் திட்டங்களில் பல்வேறு நாடுகள் பாடங்களைக் கற்றுக்கொள்ள முடியும். இலங்கை பல பாரிய திட்டங்களை முன்னெடுத்துள்ளது. துறைமுகங்கள், விமான நிலையங்கள், சாலைகள் மற்றும் பிற திட்டங்கள் இதில் அடங்கும், அவற்றில் சில இப்போது; தேவையற்றதாகவும் கருதப்படுகின்றன. வௌ;வேறு அரசாங்கங்கள் உள்நாட்டிலும் வெளிநாட்டிலும் வௌ;வேறு மூலங்களிலிருந்து கடன்களைப் பெற்றுள்ளன. இதன் விளைவாக, அவர்களின் அந்நியச் செலாவணி கையிருப்பு படிப்படியாக வெளியேறியது. பொருளாதார நிபுணர்களின் கூற்றுப்படி, கடந்த 15 வருடங்களில் இலங்கையின்; சிறியளவிலான நேரடி வெளிநாட்டு முதலீடுகள் மேற்கொள்ளப்பட்டுள்ளன. அதற்குமேல் வெளிநாட்டு முதலீட்டுக்குப் பதிலாக, பல்வேறு அரசாங்கங்கள் கடன் வாங்குவதில் கவனம் செலுத்துகின்றன.

அண்மைக்காலமாக பொருளாதார வீழ்ச்சி ஏற்பட்டுள்ள போதிலும், நேபாளம் மற்றும் பாகிஸ்தானை விட இலங்கை சற்று சிறந்த நிலையில் உள்ளது. இப்போது இந்தியா, சீனா மற்றும் பல நாடுகளின் கடன் மறுசீரமைப்பு வசதிகள் மற்றும் சர்வதேச நாணய நிதியத்தின் உடனடி உதவியுடன், இலங்கைக்கு சுவாசிக்க உதவியுள்ளது. மற்றும் இவை பொருளாதாரத்தை மீண்டும் ஒரு புதிய பாதையில் கொண்டு வருவதற்கான நீண்ட கால நடவடிக்கைகளை பரிசீலிக்கும். வெளிநாட்டு மற்றும் உள்நாட்டு முதலீடுகளை ஈர்ப்பதன் மூலம் தொழில்துறை மற்றும் விவசாயம், ஆடைகள் மற்றும் பல பொருட்களின் ஏற்றுமதியை அதிகரிப்பதில் அந்நாடு எவ்வாறு வெற்றிபெற்றது என்பது குறித்து பங்களாதேசிடம் இருந்து இலங்கை பல பாடங்களைக் கற்றுக்கொள்ள முடியும்.