வீதி விபத்துக்கள் தொடர்ந்துகொண்டே போகும் பேரழிவு

இலங்கையில் வீதி விபத்துக்கள் ஒரு பெரும் சமூக பிரச்சினையாக மாறிவிட்டன. ஒவ்வொரு ஆண்டும் நூற்றுக்கணக்கான மக்கள் வீதி விபத்துகளில் உயிரிழக்கின்றனர், ஆயிரக்கணக்கானோர் காயமடைகின்றனர். இந்த விபத்துகள் தனிநபர்களுக்கும் குடும்பங்களுக்கும் மட்டுமல்லாமல் நாட்டின் பொருளாதாரத்திற்கும் பெரும் தாக்கத்தை ஏற்படுத்துகின்றன.

2024 ஆம் ஆண்டின் முதல் ஆறு மாதங்களில் இலங்கையில் 1103 வீதி விபத்துகள் ஏற்பட்டுள்ளதாகவும், இதில் 1154 பேர் உயிரிழந்துள்ளதாகவும் போக்குவரத்து அமைச்சர் லசந்த அழகியவன்ன தெரிவித்துள்ளார். 2023 ஆம் ஆண்டில் 2200 வீதி விபத்துகளில் 2557 பேர் உயிரிழந்துள்ளனர் என்பதை இது ஒப்பிடுகையில் காட்டுகிறது.

களுதாவளைச் சுயம்புலிங்கர் பேராலயம் ஒரு ஆன்மீக நிறுவனமாகும் கனவு!

 இந்துசமுத்திரத்தின் முத்தான இலங்காபுரியின் கிழக்கே, இராவணன் இருந்தாண்ட பூர்வீக மண்ணின் தெற்கே, மீன்பாடும் தேன்நாடான மட்டக்களப்புக்கு தெற்கே, வங்கக் கடல் அலைமோத, வற்றாத வாவிமகள் வளைந்தோட, வெற்றிலையும் வேளாண்மையும், வெற்றி கொண்ட தமிழ் மக்களும் செறிந்திலங்கு களுவைநகரில் சுயம்பாக வந்தமர்ந்த வரலாற்றுச் சிறப்புமிக்க களுதாவளைச் சுயம்புலிங்கப்பெருமானின் பொற்பாதம் பணிந்து ஒரு கட்டுரையினை எழுதுகின்றேன்.

'களுதாவளைக்கு நீங்க வந்து பாருங்க-அங்கு 

கணநாதன் சந்நதியில் நின்று பாருங்கள் 

ஆறாத காயங்களும் ஆறி போகுங்க-அது

ஆறாவிட்டால் வந்து என்னைக் கேளுங்க' 

எழுத்தினை இப்படி துவங்குகின்றேன். எனது சிறிய வயசில் பசுமரத்தாணிபோல் பதிந்த பல விடயங்களில் என்னுடைய அம்மம்மாவின் பாசம் அன்பு என்பவை மறக்கமுடியாதது. ஆம் எனது அம்மம்மா என்னுடனும் எல்லோருடனும் சிரித்த முகத்துடன் அன்பாகவும் பாசமாகவும் இருக்கும் ஒரு இறை நம்பிக்கைகொண்டவர். அவர்; பார்ப்பதற்கு எப்பொழுதும் நெற்றி நிறைய நீறணிந்து, சுத்தமாக உடைதரித்து மங்கலமாக இருப்பார்.

வர்தக மற்றும் சுற்றுச்சூழல் ராஜாங்க அமைச்சு மட்டக்களப்பாருக்கு வரப்பிரசாதமா?

சமீபத்தில் வர்த்தக அமைச்சராக நியமிக்கப்பட்டதற்கு நண்பன் வியாழேந்திரனை முதலில் வாழ்த்துவதில் அகமகிழ்வடைகின்றேன், வாழ்த்துகள்!

கணிசமான பொருளாதார வளர்ச்சி மற்றும் சமூக வளர்ச்சியை உந்தித் தள்ளும் மகத்தான ஆற்றலுடன், உங்கள் தலைமை நமது பிராந்தியத்திற்கு ஒரு முக்கிய தருணத்தில் வருகிறது. 

