இலங்கையில் மதுபான பாவனையின் தாக்கம்- பெண்களுக்கு இருக்கும் அச்சுறுத்தல்

(மக்களுக்கு விழிப்புணர்வை ஏற்படுத்தும் கருத்துரை)

முன்னுரை

இலங்கையில் மதுசாரம், புகைப்பொருட்கள் மற்றும் போதைப்பொருட்களின் பாவனை நாளுக்கு நாள் அதிகரித்து வருகிறது. இது நாட்டின் பொருளாதாரம், சமூக அமைதி, மக்களின் உடல் மற்றும் மனநிலையை பெரிதும் பாதிக்கின்றன. குறிப்பாக, பெண்கள் நேரடியாக மதுசார பாவனையாளர்களாக இல்லாவிட்டாலும், மற்றவர்களின் பாவனையால் அவர்களும் பலவிதமான இன்னல்களுக்கு முகங்கொடுக்க வேண்டிய நிலை ஏற்படுகிறது.

சமீபத்தில் 2025ஆம் ஆண்டு சர்வதேச மகளிர் தினத்தை முன்னிட்டு மதுசாரம் மற்றும் போதைப்பொருள் தகவல் நிலையம் நடத்திய ஆய்வின் படி, 15 வயதுக்கு மேற்பட்ட 1000 பெண்களில் 54% பெண்கள் மதுசார பாவனையால் பாதிக்கப்பட்டுள்ளனர். மேலும், 69% பெண்கள் பொது இடங்களில் அசௌகரியங்களை சந்திக்கின்றனர், எனவே இது ஒரு தீவிர பிரச்சினையாக மாறியுள்ளது.

பெண்கள் மதுசார பாவனை மேற்கொள்வது குறைவாக இருந்தாலும், குடும்ப உறுப்பினர்கள், கணவன், உறவினர்கள், நண்பர்கள் அல்லது பொதுமக்கள் மதுசாரத்தைப் பயன்படுத்துவதன் மூலம் பெண்கள் நேரடியாகவும் மறைமுகமாகவும் பாதிக்கப்படுகின்றனர். இவற்றை வெளிக்கொணருவதற்காகவும், பெண்கள் எதிர்கொள்ளும் சமூக, உடல், உளவியல் பிரச்சினைகளை ஆய்வு செய்யவும், 2025ஆம் ஆண்டுக்கான சர்வதேச மகளிர் தினத்தினை முன்னிட்டு, மதுசாரம் மற்றும் போதைப்பொருள் தகவல் நிலையம் ஒரு ஆய்வினை மேற்கொண்டது.

இந்த கட்டுரையில், மதுசார பாவனையின் தாக்கம், பெண்கள் எதிர்நோக்கும் சிக்கல்கள் மற்றும் அதனை கட்டுப்படுத்துவதற்கான விளக்கங்களை நாங்கள் ஆய்வு செய்வோம்.

ஆய்வு மற்றும் முக்கியமான தரவுகள்

இந்த ஆய்வு 25 மாவட்டங்களில் இருந்து, 15 வயதுக்கு மேற்பட்ட 1000 பெண்களை அடிப்படையாகக் கொண்டு மேற்கொள்ளப்பட்டது.

பெண்கள் எதிர்கொள்ளும் பிரச்சினைகள்:

• 54% பெண்கள் சமூக ரீதியாகவும் தனிப்பட்ட முறையிலும் பல பிரச்சினைகளை எதிர்நோக்குகின்றனர்.
• 42% பெண்கள் உளவியல் ரீதியாக பாதிக்கப்படுகின்றனர்.
• 69% பெண்கள் பொது இடங்களில் பல்வேறு அசௌகரியங்களை சந்திக்கின்றனர்.

