இளைஞர்களை போதைக்கு இரையாக்கும் ஆபத்தில் இருந்து மீட்போம்.

இலங்கை மக்களின் சமூக வாழ்க்கைக்கு ஏற்பட்டுள்ள கொடிய பயம் முழு நாட்டையும் சூழ்ந்துள்ள போதைப்பொருள் அச்சுறுத்தலாகும். மக்களின் வாழ்வில் போதைப்பொருளின் தாக்கத்தை குறைத்து மதிப்பிட முடியாது. அரசு மற்றும் அரசு சாரா நிறுவனங்கள் போதைப்பொருள் தொற்று குறித்து மக்களுக்கு விழிப்புணர்வு ஏற்படுத்த பல்வேறு திட்டங்களை நடத்தி வருகின்றன. ஆனால் கடந்த முப்பது ஆண்டுகளில், இந்த தொற்றுநோய் நாட்டில் விசாலமாகப் பரவியுள்ளது.

போதைப்பொருள் பரவலைத் தடுக்க அரசாங்கம் பல்வேறு போதைப்பொருள் எதிர்ப்புத் திட்டங்களை அறிமுகப்படுத்தியது, ஆனால் அவை வெறும் பிரச்சாரத் திட்டங்களாகவே இருந்தன. பெரும்பாலும் கோடிக்கணக்கான அரசின் பணம் செலவழிக்கப்பட்டு புத்தகங்கள், துண்டுப் பிரசுரங்கள், சுவரொட்டிகள் மட்டுமே காட்சிப்படுத்தப்பட்டன. போதைப்பொருள் சோதனைகள் மற்றும் கைதுகள் பெரும்பாலும் அந்தந்த அரசாங்கங்களின் நிகழ்ச்சிகளாகவே இருந்தன. இத்தனை பிரச்சினைகளுக்கு மத்தியிலும் போதைப்பொருள் தொற்று இலங்கை முழுவதும் பரவியுள்ளது. இதன் பக்கவிளைவாக பாதாள உலக செயற்பாடுகள் அதிகரித்துள்ள நிலையில் பாதாள உலகக் கும்பல்கள் ஒருவரையொருவர் கொன்று குவித்தும், சுதந்திரமாக வாழும் மக்களை சுட்டுக் கொன்று வருவதுடன், மக்களின் உயிர் அச்சத்தில் உள்ளதும் இதன் ஒரு பாரிய விளைவாகப் பார்க்கப்படுகின்றது.

வரி விதிக்கும் மக்கள் தெரிவுகளால் விழிபிதுங்கும் சாதாரணமக்கள்!

சமீபகாலமாக அரசர்களின்; பிள்ளைகள் ஆட்சி செய்த காலம் தொட்டு இந்த நாடு மக்களிடம் இருந்து வரிப்பணம் செலுத்தப்பட்டு வருகின்றது என்பது இரகசியமல்ல. அவை பல்வேறு கல்வெட்டுகள் மூலம் தெரியவந்துள்ளது, ஆனால் அவர்கள் பொதுவாக எல்லா மக்களிடமிருந்தும் அவற்றை வசூலிக்கவில்லை.; வாழ்வாதாரத்திற்குப் போதுமானதைத் தாண்டிச் செல்வத்தைக் குவிக்கும் மக்களிடமிருந்தும், அதுபோல அளவுக்கதிகமான சொத்துக்களை வைத்து, வரம்பற்ற செல்வத்தை ஈட்டும் பல்வேறு நபர்களிடம் இருந்தம் மாநில வரிகள் அறவிடப்பட்டதாக தெரிகிறது. ஆனால் அந்த நியாயமான நிலை மாறி இன்று ஒட்டுமொத்த மக்களும் வரிச்சுமையை சுமக்க வேண்டிய நிலை ஏற்பட்டுள்ளது.

குடியிருப்புக் குமார்

மீன்பாடும் தேனாடாம் மட்டக்களப்புக்கு தெற்கே, கமவாசம் வீசும் கலைகொஞ்சும் பதி தேத்தாத்தீவு அங்கேதான் குடியிருப்பு எனும் பூர்வீக அழகிய இயற்கை எழிலகொஞ்சும்; ஒரு சிறிய கிராமம் உள்ளது.

இங்குள்ள மக்கள் கமம் மற்றும் மீன்பிடியில் அதிகம் ஈடுபட்டுவருகின்றனர். இவர்கள் கிட்டத்தட்ட ஒரு கிலோமீற்றர் தேத்தாத்தீவு கிராமம் வர தேவைப்படுகின்றது. 

அந்தப்பாதையின் இருமருங்கும் குளம் அமைந்துள்ளது. தேத்தாத்தீவு மக்கள் குடியிருப்பு மக்கள் பிரயோகிக்கும் பாதையின் இருமடங்கும் இரவு நேரங்களில் குப்பைகளைக்கொட்டி வருகின்றனர். 