நண்பரும் அமைச்சருமான ச.வியாழேந்திரனின் அன்பான அழைப்பின்பேரில் அண்மையில் அவரது உத்தியோகபூர்வ வாசல்தலத்தில் சந்தித்து பல மணிநேரம் எமது நீண்டநாள் நட்பினை பகிரக்கிடைத்தது. அரசியல் மற்றும் அபிவிருத்தி சார்ந்தே பலவிடயங்களை எமக்குள் கதைத்துக்கொண்டோம். மிகவும் சுறுசுறுப்பாக இயங்கும் அவரது செயற்பாட்டுக்கு கிடைத்த தீனியாக இந்த புதிய அமைச்சுப்பதவி அமையும் என்பதில் எதுவித ஐயமும் இல்லை.

இல்லத்தின் பாதுகாப்பு: விழிப்புணர்வும் கட்டுப்பாடும் அவசியம்

அண்மைய  நிகழ்வுகளில், 17 வயது பாடசாலை மாணவி ஒருவர், மின்சார தைக்கும் இயந்திரத்தை பாதுகாப்பற்ற முறையில் இயக்குவதற்கு முயற்சித்தபோது மின்சாரம் தாக்கி உயிரிழந்த துயர சம்பவம், வீட்டுப் பாதுகாப்பு மற்றும் பொதுவான பாதுகாப்பு குறித்த விழிப்புணர்வை ஏற்படுத்துவதன் அவசியத்தை எடுத்துக்காட்டுகிறது.

இந்த மாணவி, மின்சார தைக்கும் இயந்திரத்தின் மோட்டார் கம்பிகளை சுவரில் உள்ள சுவிட்ச் சொக்கெட்டில் இணைக்க முயற்சித்து தோல்வியடைந்தார். பின்னர், மின்சாரக் கம்பிகளை வெட்டி, கம்பிகளை நேரடியாக சொக்கெட்டில் செருகுவதன் மூலம் இணைக்க முயன்றபோது மின்சாரம் தாக்கி உயிரிழந்தார். மருத்துவமனைக்குக் கொண்டு செல்லப்பட்டாலும், அங்கு அவர் இறந்துவிட்டதாக அறிவிக்கப்பட்டது.

மறக்க முடியாத உபவேந்தர்: பேருக்கில்லாமல் கடமைக்கு வாழ்ந்தவர்!

பேராசிரியர் கிட்ணன் கோபிந்தராஜா   https://web.facebook.com/Kobi.Kiddnan அவர் முன்னால் உபவேந்தர் எனக்கு மிகவும் பிடித்த ஒரு சிந்தனையாளன்,  கல்வியியலாளன். அபிவிருத்தியாளன் மற்றும் ஒரு நிருவாகத் திறமைசாலி இதில் யாருக்கும் மாற்றுக்கருத்துக்கிடையாது. அண்மையில் எனது லிங்ட்னில் காணக்கிடைத்தது. அவரைப்பற்றி இன்னும் தேடத்துவங்கினேன்.

அதனூடாக, ResearchGate எனும் ஒரு ஆய்வுத்தளம் அதில் கண்டுபிடித்தேன். இது உலகளவில் அங்கீகரிக்கப்பட்ட ஒரு ஆய்வுத்தளம். இதில் எத்தனை விரிவுரையாளர்களின் பப்ளிக்கேசன் உள்ளது என்பதனை வைத்து அவர்களின் ஆய்வுத்திறனை உலகளவில் மட்டிடலாம்.

பவளவிழா கொண்டாடும் எருவில் கண்ணகி மகா வித்தியாலயம். கருத்தில் எடுக்கவேண்டிய கிராம்!

'எருவில் கிராமம்' நான் நேசிக்கும் அயல் கிராமங்களில் முதன்மையானது. பல கலைஞர்களும், கவிஞர்களும், சிறந்த சிந்தனையாளர்களும், பண்பாளர்களும், சிரத்தையுள்ளவர்களும், தமிழ் உணர்வாளர்களும் மற்றும் கல்விமான்களும் அதிகம் வாழ்ந்த மற்றும் வாழும் கிராமம். 