மதுசாரம் மற்றும் பெண்களின் உரிமை மீறல்:

• 37% பெண்கள் மதுசார நிறுவனங்கள் பெண்களின் உரிமைகளை தவறாக பயன்படுத்துவதைப் பற்றிய விழிப்புணர்வை பெறவில்லை.
• 40% பெண்கள் மதுசார நிறுவனங்கள் பெண்களை இலக்காகக் கொண்டு விளம்பரங்களை செய்கின்றன என தெரிவித்துள்ளனர்.
• 29% பெண்கள் பெண்களின் உரிமைகளை வைத்து மதுசாரம் விளம்பரப்படுத்தப்படுகின்றது என குறிப்பிட்டுள்ளனர்.
• 34% பெண்கள் இது தொடர்பான விழிப்புணர்வு குறைவாகவே காணப்படுகின்றது என தெரிவிக்கின்றனர்.
• 64% பெண்கள் மதுசார நிறுவனங்கள் தங்களது விளம்பரங்களை பெண்களை மையமாக வைத்து நடத்துவதாக கூறியுள்ளனர்.

பொதுமக்கள் மதுசார பாவனை மற்றும் பெண்களுக்கு ஏற்படும் பாதிப்பு:

• 27.4% பெண்கள் அயலவர்களின் மதுசார பாவனையால் பாதிக்கப்படுகின்றனர்.
• 27% பெண்கள் தெரிந்தவர்களின் (நண்பர்கள், வேலைத் தொடர்பானவர்கள்) மதுசார பாவனையால் பாதிக்கப்படுகின்றனர்.
• 20% பெண்கள் உறவினர்களின் மதுசார பாவனையால் பாதிக்கப்படுகின்றனர்.

மதுசார பாவனையின் உளவியல் மற்றும் சமூக விளைவுகள்:

• 42% பெண்கள் உளவியல் ரீதியாக பாதிக்கப்படுகின்றனர்.
• 38.2% பெண்கள் தமது மகிழ்ச்சி சீர்குலைவதாக குறிப்பிடுகின்றனர்.
• 24% பெண்கள் தங்களது சுதந்திரம் மட்டுப்படுவதாக கூறுகின்றனர்.
• 27.3% பெண்கள் பொருளாதார நெருக்கடிகளை எதிர்கொள்கின்றனர்.
• 12% பெண்கள் குடும்ப வன்முறைகளுக்கு ஆளாகின்றனர்.
• 18% பெண்களின் கல்விக்கு தடைகள் ஏற்படுகின்றன.

மதுசார பாவனை காரணமாக பொதுவிடங்களில் பெண்கள் எதிர்கொள்ளும் பிரச்சினைகள்:

• 69% பெண்கள் பொது இடங்களில் அசௌகரியங்களை எதிர்நோக்குகின்றனர்.
• 61% பெண்கள் இவற்றை வெளிப்படுத்த தயங்குகின்றனர்.
• 11% பெண்கள் இது தொடர்பாக கருத்து தெரிவிக்க விரும்பவில்லை.

மதுசார விளம்பரங்கள் பெண்களை இலக்காக வைத்துக்கொள்ளும் விதங்கள்:

• 54% பெண்கள் திரைப்படங்களில் மதுசார விளம்பரங்கள் இடம்பெறுவதாக கூறியுள்ளனர்.
• 43% பெண்கள் முகப்புத்தகத்தில் (Facebook) மதுசார விளம்பரங்கள் இடம்பெறுவதாக குறிப்பிட்டுள்ளனர்.
• 29.3% பெண்கள் டிக்டொக் போன்ற சமூக வலைத்தளங்களில் மதுசார விளம்பரங்கள் இடம்பெறுவதாக கூறியுள்ளனர்.
• 24.2% பெண்கள் நிகழ்ச்சிகள் மற்றும் விழாக்களில் மதுசாரம் விளம்பரப்படுத்தப்படுவதாக கூறியுள்ளனர்.
• 23.6% பெண்கள் பொதுமக்கள் ஒன்றுகூடும் நிகழ்ச்சிகளில் மதுசார விளம்பரங்களை எதிர்கொள்ள நேரிடுவதாக குறிப்பிடுகின்றனர்.