இதனால் பல அசௌகரியங்களை எதிர்கொண்டு வருகின்றனர் குடியிருப்புக்கிராம பாதசாரிகள். இக்குப்பைகளில் இருந்து வரும் துர் நாற்றம் இந்த மக்களுக்கு பல நோய்த்தொற்றுக்கு காரணமாகின்றது. குழந்தைகள் முதியவர்கள் செல்ல முடியவில்லை. அமைப்புக்கள் எதுவும் கண்டுகொள்ளவில்லை ஏனெனில் அது ஏழைக்கிராமம். கல்வியில் பின்தங்கிய கிராமம். குளம் அசுத்தமடைகின்றது.

அன்புடையவராய் இரு

 

வாழ்க்கையில் அடுத்தநொடி

 

உன்னுடைய பாதை

 

மாணவர்களிடையேயும் எயிட்ஸ்நோய்: அவதானமில்லாமல் போனால் ஆபிரிக்காவாகப்போகும்!

கடந்த வாரம் வெளிவந்த ஊடக அறிக்கையின்படி சுமார் 485 புதிய எச்.ஐ.வி தொற்றுக்கள் இந்த ஆண்டின் ஓக்டோபர் 31க்குள் அடையாளம் காணப்பட்டுள்ளன. அதிலும் 15 தொடக்கம் 24 வயதுக்குட்பட்டவர்களிடையே அது இம்முறை அதிகரித்துள்ளதனை சுட்டிக்காட்டியுள்ளது. இது இவ்வாறிருக்க 2021 இன் அறிக்கைப்படி, மொத்த தொற்றாளர்களின் எண்ணிக்கை 411 ஆகவும் அது கடந்த வருடம் 2022 மட்டில் 607 ஆக அதிகரித்து வந்துள்ளதனையும் ஆபாய சமிக்ஞையாக காட்டியுள்ளது.

இன்று இலங்கையில் உள்ள ஊடகங்கள் பல உடனடி நடந்தேறுகின்ற கொலை, விபத்துக்கள், தற்கொலை, வீதிவிபத்துக்கள் என்பனவற்றினை பெரிதாகப் பிரசுரிப்பதில் ஆர்வம் காட்டுவதுபோல ஏட்ஸ் மற்றும் கான்சர் போன்ற சிறுகச் சிறுகக் கொல்லும் ஆபத்துக்கள் பற்றி பேசுவது குறைவு. எமது எதிர்கால சந்ததியை சாக்கடையாக்கும் இக்கொடிய நோய்பற்றி பேசவேண்டியுள்ளது இன்று. அதற்கு இத்தரவுகள் போதிய ஆதாரமாக உள்ளதல்லவா.

வலுவூட்டுவோம் வாருங்கள்

மட்டக்களப்பின் பல பின்தங்கிய கிராமப்புறங்கள், கவனிப்பின்மை, பாராமுகம், வறுமை போன்ற இன்னோரன்ன போராட்டங்களுக்கு மத்தியில், எதிர்காலத்தை வடிவமைக்கும் ஒரு ஆழமான வாய்ப்பு அங்கு உள்ளது. தளராத அர்ப்பணிப்புடன், சிறு கிராமங்கள் மற்றும் பாடசாலைகளுக்குச் சென்று, நாளைய எதிர்காலத்தின் திறவுகோலைக் கொண்டிருக்கும் மற்றும் ஏக்கத்தில் வாழும் இளம் உள்ளங்களைத் தொடர்புகொள்வதில் எனது நேரத்தை செலவிடுகிறேன்.

காந்திநாகரில், இந்தக் குழந்தைகளில் சிறிய நேரத்தினை முதலீடு செய்வது என்பது பிரகாசமான, அதிக நெகிழ்ச்சியான சமூகத்தில் முதலீடு செய்வதாகும் என்பதை நாங்கள் அங்கீகரிக்கிறோம்.

அவர்கள் மாற்றத்தின் விதைகள், அவர்களின் வளர்ச்சியை பாதுகாப்பது நமது கடமை. அவர்கள் எதிர்கொள்ளும் தடைகள் பல இருந்தபோதிலும், அவர்களின் சூழ்நிலைகளை விட முன்னேறும்; திறனை நாங்கள் நம்புகிறோம். அவர்களுடன் நேரத்தை செலவழிப்பதன் மூலம், அவர்களின் திறனை வலுப்படுத்துவது மட்டுமல்லாமல், அவர்களின் கனவுகள் மெய்ப்படும் மற்றும் அடையக்கூடியவை என்ற நம்பிக்கையை அவர்களிடம் விதைக்கிறேன். ஒன்றாக, இந்த குழந்தைகளுக்கு தடைகளை உடைப்பதற்கும்;, சாத்தியம் நிறைந்த எதிர்காலத்தை உருவாக்குவதற்கும் வலுவூட்டுவோம் வாருங்கள்.