என்னுடைய பார்வையில் ஏன் ஒரு கிராமத்தினை எமது பகுதியில் பெரிதாக நேசிக்கின்றேன் என்றால், அதற்று பின்வரும் காரணங்களைச் சுட்டிக்காட்டுவேன், அவர்களிடம் இன்னும் வளர்ந்துவரும்; சக மனிதர்களை மதித்தல், ஆதரித்தல், அத்துடன் தமிழருக்கே 'அதிலும் மட்டு மண்ணுக்கு உரித்தான' கலாசாரம், பண்பாடு, நாகரிகம் என்பனவற்றினைப் பேணுதல் மற்றும் வளர்தல், பொருளாதார ரீதியாக ஒருமித்த வளர்சியில் முன்செல்லல் (அதிகரித்த வேலைவாய்ப்பு, வெளிநாட்டு வருவாய், சுயதொழில்மேன்மை, கூட்டுத்தொழில், சிறிய தொழில்பேட்டைகளை நிறுவல் மற்றும் பல) கல்வியில் வளர்சி, வேறு கிராமத்தவரின் நல்ல அனுபவங்கள், படிப்பினைகளை வாஞ்சையோடு உள்வாங்கி வளர்தல், பெண்கள் மற்றும் சிறுவர்களை பொக்கிசமாய் பாதுகாத்தல் மற்றும் அரசியலில் ஈடுபடும் தலைமைத்துவப் பாங்கு என்ற இன்னோரன்ன விடயங்களைக் குறிப்பிடுவேன். இவைகள் அனைத்துக்கும் உரித்துடைய தமிழ் கிராமம் இது.

குழந்தைகளை இப்படியா துன்புறுத்துவது?

எல்லாருக்கும் வணக்கம்!

இன்று உங்களோட பேசுற விஷயம், நம்ம மனசாட்சியையே உறுத்தும் ஒன்னு. அது, குழந்தை துன்புறுத்தல். இலங்கையில் இப்போ இந்த பிரச்சனை ரொம்ப கவலைக்கிடமா மாறிஇருக்கு.

கடந்த வருஷம் ஜனவரி முதல் அக்டோபர் வரை 8,000 குழந்தை துன்புறுத்தல் கேஸ்கள் ரிப்போர்ட் பண்ணப்பட்டிருக்கு. இது 2022ல 10,500 ஆகவும், 2021ல 11,200 ஆகவும் உயர்ந்திருக்கு. இது வெறும் கணக்குகள் இல்லை. இது, அப்பாவி குழந்தைகளோட கஷ்டமும், வலியும் துன்புறுத்தலும். இதில, பெரும்பாலான கேஸ்கள் கொழும்பு மாவட்டத்துல இருந்து ரிப்போர்ட் பண்ணப்பட்டிருப்பது குறிப்பிடத்தக்கது.

பட்டிருப்புத்தொகுதியில் சிறுவர்களின் மன உழைச்சலுக்கு மருந்து கிடைக்குமா?

நமது சமுதாயத்தில் சிறுவர் வளரும் சூழல்களைப் பற்றிச் சிந்திக்கும் நேரம் வந்துவிட்டது. சிறுவர்கள் இன்று நாட்டின் பொருளாதார, அரசியல், நாளுக்கு நாள் மாறும் நிலையற்ற கல்வி முறமை என்பனவற்றினால் மிகுந்த அழுத்தத்தில் இருக்கின்றனர். பெற்றோர்களும் சேர்த்து தான். பாடசாலைக்கல்வியினைத் தாண்டி பிரத்தியேக வகுப்புக்களில் அலைந்து அடிபடுகின்றனர். 

அவர்களின் அழுத்தம் அதிகரிக்கும் முக்கிய காரணங்களில் ஒன்று, இயற்கையான பொழுதுபோக்குகளின் இல்லாமையாகும்.  சுமார் 70 வீதம் சிறுவர்கள் தினமும் மொபைல் போன், டிவி போன்ற மின்னணு சாதனங்களைப் பயன்படுத்துகின்றனர், இந்த நிலைமை அவர்கள் மனநலனிலும், உடல்நலனிலும் தீமைகளை ஏற்படுத்துகிறது.