மதுசார பாவனையை கட்டுப்படுத்துவதற்கான உத்திகள்

1.     NATA சட்டத்தை வலுப்படுத்தல்:

• (National Authority on Tobacco and Alcohol - NATA) சட்டத்தின்படி, மதுசாரம் மற்றும் புகைப்பொருட்கள் தொடர்பான விளம்பரங்கள் தடைசெய்யப்பட்டுள்ளன.
• ஆனாலும், இன்னும் பல நிறுவனங்கள் சமூக வலைத்தளங்கள், திரைப்படங்கள் மற்றும் விளம்பர ஊடகங்களைப் பயன்படுத்தி பெண்களை இலக்காகக் கொண்டு விளம்பரங்களை செய்கின்றன.
• எனவே, இந்த சட்டத்தை மேலும் வலுப்படுத்த அரசாங்கம் உடனடியாக நடவடிக்கைகளை எடுக்க வேண்டும்.

2.     மதுசார விளம்பரங்களை கட்டுப்படுத்தல்:

• பெண்கள் மற்றும் இளைஞர்களை இலக்காகக் கொண்ட விளம்பரங்களைத் தடுக்க அரசு மற்றும் சமூக அமைப்புகள் கூட்டாக செயல்பட வேண்டும்.
• பெண்களை விளம்பரங்களுக்கு பயன்படுத்தும் நிறுவனங்கள் மீது கடுமையான நடவடிக்கைகள் எடுக்க வேண்டும்.

3.     பெண்களுக்கான விழிப்புணர்வு:

• மதுசார பாவனை என்பது பெண்களுக்கு நேரடி மற்றும் மறைமுகமான பாதிப்புகளை ஏற்படுத்துகின்றது என்பதைக் குறித்து மகளிர், இளைஞர்கள், குடும்ப உறுப்பினர்கள் அனைவரும் விழிப்புணர்வைப் பெற வேண்டும்.
• பெண்கள் தங்களை பாதிக்கும் பிரச்சினைகளை வெளிப்படுத்தும் மனோதைரியத்தை அடைய வேண்டும்.

4.     கல்வி மற்றும் தகவல் பரப்பல்:

• பள்ளிகள் மற்றும் பல்கலைக்கழகங்களில் மதுசார பாவனையின் தீமைகள் பற்றிய கல்வியை குழந்தைகளுக்கும், இளைஞர்களுக்கும் வழங்க வேண்டும்.
• பெண்களின் உரிமைகள், சுதந்திரம், மதுசாரம் மற்றும் புகைப்பொருட்கள் ஏற்படுத்தும் விளைவுகள் பற்றிய விழிப்புணர்வை சிறுவயதிலேயே வழங்குவது அவசியம்.

5.     பெண்களின் உரிமைகளை உறுதி செய்தல்:

• பெண்களின் பாதுகாப்பு, உரிமைகள் மற்றும் சுதந்திரத்தை உறுதி செய்ய அரசாங்கம், சமூக அமைப்புகள், பெண்கள் அமைப்புகள் மற்றும் ஊடகங்கள் கூட்டு நடவடிக்கைகளை மேற்கொள்ள வேண்டும்.

முடிவுரை

இலங்கை ஒரு பண்பாட்டு மரபு மிக்க நாடாகும். பெண்கள் சமூகத்தின் முக்கியமான பகுதி என்பதோடு, அவர்கள் குடும்பத்தின் தூணாகவும் இருக்கின்றனர். எனவே, பெண்களை இலக்காகக் கொண்டு மதுசார நிறுவனங்கள் விற்பனை செய்வதை அனுமதிக்கக்கூடாது.

மக்கள் அனைவரும் விழிப்புணர்வுடன் இருந்து, மதுசார பாவனையை குறைக்கும் நடவடிக்கைகளை எடுக்க வேண்டும். பெண்கள் எதிர்கொள்ளும் பிரச்சினைகளை அடையாளம் காண்ந்து, மதுசாரம் மற்றும் புகையிலை நிறுவனங்கள் பெண்களின் உரிமைகளை மீறாமல் இருக்க சட்டபூர்வமான நடவடிக்கைகளை முன்வைக்க வேண்டும்.